Жило Гулназарзода: «22 донишҷӯ дар Кореяи Ҷанубӣ, Ҷопон ва Чин таҳсил доранд»
ДУШАНБЕ, 06.07.2024 /АМИТ «Ховар»/. Тибқи созишномаҳои баимзорасида, 22 донишҷӯи Донишгоҳи байналмилалии забонҳои хориҷии Тоҷикистон ба номи Сотим Улуғзода дар Кореяи Ҷанубӣ, Ҷопон ва Чин таҳсил менамоянд. Ин матлабро ректори Донишгоҳи байналмилалии забонҳои хориҷии Тоҷикистон ба номи Сотим Улуғзода Жило Гулназарзода 4 июл зимни баргузории маҷлиси ҷамъбасти натиҷаҳои фаъолият дар 6 моҳи соли равон, баён кард.
Тавре ба АМИТ «Ховар» дар ин донишгоҳ хабар доданд, яке аз ҳадафҳои донишгоҳ ин таҳсил ва табодули таҷрибаи донишҷӯён дар хориҷи мамлакат мебошад.
Ба гуфти Жило Гулназарзода, Донишгоҳи байналмилалии забонҳои хориҷӣ ҷиҳати дар сатҳи баланд омода намудани мутахассисони забоншинос, омӯзгор ва тарҷумонҳои рақобатпазир дар бозори ҷаҳонии меҳнат мусоидат карда, барои татбиқи рисолати донишгоҳ ва баланд гардидани рейтинги он дар байни муассисаҳои таҳсилоти олии касбии ҷумҳурӣ ва давлатҳои хориҷӣ пайваста саъю талош менамояд.
Иброз гардид, ки ҷиҳати дар сатҳи баланд омода намудани кадрҳои забондон, дар донишгоҳ дар баробари омӯзгорони соҳибтаҷриба 7 нафар омӯзгори хориҷӣ фаъолият намуда истодаанд.
«Дар шаш моҳи аввали соли 2024 50 нафар волонтёри забондон дар Мусобиқаи байналмилалии «Grand slam – 2024» ва 25 нафар волонтёри забондон дар Форуми Даҳсолаи байналмилалии амал «Об барои рушди устувор, 2018-2028» меҳмононро ҳамроҳӣ карданд, ки натиҷаи фаъолияти пурсамари омӯзгорони донишгоҳ мебошад»,-иброз дошт Жило Гулназарзода.
Таъкид гардид, ки робитаҳои байналмилалӣ яке аз самтҳои асосии фаъолияти донишгоҳ ба ҳисоб рафта, дар натиҷаи ҳамкории мутақобилаи судманд бо муассисаҳои таҳсилоти олии касбии хориҷи мамлакат дар ин давра 11 созишномаи нави ҳамкорӣ ба тавсиб расонида шуд, ки дар умум теъдоди созишномаҳо ба 57 адад расид.
АКС: Донишгоҳи байналмилалии забонҳои хориҷии Тоҷикистон ба номи Сотим Улуғзода
Бахшида ба «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» дар Душанбе конференсияи илмӣ доир шуд
Дар оянда дар маҳали Донишкадаи инноватсионии Душанбе шаҳраки донишҷӯён сохта мешавад
РУШДИ САНОАТИ ФАРМАТСЕВТИИ ВАТАНӢ. Дар Парки технологии Донишгоҳи миллии Тоҷикистон аз пӯсти меваи анор дору тайёр мекунанд
НИШАСТИ МАТБУОТӢ. Филиали Донишгоҳи энергетикии Москва дар шаҳри Душанбе соҳиби ду таҷҳизоти лабораторӣ аз фанни физика гардид
Байни Маркази барномаҳои байналмилалӣ ва King’s College London Ёддошти тафоҳум ба имзо расид
Дар Филиали Донишкадаи рушди менеҷменти Сингапур дар шаҳри Душанбе шумораи донишҷӯён меафзояд
НИШАСТИ МАТБУОТӢ. Дар назди филиали Донишгоҳи давлатии Москва дар шаҳри Душанбе Шурои диссертатсионии байнидавлатӣ таъсис дода шуд
НИШАСТИ МАТБУОТӢ. Соли 2025 Донишгоҳи миллии Тоҷикистон барои фаъолсозии 12 ихтисоси нав иҷозатнома гирифт
Дар Донишгоҳи давлатии Кӯлоб синфхонаҳои таълимӣ ва озмоишгоҳ ба номи омузгорону донишмандони варзида гузошта шуданд
Соли 2025 беш аз 8 миллион нусха китоби дарсӣ чоп гардид
Муттаҳидгардонии имтиҳонҳои хатми муассисаҳои таҳсилоти миёнаи умумӣ бо дохилшавӣ ба муассисаҳои таҳсилоти олии касбӣ. Ин масъала мавриди омузиш қарор мегирад
НИШАСТИ МАТБУОТӢ. Дар муассисаҳои таълимии Тоҷикистон низоми баҳогузории 10-хола чӣ натиҷа дод?
