Дар Душанбе ба маблағи зиёда аз 47 миллион доллар созишномаҳои грантӣ ба имзо расиданд

Август 24, 2024 11:37

ДУШАНБЕ, 24.08.2024 /АМИТ «Ховар»/. Байни Ҷумҳурии Тоҷикистон ва Бонки Осиёии Рушд оид ба лоиҳаи «Воситаҳои устувор барои зиндагӣ ва васеънамоии ҳуқуқ ва имконияти занони деҳот» ва маблағгузории иловагии лоиҳаи «Хизматрасониҳои маҷмуӣ барои модар ва кӯдак» созишномаҳои грантӣ ба имзо расиданд. Дар ин хусус ба АМИТ «Ховар» дар Вазорати молияи ҷумҳурӣ хабар доданд.

Созишномаҳоро 23 август Вазири молияи Ҷумҳурии Тоҷикистон Файзиддин Қаҳҳорзода ва намояндаи доимии Бонки Осиёии Рушд дар Тоҷикистон хонум Шени Кемпбел имзо намуданд.

Арзиши лоиҳаи «Воситаҳои устувор барои зиндагӣ ва васеънамоии ҳуқуқ ва имконияти занони деҳот» 17,5 миллион  доллари амрикоӣ ва маблағгузории иловагии лоиҳаи «Хизматрасониҳои маҷмуӣ барои модар ва кӯдак» 30 миллион доллари амрикоиро ташкил дода, пурра аз ҳисоби маблағҳои грантии Бонки Осиёии Рушд маблағгузорӣ мегарданд.

Ҳадафи лоиҳаи «Воситаҳои устувор барои зиндагӣ ва васеънамоии ҳуқуқ ва имконияти занони деҳот» баланд бардоштани ихтисос, омӯзиши технологияи муосири истеҳсолот, навоварӣ ва қобилияти таҳким барои навсозии системаи тақсимоти маълумоти вобаста ба маърифатнокии кишоварзӣ ба занони деҳот ва кормандони соҳаи кишоварзӣ ба ҳисоб меравад.

Мақсади асосии маблағгузории иловагии лоиҳаи «Хизматрасониҳои маҷмуӣ барои модар ва кӯдак» беҳтар намудани таъмини хизматрасонии босифат барои саломатии модару кӯдак дар ноҳияҳои зерҳадафи лоиҳа, навсозӣ ва муҷаҳҳазгардонии беморхонаҳою марказҳои саломатӣ, бунёди таваллудхонаҳо, таъмини таҷҳизоти муосир барои саломатии модар ва кӯдак, инчунин баланд бардоштани донишу малакаҳои кормандони соҳаи тиб барои хизматрасонии тиббӣ мебошад.

АКС: Вазорати молияи Ҷумҳурии Тоҷикистон

Август 24, 2024 11:37

Хабарҳои дигари ин бахш

Дар Бохтар аввалин Созишнома оид ба рушди инфрасохтори соҳаи варзиш ба имзо расид
Намояндагони Тоҷикистон дар Озмуни байналмилалии «Кашфи олами моликияти зеҳнӣ» ғолиб гардиданд
«ЧОРАҲОИ ПЕШГИРИИ ЗУҲУРОТИ КОРРУПСИОНӢ ДАР СОҲАИ НАҚЛИЁТ». Дар ин мавзуъ конференсияи ҷумҳуриявӣ доир шуд
«Сомон Эйр» барои харидории ду ҳавопаймои Boeing 737-8 бо ширкати «DAE Capital» -и Амрико созишнома ба имзо расонд
Ҳамкории Тоҷикистон ва Созмони Милали Муттаҳид барои мусоидат ба маблағгузории ҳадафҳои стратегӣ баррасӣ гардид
НИШАСТИ МАТБУОТӢ. Дар Тоҷикистон беш аз 22,4 миллиард кВт-соат неруи барқ ва зиёда аз 1,3 миллион Гкал неруи гармӣ истеҳсол шудааст
Соли 2024 дар 3239 гектар корҳои бунёд ва барқароркунии ҷангал иҷро гардид
Соли 2024 аз Тоҷикистон ба беш аз 26 давлати хориҷӣ маҳсулоти кишоварзӣ содирот гардид
«Тоҷикаэронавигатсия» соли 2024 ба 71 ҳазору 459 техникаи ҳавопаймоӣ хизмат расонидааст
НИШАСТИ МАТБУОТӢ. Дар Тоҷикистон панҷ барномаи давлатӣ барои беҳтар намудани заминҳои кишоварзӣ амал менамояд
НИШАСТИ МАТБУОТӢ. Бахшида ба Соли байналмилалии ҳифзи пиряхҳо лоиҳаи Консепсияи «Харитаи роҳ» таҳия гардид
СОЛҲОИ РУШДИ ИҚТИСОДИ РАҚАМӢ ВА ИННОВАТСИЯ. Хадамоти алоқа дар доираи ин солҳо иҷрои кадом корҳоро ба нақша гирифтааст?