Ширкати «Париматч» дар Тоҷикистон бо амбассадори худ Давлат Болтаев нишасти матбуотӣ доир намуд
ДУШАНБЕ, 10.09.2024. /АМИТ «Ховар»/. Бо ташаббуси ширкати «Париматч» бо иштироки ҷоизадори медали биринҷии Бозиҳои олимпии Париж 2024 ва амбассадори ширкати «Париматч» Давлат Болтаев бо ҳузури меҳмонон, шарикони рушд ва намояндагони воситаҳои ахбори оммаи мамлакат нишасти матбуотӣ доир гардид. Дар ин хусус ба мухбири АМИТ «Ховар» дар ин ширкат хабар доданд.
Ҷоизадори медали биринҷии Бозиҳои олимпии Париж 2024 Давлат Болтаев дар нишаст аз муҳорибаҳояш бо ҳарифони худ дар бозиҳои олимпида қисса карда, аз дастгириҳои домии ширкати «Париматч» изҳори сипос намуд.
Ҳамчунин аз ҷониби ширкати «Париматч» ба варзишгари тоҷик Давлат Болтаев мототсикли варзишӣ туҳфа гардид.
Ёдовар мешавем, ки 4 августи соли 2024 муштзани тоҷик Давлат Болтаев дар вазни то 92 кг дар даври нимниҳоии Бозиҳои тобистонаи олимпии Париж-2024 дар риштаи бокс рақобат намуда, соҳиби медали биринҷӣ шуд. Дар ин давр Давлат Болтаев ба муқобили варзишгари узбекистонӣ Лазизбек Муллоҷонов рақобат намуд. Бояд гуфт, ки муштзани тоҷик дар даври чорякниҳоӣ бар варзишгари ирландӣ Ҷек Марли бо ҳисоби 4:1 ғалаба намуда, ба даври нимниҳоии Бозиҳои олимпӣ роҳ ёфт.
Муштзани тоҷик Давлат Болтаев соли 2022 унвони чемпиони Осиё оид ба боксро соҳиб гардидааст.
Бояд гуфт, ки «Париматч» яке аз бузургтарин брендҳои букмекерӣ дар Аврупо ва Иттиҳоди Давлатҳои Мустақил мебошад, ки давоми солҳои рушди фаъол ба яке аз пешсафони арсаи Аврупо табдил ёфтааст. Руҳияи қавӣ ва талош баҳри муваффақияти бештари «Париматч» тавассути сафирон ва ҳамкорӣ бо брендҳои ҷаҳонии варзишӣ паҳн мегардад.
Дар Тоҷикистон бренди «Париматч» аз соли 2020 дар рушди варзиш фаъолона иштирок намуда, таҳти шиори «Дастгирии воқеии варзиши тоҷик» муаррифӣ мешавад.
АКС: ширкати «Париматч»
Хабарҳои дигари ин бахш
ФУТБОЛ. Имрӯз Чемпионати Тоҷикистон байни дастаҳои Лигаи якум оғоз мешавад
Дар Душанбе Мусобиқаи байналмилалии гӯштингирӣ барои дарёфти «Ҷоми Раиси шаҳри Душанбе» доир мешавад
«РОҲИ АБРЕШИМ-2026». Мотосиклчиёни Тоҷикистон дар мусобиқаи байналмилалӣ соҳиби ҷойҳои намоён шуданд
Дастаи мунтахаби олимпии Тоҷикистон оид ба футбол ғолиби мусобиқаи байналмилалӣ дар Ҳиндустон гардид
Абубакр аз Тоҷикистон ва Ҷасур аз Узбекистон соҳиби шоҳҷоизаҳои мусобиқаи гӯштини миллӣ дар Кӯлоб шуданд
Дастаи мунтахаби Тоҷикистон оид ба футбол ба марҳилаи ниҳоии Ҷоми Осиё-2027 роҳ ёфт
БОЗИИ РӮЗ! Имрӯз бозии ниҳоии марҳилаи интихобии Ҷоми Осиё-2027 байни Тоҷикистон ва Филиппин доир мегардад
Гурӯҳи доварон аз Тоҷикистон бозии дастаҳои Сурия ва Афғонистонро ҳакамӣ мекунад
ҶОМИ ОСИЁ-2027. Пагоҳ бозии даври 6-уми марҳилаи интихобӣ байни дастаҳои мунтахаби Тоҷикистон ва Филиппин доир мешавад
Дастаи мунтахаби Тоҷикистон дар Чемпионати Осиё оид ба ҷудо дар Чин иштирок мекунад
Дар Бадахшон беҳтаринҳо дар гӯштин, волейбол ва дави наврӯзӣ муайян гардиданд
Ғолибони Шоҳҷоизаҳои Мусобиқаи гӯштини миллӣ (гӯштингирӣ) дар деҳаи Пушинги ноҳияи Данғара муайян шуданд
