МегаФон Тоҷикистон ба 4G диққати махсус медиҳад
ДУШАНБЕ, 08.10.2024 /АМИТ «Ховар»/. То охири соли равон МегаФон Тоҷикистон қариб 60 майдони нави пойгоҳҳои базавии стандарти 4G/LTE-ро ташкил менамояд. Интернети босуръати мобилӣ дар Душанбе, ноҳияҳои тобеи ҷумҳурӣ, вилоятҳои Суғд ва Хатлон боз ҳам дастрасттар хоҳад шуд.
Ба ҳиссаи Душанбе чун шаҳри калонтарини ҷумҳурӣ бо теъдоди пайваста зиёдшавандаи муштариёни оператор то 40 фоизи тамоми майдонҳои нави пойгоҳҳои базавӣ рост меояд. МегаФон Тоҷикистон на танҳо зарфияти шабакаро васеъ менамояд, балки конфигуратсияи онро низ тағйир медиҳад. Биноҳои навбунёди пойтахт дар аксар ҳолатҳо монеи паҳншавии радиосигнал мешаванд, барои ҳамин пойгоҳҳои базавии иловагӣ барои барқароркунии дастрасии сокинони шаҳр ба хизматрасонии баландсифати рақамӣ хеле зарур мебошанд.
Қариб 15 майдони пойгоҳҳои базавии насли чорум дар навоҳии тобеи марказ пайдо мешаванд. Таҷҳизоти 4G имкон медиҳад, ки суръати интернети мобилӣ барои тамошои муносиби онлайн-видео ва фаъолияти нисбатан босуръати ҳама манбаъҳои дигари интернетӣ баланд карда шавад. Дар ноҳияҳои тобеи ҷумҳурӣ майдонҳои пойгоҳҳои базавии насли чорум, бахусус дар Варзоб, Ваҳдат, Ҳисор, Рӯдакӣ ва Шаҳринав бунёд карда мешаванд.
Дар вилояти Суғд то охири сол қариб 10 майдони пойгоҳҳои базавӣ фаъол мегардад. Дар баробари ин, шабакаи 4G дар Бӯстон, Зафаробод, Панҷакент ва Спитамен тақвият бахшида мешавад.
Шабакаи операторро дар вилояти Хатлон пойгоҳҳои базавие, ки дар ноҳияҳои Данғара, Ҷайҳун, Ҷомӣ, Қубодиён, Кушониён, Панҷ, Ҳамадонӣ, Хуросон ва Ёвон насб карда шудаанд, пурра менамоянд. Ҳамагӣ дар минтақа 17 майдони пойгоҳҳои базавии 4G ба кор дароварда мешавад.
«Имсол мо инкишофи шабакаи 4G-ро ҳадафи кори худ қарор додем, зеро таҷҳизоти наслҳои қаблӣ аллакай ба талаботи муштариён ҷавобгӯ нестанд. Ниёзи асосии онҳо – интернети устувор ва босуръати мобилӣ мебошад. Маҳз чунин интернет дар натиҷаи бунёдкориҳои соли 2024 вориди шаҳру навоҳии Тоҷикистон мешавад»,- шарҳ дод директори техникии ширкати «МегаФон Тоҷикистон» Рафил Аглямов.
АКС: ширкати МегаФон Тоҷикистон
Дар Аврупо метавонанд биёбонҳо пайдо шаванд
Ҷоизаи Нобел дар соҳаи тибро ду олиме, ки микроРНК-ро кашф кардаанд, соҳиб шуданд
Флорида бо сабаби наздикшавии тӯфони «Милтон» ба бузургтарин тахлия дар 7 соли охир омода мешавад
Соли 2023 камобтарин сол барои дарёҳои ҷаҳон дар беш аз се даҳсола гардид
ЗИМИСТОНГУЗАРОНӢ. Ба шаҳру ноҳияҳои Бадахшон 1500 тонна ангишт интиқол дода шуд
Дар Душанбе бо ҷалби равоншиносони хориҷӣ барои варзишгарон машварати омӯзишӣ оғоз ёфт
Имрӯз дар Тоҷикистон ҳавои тағйирёбанда пешгӯӣ мешавад
Тӯфони «Милтон»дар халиҷи Мексика шиддат гирифта, ба тундбод мубаддал гардид
Дар шоҳроҳи байналмилалии Душанбе-Турсунзода пайкараҳои ҳайвоноти нодири Тоҷикистон гузошта шуданд
Дар Москва ҷаласаи навбатии Шурои сарони давлатҳои аъзои Иттиҳоди Давлатҳои Мустақил баргузор мешавад
Кормандони милитсия дар муассисаҳои таълимии шаҳри Кӯлоб суҳбатҳои мақсаднок гузарониданд
Имрӯз дар Тоҷикистон ҳаво то 27 дараҷа гарм мешавад
