Намояндагони Тоҷикистон дар Конференсияи ҳафтуми байналмилалии истифодабарандагони «Макромайн» иштирок намуданд
ДУШАНБЕ, 21.10.2024. /АМИТ «Ховар»/. Намояндагони Ҷумҳурии Тоҷикистон дар Конференсияи ҳафтуми байналмилалии истифодабарандагони «Макромайн» дар шаҳри Алматои Ҷумҳурии Қазоқистон иштирок намуданд. Дар ин хусус ба АМИТ «Ховар» дар Саридораи геологияи назди Ҳукумати Ҷумҳурии Тоҷикистон хабар доданд.
Ҳайати Тоҷикистон дар конференсия оид ба захираҳои канданиҳои фоиданок маъруза намуд.
Иброз гардид, ки Саридораи геологияи Тоҷикистон кӯшиш дорад ба истифодаи усулҳои муосире, ки ҳоло дар ҷаҳон барои кашфи конҳо самаранок ба кор бурда мешаванд, дастрасӣ пайдо намояд.
Бо ин мақсад дар лоиҳаи «Барномаи давлатии рушди геология барои солҳои 2021-2030» барномаи «Макромайн» ворид гардидааст.
Барномаи «Макромайн» дар ҷумҳурӣ давоми даҳ сол пурра татбиқ мегардад.
Ба воситаи ин барнома маълумоте, ки барои ҳисоби захираҳои канданиҳои фоиданок зарур аст, ба даст омада, он ба таври автоматӣ ҳамаи захираҳоро ҳисоб менамояд.
Дар шароити рушди босуръати технологияҳои муосир, инноватсия ва рақамикунонӣ нармафзори «Макромайн» барои истихроҷи маъдан тақозои замон маҳсуб мешавад.
Имрӯз ин барнома дар соҳаи геология васеъ истифода шуда, бо вазифаҳо ва имконоти нав барои кашидани тарҳи конҳо, истихроҷи канданиҳои фоиданок, тарҳсозӣ ва банақшагирии геологӣ дар 100 давлати ҷаҳон истифода мегардад.
Ёдовар мешавем, ки Ширкати «Макромайн» соли 1986 дар Австралияи ғарбӣ таъсис ёфта, таъминкунандаи барномаҳои замонавӣ барои соҳаи саноати кӯҳӣ мебошад.
«Макромайн» ба геологҳо самти ҳаматарафаи баҳодиҳӣ ба конро нишон дода, ба интихоби қитъаҳои ояндадор равона мекунад.
Инчунин барои муҳандисони кӯҳӣ барнома, шароити банақшагирӣ ва лоиҳаи коркарди конро фароҳам меоварад.
АКС: Саридораи геологияи назди Ҳукумати Ҷумҳурии Тоҷикистон
Дар Донишгоҳи давлатии Кӯлоб дар мавзуи моҳияти иқтисоди сабз конференсия баргузор шуд
Дар Кумитаи андоз масъалаҳои мубрами муқовимат ба коррупсия ва роҳҳои пешгирӣ он баррасӣ гардид
Дар Суғд ҳаҷми маблағгузорӣ аз ҷониби аҳолӣ беш аз 3 маротиба зиёд шудааст
Масоили рушди ҳамкорӣ дар соҳаи саноат байни Тоҷикистон ва Арабистони Саудӣ баррасӣ гардид
Иҷрои дурнамои кишти зироат дар шаҳру ноҳияҳои тобеи ҷумҳурӣ баррасӣ гардид
Ҳайати Тоҷикистон дар иҷлосияи 21-уми Конфронси кулли Созмони рушди саноати СММ иштирок менамояд
Дар шаҳри Ваҳдат «Фестивали намоиш ва фурӯши чорвои зотӣ» баргузор гардид
Ҳамкорӣ дар самти ҳисоботдиҳӣ оид ба пардохтҳо ва даромадҳо дар соҳаҳои истихроҷ баррасӣ гардид
Масъалаи беҳтар кардани сифати алоқаи мобилӣ, интернет ва хизматрасонии операторҳои мобилӣ баррасӣ гардид
Оид ба нақши зеҳни сунъӣ дар истифодаи технологияи иттилоотӣ ва рақамӣ конференсия доир шуд
Дар Хадамоти гумрук бахшида ба Рӯзи Парчами давлатии Тоҷикистон маҷлиси тантанавӣ баргузор шуд
Ҳаҷми умумии истеҳсоли маҳсулоти кишоварзӣ дар Кӯлоб беш аз 26 миллион сомонӣ зиёд гардидааст
