Сарвазири Ҷумҳурии Тоҷикистон Қоҳир Расулзода дар ҷаласаи 23-юми Шурои сарони ҳукуматҳо-сарвазирони давлатҳои аъзои Созмони ҳамкории Шанхай иштирок намуд
ДУШАНБЕ, 16.10.2024. /АМИТ «Ховар»/. 16 октябр дар шаҳри Исломободи Ҷумҳурии Исломии Покистон ҷаласаи 23-юми Шурои сарони ҳукуматҳо-сарвазирони давлатҳои аъзои Созмони ҳамкории Шанхай баргузор гардид, ки дар кори он Сарвазири Ҷумҳурии Тоҷикистон Қоҳир Расулзода иштирок намуд.
Дар ҷаласа масоили вобаста ба таҳкими минбаъдаи ҳамкории гуногунҷанбаи судманд дар доираи Созмони ҳамкории Шанхай баррасӣ гардида, оид ба масъалаҳои муҳими минтақавӣ ва байналмилалӣ табодули афкор доир шуд.
Аз ҷумла, ба баланд бардоштани сатҳи ҳамкории амалӣ дар доираи Созмони ҳамкории Шанхай таваҷҷуҳи махсус зоҳир карда шуд.
Сарвазири Ҷумҳурии Тоҷикистон Қоҳир Расулзода зимни суханронӣ дар ин ҷаласа иброз намуд, ки бо шарофати сиёсати оқилона ва дурандешонаи Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ва роҳбарони давлатҳои аъзою нозири ин созмон муносибатҳо пайваста рушд ёфта, ба сатҳи олӣ баромадаанд.
Ҷумҳурии Тоҷикистон рушди ҳамкориро дар доираи ин Созмон афзалияти аввалиндараҷаи сиёсати хориҷии худ қарор додааст.
Доир ба замонависозии Созмон ва сохторҳои доимии он, инчунин таҳкими кор бо шарикони муколамаи Созмони ҳамкории Шанхай ва иттиҳодияҳои байналмилалӣ табодули афкор анҷом дода шуд.
Дар ҷаласа пешниҳодҳо, аз ҷумла густариши ҳамкорӣ дар самти пешгирии терроризму ифротгароӣ, қочоқи маводи нашъаовар, фурӯши одамон, тағйирёбии иқлим, ҳифзи сарчашмаҳои обӣ, иқтисоди рақамиву «сабз», тиҷорати электронӣ, таъсиси корхонаҳои саноатӣ, кишоварзӣ, афзоиши ҳаҷми содирот, нақлиёту логистика, фарҳангӣ, сайёҳӣ ва дигар самтҳои афзалиятнок пешниҳод гардиданд.
Дар анҷоми вохӯрӣ ҷонибҳо барои дар оянда боз ҳам густариш бахшидани ҳамкории мутақобилан судманд ва татбиқи масъалаҳои гуфташуда изҳори омодагӣ намуданд.
Аз рӯйи натиҷаҳои ҷаласа сарони ҳукуматҳо-сарвазирони давлатҳои аъзои Созмони ҳамкории Шанхай изҳороти муштарак ба имзо расидониданд.
АКС: АМИТ «Ховар»
Сафири Тоҷикистон бо муовини якуми Раиси Бонки марказии Арабистони Саудӣ мулоқот намуд
Дар Душанбе бо иштироки намояндагони 27 давлат маъракаи ниҳолшинонӣ баргузор шуд
Сафири Тоҷикистон дар Ҷумҳурии Корея бо мудири иҷроияи AFoCO мулоқот намуд
Дар Боку тавсеаи ҳамкории Тоҷикистон ва Озарбойҷон дар соҳаи воситаҳои ахбори омма баррасӣ гардид
Дар Сафорати Ҷумҳурии Тоҷикистон дар Русия Рӯзи Модар таҷлил гардид
Сафири Тоҷикистон дар Амрико бо Директори иҷроияи ширкати Mooney Group мулоқот кард
Дар Қоҳира масъалаи таҳкими ҳамкории Тоҷикистону Миср баррасӣ шуд
Имконияти ҳамкорӣ байни Тоҷикистон ва ширкати NVIDIA дар соҳаи зеҳни сунъӣ баррасӣ гардид
Сарвазири Тоҷикистон Қоҳир Расулзода ба роҳбарият ва мардуми Эрон изҳори тасаллият ва ҳамдардӣ намуд
Ҳамкории Тоҷикистону Беларус дар соҳаи фарҳанг ва санъат густариш меёбад
Сафири Тоҷикистон бо муовини вазири корҳои хориҷии Давлати Кувайт мулоқот намуд
Дар Душанбе масъалаи рушди муносибатҳои Тоҷикистону Фаронса баррасӣ шуд
