ТАҚВИМИ АМИТ «ХОВАР»: имрӯз 9 октябр, чоршанбе, 283-юмин рӯзи соли 2024 аст

9 октябри соли 2012 дар шаҳри Душанбе Президенти Ҷумҳурии Тоҷикистон Эмомалӣ Раҳмон ва ноиби президенти Бонки осиёии рушд Сиаою Жао масоили гуногуни ҳамкории дуҷонибаро баррасӣ намуданд.

***

9 октябри соли 2013 дар Маркази маъмурии ноҳияи Шуғнон бо иштироки Президенти Ҷумҳурии Тоҷикистон Эмомалӣ Раҳмон 5 иншооти нав мавриди истифода қарор гирифта, ба сохтмони бинои панҷошёнаи истиқоматӣ оғоз бахшида шуд.

***

9 октябри соли 2019 байни прокуратураҳои генералии Тоҷикистон ва Қатар Ёддошти тафоҳум ба имзо расид.

***

9 октябри соли 2019 ҳайати парлумонии Тоҷикистон бо мавзеъҳои таърихиву фарҳангии шаҳри Самарқанд шинос шуд.

***

Дар ин рӯзи соли 2022 АМИТ «Ховар» хабар дод, ки минтақаи Тройенаи шаҳри Неом дар шимолу ғарби Арабистони Саудӣ дар 41-ум Ассамблеяи генералии Шурои олимпии Осиё дар Камбоҷа мизбони Бозиҳои 9-уми зимистонаи Осиё-2029 интихоб шуд.

 ***

9 октябри соли 2023 дар шаҳри Душанбе бахшида ба бузургдошти 1050-солагии Абурайҳони Берунӣ таҳти унвони «Абурайҳони Берунӣ – кашшофи асрори табиат» дар ҳамкорӣ бо ЮНЕСКО Симпозиуми байналмилалии илмӣ доир гардид.

9 ОКТЯБР:

Рӯзи ҷаҳонии почта.

***

Дар Уганда Рӯзи истиқлолият.

ДАР ИН РӮЗ ТАВАЛЛУД ШУДАНД

Искандар Ҳамроқулов — соли 1942 — нависанда. Узви Иттифоқи нависандагони Тоҷикистон (1997)