25 нафар хизматчиён ва кормандони идораҳои давлатӣ дар ноҳияи Абдураҳмони Ҷомӣ соҳиби манзили нави зист шуданд
ДУШАНБЕ, 13.11.2024 /АМИТ «Ховар»/. 25 нафар хизматчиёни давлатӣ ва кормандони идораву ташкилоти давлатӣ дар ноҳияи Абдураҳмони Ҷомии вилояти Хатлон соҳиби манзили нави зист гардиданд. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии ноҳияи Абдураҳмони Ҷомӣ иттилоъ медиҳад.
Тибқи дастуру супоришҳои Сарвари давлат муҳтарам Эмомалӣ Раҳмон вобаста ба кам намудани шумораи қитъаҳои замин барои сохтмони хона, дар маркази ноҳияи Абдураҳмони Ҷомӣ ба бунёди биноҳои баландошёнаи истиқоматӣ оғоз намудаанд. Аз ҷумла, 9 ноябри соли равон бо иштироки Президенти мамлакат муҳтарам Эмомалӣ Раҳмон дар ноҳия бинои 5 ошёнаи истиқоматӣ барои хизматчиёни давлатӣ мавриди истифода қарор дода шуд.
Бинои истиқоматӣ дорои 25 хона, аз ҷумла 20-то ду ва 5-то як ҳуҷрагӣ буда, дар ҳар як ошёна ҷойи муайяни либосхушккунӣ мавҷуд аст. Бино дар масоҳати 30 садяк замин қомат афрохта, дар хонаҳои фароху барҳавои он барои зисти хизматчиёни давлатӣ ва оилаашон шароити хуб фароҳам оварда шудааст. Хонаҳои истиқоматӣ ба хизматчиёни давлатӣ ва кормандони идораву ташкилоти давлатӣ дар ноҳияи Абдураҳмони Ҷомӣ дода шуд.
Боиси хушнудӣ ва сарафрозист, ки дар замони соҳибистиқлолӣ бо татбиқи сиёсати иҷтимоии Ҳукумати Ҷумҳурии Тоҷикистон ва таваҷҷуҳи махсуси Сарвари давлат нисбат ба хизматчиёни давлатӣ дар аксар шаҳру ноҳияҳои ҷумҳурӣ чунин биноҳои истиқоматии хизматӣ сохта, мавриди истифода қарор дода шудаанд, ки дар натиҷа чандин оилаҳо соҳиби хонаҳои нави истиқоматӣ гардиданд.
Ёдовар мешавем, ки дар ноҳияи Абдураҳмони Ҷомӣ ба истиқболи 35-cолагии Истиқлолияти давлатӣ бунёду навсозии 203 иншоот ба нақша гирифта шудааст. Аз ин шумора то имрӯз 118-тои он мавриди истифода қарор гирифта, корҳои сохтмонӣ дар иншооти боқимонда идома доранд.
Рухсораи НУР,
АМИТ «Ховар»
АКС: Хадамоти матбуоти Президенти Ҷумҳурии Тоҷикистон
Рӯзи фарҳанги шаҳри Нораку ноҳияи Ёвон бо намоиши молу маҳсулоти саноатӣ ва кишоварзӣ доир шуд
35-СОЛАГИИ ИСТИҚЛОЛИ ДАВЛАТӢ. Дар шаҳри Норак барои кӯдакон муассисаҳои томактабӣ сохта мешаванд
НИШАСТИ МАТБУОТӢ. Дар муассисаҳои таълимии Тоҷикистон сатҳи дониш ва азхудкунии барномаҳои таълимӣ баланд гардидааст
КОРҲОИ ОБОДОНИЮ СОЗАНДАГӢ. Дар даромадгоҳи шаҳри Хоруғ дарвозаи нави замонавӣ бунёд карда мешавад
Дар ноҳияи Айнӣ Боғи фарҳангию фароғатии ба номи Шоҳ Исмоили Сомонӣ ба истифода дода шуд
НИШАСТИ МАТБУОТӢ. То ҷашни 35-солагии Истиқлоли давлатӣ беш аз 1400 иншоот ба истифода дода мешавад
Пешвои миллат Эмомалӣ Раҳмон бо намояндагони се ширкати калонтарини металлургии Чин мулоқот намуданд
Президенти Ҷумҳурии Тоҷикистон Эмомалӣ Раҳмон бо роҳбарону фаъолони вилояти Суғд ва кормандони соҳаи саноати кишвар мулоқот намуданд
Суханронии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар мулоқот зимни боздид аз сохтмони корхонаи ғанигардонии маъдани оҳан дар ноҳияи Бобоҷон Ғафуров
Сарвари давлат Эмомалӣ Раҳмон ба таври фосилавӣ ба бунёди корхонаҳои истеҳсоли семент дар шаҳри Истаравшан ва истеҳсоли оҳак дар ноҳияи Бобоҷон Ғафуров оғоз бахшиданд
Пешвои миллат Эмомалӣ Раҳмон дар ноҳияи Бобоҷон Ғафуров аз ҷараёни сохтмони корхонаи металлургии ҶСП «Комбинати металлургии тоҷик» дидан намуданд
НИШАСТИ МАТБУОТӢ. Дар Комиссияи олии аттестатсионӣ 13 Шурои экспертӣ фаъолият доранд
