Прокуратураи генералӣ: «Худ ва наздиконатонро аз ҳамлаҳои хакерӣ эмин нигоҳ доред!»
ДУШАНБЕ, 21.11.2024. /АМИТ «Ховар»/. Прокуратураи генералии Ҷумҳурии Тоҷикистон шаҳрвандони мамлакатро даъват кардааст, ки ба ҳар гуна паёмакҳои шубҳаоваре, ки рӯзҳои охир дар шабакаҳои иҷтимоӣ, бахусус дар Телеграм бо навиштаҷоти «Вам отправили подарок-подписка Телеграм Премиум сроком на 1 год! Активировать подарок через ссылку» бо истифода аз номи наздикон ирсол мешаванд, бовар накунанд.
Тавре ба АМИТ «Ховар» дар ин ниҳод хабар доданд, дар натиҷаи таҳлил ва коркарди техникӣ муайян гардид, ки ин паёмак ва пайванди (ссылка) ирсолшуда дорои вируси зараровар буда, ҳамлаи хакерӣ дар намуди «Фишинг» мебошад.
Дар ҳолати кушодани паёмак ва ворид шудан ба пайванди ирсолшуда хакерҳо метавонанд аккаунти «Телеграм»-и истифодабарандагонро ғайриқонунӣ аз худ намуда, бо мақсадҳои ғаразнок истифода баранд.
Дар натиҷаи гузаштан ба пайванд (ссылка) метавон маълумоти шахсӣ ва бонкии худро дар ихтиёри хакерҳо-қаллобони интернетӣ гузошт, ки баъдан онҳо инро барои тасарруф намудани маблағҳои пулӣ аз кортҳои бонкии истифодабарандагон ё талаб намудани маблағ бар ивази баргардонидани аккаунтҳои азхудшуда истифода намоянд.
«Аз ин рӯ, аз истифодабарандагони шабакаҳои иҷтимоӣ эҳтиромона хоҳиш карда мешавад, ки дар ҳолати ба онҳо ирсол гардидани паёмак ва пайванди гуфташуда, новобаста аз номи кӣ буданаш онро накушоянд ва ба дигарон ирсол накарда, онро банданд (заблокировать) ё нест кунанд (удалить)»,-изҳор доштанд дар ин мақомот.
АКС: Прократураи генералии Ҷумҳурии Тоҷикистон
Дар панҷ соли охир музди меҳнати амалкунандаи кормандони мақомоти ҳифзи ҳуқуқ дар Тоҷикистон 100 фоиз зиёд карда шуд
Дар Қувваҳои мусаллаҳи Тоҷикистон даври якуми таҳсил оғоз гардид
Дар Раёсати Вазорати корҳои дохилӣ дар вилояти Суғд доир ба ҳифзи ҳуқуқу манфиатҳои ноболиғон ҳамоиш доир шуд
Вазорати корҳои дохилӣ: «Ҳеҷ гоҳ корти бонкӣ ё маълумоти онро ба шахсони сеюм надиҳед»
Дар Палатаи ҳисоб оид ба сиёсати ҳуқуқии давлат дар самти пешгирӣ ва муқовимат ба экстремизм ва терроризм машварат доир шуд
Ҷаласаи Комиссия оид ба ҳолатҳои фавқулода ва мудофиаи граждании ноҳияи Шаҳринав баргузор шуд
Прокуратураи генералӣ: «Дар робита ба кушторҳои дар шаҳри Конибодом рухдода гумонбарон дастгир гардиданд»
Дар Вазорати мудофиаи Тоҷикистон оид ба ҷамъбасти даъвати тирамоҳӣ ҷаласа баргузор гардид
1500 нафар ҷавонони синни даъватии вилояти Суғд даври омӯзишии ронандагиро хатм намуданд
Дар шаҳри Бодканд вохӯрии гурӯҳҳои кории ҳайатҳои ҳукуматии Тоҷикистон ва Қирғизистон баргузор шуд
Бахшида ба Рӯзи таъсиси Воҳидҳои таъйиноти махсуси Вазорати корҳои дохилӣ ҳамоиш доир шуд
Мулоқоти ҳамраисони ҳайатҳои ҳукуматии Тоҷикистон ва Қирғизистон баргузор гардид
