Дар шаҳри Хоруғ Моҳвораи маҳфилҳои зеҳнию маърифатӣ ва бозиҳои варзишию ҳарбӣ оғоз ёфт

Январь 26, 2025 10:00

ХОРУҒ, 26.01.2025 /АМИТ «Ховар»/. Аз 23 январ то 23 феврал бахшида ба Рӯзи Қувваҳои мусаллаҳи Ҷумҳурии Тоҷикистон ҳамасола дар муассисаҳои таҳсилоти миёнаи умумии ҷумҳурӣ Моҳвораи маҳфилҳои гуногуни маърифатӣ ва бозиҳои варзишию ҳарбӣ баргузор мегардад. Ба ин муносибат бо ибтикори Ташкилоти мададгори мудофиаи Вазорати мудофиаи Ҷумҳурии Тоҷикистон дар толори варзишии Литсей барои хонандагони болаёқати шаҳри Хоруғ ҷамъомади тантанавӣ баргузор гардид, хабар медиҳад мухбири минтақавии АМИТ «Ховар» Файз Мирасан.

Муовини сардори бошгоҳи варзишию техникии Вилояти Мухтори Кӯҳистони Бадахшон Алимамад Мирзоқандов изҳор намуд, ки «ҳадафи асосии ин моҳвора дар руҳияи ватандӯстӣ тарбия намудани наврасон ва такмил додани дониши назариявӣ ва амалии онҳо доир ба масъалаҳои низомӣ мебошад. Зеро ояндаи наздик ҷавонон ба хизмати Ватан раҳсипор мегарданд ва агар ҷисману руҳан солиму тануманд ва бо силоҳу техникаи ҳарбӣ шинос бошанд, хизматро бе душворӣ пушти сар мекунанд».

Муовини раиси Ташкилоти мададгори мудофиаи назди Вазорати мудофиаи Ҷумҳурии Тоҷикистон Исматулло Назиров баён дошт, ки «Президенти Тоҷикистон муҳтарам Эмомалӣ Раҳмон дар ҳар суҳбату мулоқот бо кормандони соҳаи маориф бо ишора ба тарбияи ватандӯстии наврасону ҷавонон таъкид менамоянд, ки бо мақсади баланд бардоштани сатҳу сифати тарбияи наврасону ҷавонон бояд ба масъалаи таҳкими ҳисси худшиносии миллӣ, ватандӯстию ватанпарастӣ ва инсонпарварии онҳо таваҷҷуҳи аввалиндараҷа дода шавад».

Дар доираи ин моҳвора дар шаҳру ноҳияҳои вилоят маҳфилҳои гуногуни зеҳнию маърифатӣ ва мусобиқаҳои варзишию ҳарбӣ оғоз гардида, дар арафаи Рӯзи Артиши миллӣ ғолибони мусобиқаҳои варзишию ҳарбӣ  бо Ифтихорнома ва мукофоти пулӣ сарфароз гардонида мешаванд.

АКС: АМИТ «Ховар»

Январь 26, 2025 10:00

Хабарҳои дигари ин бахш

НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
Пагоҳ дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
ҲИСОББАРОБАРКУНИИ ҒАЙРИНАҚДӢ. 64 фоизи аҳолии калонсоли ноҳияи Шаҳринав дорандаи корти бонкӣ мебошанд
«Бисоз Life»: 2,5 маротиба бештар суҳбат намоед!
Имрӯз дар Тоҷикистон борон ва барф дар назар аст
Имрӯз дар Вазорати тандурустӣ ва ҳифзи иҷтимоии аҳолӣ, Кумитаи кор бо ҷавонон ва варзиш, Кумитаи кор бо занон ва оила, Мақомоти шаҳри Душанбе ва Комиссияи олии аттестатсионӣ нишасти матбуотӣ баргузор мегардад
Вобаста ба таҳким бахшидани ҳамкории милитсия бо ҷомеа дар ноҳияи Ёвон ҳамоиши маърифатӣ-ҳуқуқӣ доир гардид
Агентии амнияти химиявӣ, биологӣ, радиатсионӣ ва ядроӣ ҳамкориро бо Маркази ҷумҳуриявии илмии саратоншиносӣ тақвият мебахшад
Пагоҳ дар Вазорати тандурустӣ ва ҳифзи иҷтимоии аҳолӣ, Кумитаи кор бо ҷавонон ва варзиш, Кумитаи кор бо занон ва оила, Мақомоти шаҳри Душанбе ва Комиссияи олии аттестатсионӣ нишасти матбуотӣ баргузор мегардад
Имрӯз дар баъзе ноҳияҳои Тоҷикистон барф меборад
Дар Боку таҳкими ҳамкории Тоҷикистон ва Донишгоҳи Академияи дипломатии Озарбойҷон дар соҳаи маориф ва илм баррасӣ шуд