Дар Тоҷикистон 61 фоизи заминҳо ба системаи биллингӣ ворид карда шудаанд
ДУШАНБЕ, 23.02.2025. /АМИТ «Ховар»/. Дар Ҷумҳурии Тоҷикистон 330 ҳазор гектар ё 61 фоизи заминҳо ба системаи биллингӣ ворид карда шудаанд. То соли 2025 86 ҳазору 700 нафар истифодабарандагон (89 фоиз) бо ID код таъмин гардида, пардохти ҳаққи хизмати обрасонӣ ба тариқи системаи биллингӣ 41 миллиону 900 ҳазор сомониро ташкил дод. Дар ин хусус директори Агентии беҳдошти замин ва обёрии назди Ҳукумати Ҷумҳурии Тоҷикистон Зафарбек Давлатзода ба АМИТ «Ховар» иттилоъ дод.
Иброз гардид, ки барои иҷрои Қарори Ҳукумати Ҷумҳурии Тоҷикистон аз 28 марти соли 2023 «Дар бораи тадбирҳои солимгардонии вазъи иқтисодию молиявии низоми беҳдошти замин, обёрӣ ва энергетикии Ҷумҳурии Тоҷикистон» оид ба гузаштан ба пардохти ғайринақдӣ дар ҷумҳурӣ ин система амалӣ мегардад. Дар айни замон ба истифодабарандагони системаи биллингӣ ба тариқи смс паёмак аз қарзи боқимонда ва истифодаи об маълумот ирсол мегардад. Ин система аз соли 2023 оғоз гардида, соли 2024 пурра амалӣ гардид.
Гуфта шуд, ки раванди татбиқи системаи биллингӣ корҳои назаррас, аз қабили беҳтар намудани назорати истифода ва тақсимоти об бо роҳи барқарор кардани дарвозаҳои обтақсимкунӣ, сохтмони обченкунакҳо дар сарҳади об ва таъмини ассотсиатсияҳои истифодабарандагони об бо обченкунакҳо барои истифодаи оқилонаи оби полезӣ ва дигар масъалаҳоро ба танзим медарорад.
Иттилоъ дода шуд, ки соли 2024 Агентии беҳдошти замин ва обёрии назди Ҳукумати Ҷумҳурии Тоҷикистон бо 75 292 истифодабарандаи об дар 524 410 гектар замин шартномаи тарафайни хизмати обрасонӣ ба имзо расонид. Ба онҳо мувофиқи дархост ва талабашон дар ҳаҷми 3 миллиарду 724,7 миллион метри мукааб бо арзиши 179,2 миллион сомонӣ об расонида шуд. Аз ҷониби истифодабарандагони об соли 2024 63 миллиону 13,0 ҳазор сомонӣ ҳаққи хизмати обрасонӣ пардохт гардид. Ба ҳисоби миёна дар ҷумҳурӣ ба ҳар гектар замин 7,1 ҳазор метри мукааб об расонида шудааст.
АКС: АМИТ «Ховар»
Байни Тоҷикистон ва Русия дар самти амнияти иттилоотӣ ва коммуникатсионӣ Ёддошти тафоҳум ба имзо расид
Вазирони рушди иқтисоди Тоҷикистон ва Русия амалисозии Харитаи роҳ оид ба густариши ҳамкории тиҷоратию иқтисодиро зарур шумориданд
Доир ба тақвияти ҳамкории Тоҷикистон ва Русия дар соҳаи нақлиёт санади нави ҳамкорӣ ба имзо расид
Агентии инноватсия ва технологияҳои рақамии назди Президенти Тоҷикистон барои рушди зеҳни сунъӣ тадбирҳои амалӣ меандешад
Сарвари давлат Эмомалӣ Раҳмон: «Шумораи сайёҳон аз Русия ба Тоҷикистон афзоиш ёфтааст»
Таҳкими ҳамкорӣ байни Тоҷикистон ва Комиссияи иқтисодии СММ барои Аврупо дар самтҳои рақамикунонии соҳаи сохтмон баррасӣ гардид
Таҳкими ҳамкории Тоҷикистон ва Русия дар соҳаи инноватсия ва технологияҳои рақамӣ баррасӣ гардид
Аз Тоҷикистон ба Русия беш аз 29 ҳазор тонна маҳсулоти кишоварзӣ содирот карда шудааст
Дар ҷаласаи 86-уми Кумита оид ба рушди шаҳрсозӣ, манзил ва идоракунии замин стратегияи рушди соҳаи сохтмони Тоҷикистон муаррифӣ шуд
Ҳамкории кишварҳои Иттиҳоди Давлатҳои Мустақил дар соҳаи нақлиёт густариш меёбад
ИМРӮЗ — РӮЗИ ҶАҲОНИИ ПОЧТА. «Почтаи Тоҷикистон» дар шакли муосир хизмат мерасонад
Дурнамои ҳамкории Тоҷикистон ва БАТР дар соҳаи энергетика баррасӣ шуд
