Соли 2024 дар Тоҷикистон беш аз 2,5 миллион тонна ангишт истихроҷ гардид
ДУШАНБЕ, 09.02.2025 /АМИТ «Ховар»/. Вазорати саноат ва технологияҳои мамлакат аз афзоиш ёфтани ҳаҷми истихроҷи ангишт хабар медиҳад. Соли 2024 ангиштканони тоҷик беш аз 2,5 миллион тонна ангишт истихроҷ намуданд, ки нисбат ба соли 2023 485 ҳазор тонна зиёд мебошад.
Тавре Вазири саноат ва технологияҳои нави Ҷумҳурии Тоҷикистон Шералӣ Кабир ба хабарнигорон дар нишасти матбуотӣ иттилоъ дод, соли 2024 дар 13 кон аз ҷониби 17 корхона зиёда аз 2,5 миллион тонна ангишт истихроҷ гардид.
Гуфта шуд, ки бақияи ангишт ба ҳолати 1 январи соли 2025 дар анбори корхонаҳои соҳа бо назардошти бақияи ангишти солҳои пешин зиёда аз 764,5 ҳазор тоннаро ташкил медиҳад, ки нисбат ба аввали соли 2024 ба ҳаҷми 520,0 ҳазор тонна афзоиш ёфтааст.
Ҳамзамон иттилоъ дода шуд, ки беш аз 1,2 миллион тонна ё 47 фоиз аз ҷониби корхонаҳои давлатӣ ва зиёда аз 1,3 миллион тонна ё 53 фоиз аз тарафи корхонаҳои хусусӣ истихроҷ карда шудааст.
Аз ҳаҷми ангишти истихроҷгардида 1 миллиону 785,0 ҳазор тонна ё 69 фоиз ба тарзи кушод ва 785,0 ҳазор тонна ё 31 фоиз ба тарзи зеризаминӣ истихроҷ гардидааст.
Бо дахли фурӯши ангишт дар ҳамин давра Шералӣ Кабир гуфт, ки соли 2024 ҳаҷми фурӯши ангишт 2,0 миллион тоннаро ташкил дод. Аз ҷумла, ба Ҷамъияти саҳомии кушодаи «Маркази барқу гармидиҳӣ-2»-и шаҳри Душанбе 951,3 ҳазор тонна, корхонаҳои саноатӣ 356,5 ҳазор тонна, аҳолӣ ва соҳибкорони инфиродӣ 444,9 ҳазор тонна ва муассисаҳои буҷетӣ 68,4 ҳазор тонна рост меояд.
Марзия САИДЗОДА,
АМИТ «Ховар»
АКС: АМИТ «Ховар»
35-СОЛАГИИ ИСТИҚЛОЛИ ДАВЛАТӢ. Дар ноҳияи Восеъ сохтмони иншооти таъйиноти гуногун идома дорад
Дар Душанбе натиҷаҳои COP30 ва раванди такмилсозии NDC 3.0-и Тоҷикистон баррасӣ гардид
«ТОП – 35 ШАРИКИ БОЭЪТИМОДИ СОЛ». Ба муносибати 35-солагии Истиқлолияти давлатӣ озмун баргузор мегардад
Дар ноҳияи Деваштич Маркази ҷумҳуриявии инноватсия ва технологияҳо дар соҳаи картошкапарварӣ таъсис дода мешавад
Бахшида ба Рӯзи байналмилалии ҳимояи ҳуқуқи истеъмолкунандагон корҳои фаҳмондадиҳӣ доир гардид
ИМРӮЗ-РӮЗИ БАЙНАЛМИЛАЛИИ ҲИМОЯИ ҲУҚУҚИ ИСТЕЪМОЛКУНАНДАГОН. Зиёда аз 86 тонна маҳсулоти бесифати бозорҳои истеъмолӣ нобуд карда шуд
Байни ширкати ҳавопаймоии хусусии «Shohin Airlines» ва Бунёди сармоягузории аврупоӣ Созишномаи сармоягузорӣ ба имзо расид
Ҷаласаи Гурӯҳи кории байниидоравӣ оид ба мониторинг ва арзёбии ҳуҷҷатҳои банақшагирии стратегӣ доир гардид
Дар Вашингтон дурнамои ҳамкории Тоҷикистон бо Бонки ҷаҳонӣ дар самти рушди инфрасохтори роҳу нақлиёт баррасӣ шуд
Тоҷикистон ҳамкориро бо Барномаи ҷаҳонии озуқаворӣ дар самти устувории иқлимӣ тақвият медиҳад
То соли 2030 ҳаҷми савдо байни Тоҷикистон ва Қазоқистон ба 2 миллиард доллар расонида мешавад
Тоҷикистон ба таҷрибаи бузургтарин оператори бозори неруи барқи Аврупо — Nord Pool мароқ зоҳир намуд
