Бозиҳои даври сеюми Чемпионати Тоҷикистон байни дастаҳои Лигаи олӣ 28-29 март доир мешаванд
ДУШАНБЕ, 19.03.2025 /АМИТ «Ховар»/. 28-29 марти соли 2025 бозиҳои даври сеюми Чемпионати Тоҷикистон байни дастаҳои Лигаи олӣ баргузор шуда, дар он дастаҳои футболи КМВА-и шаҳри Душанбе бо «Ҳулбук»-и ноҳияи Восеъ, «Барқчӣ»-и шаҳри Душанбе бо «Панҷшер»-и ноҳияи Ҷалолиддини Балхӣ, «Истаравшан»-и шаҳри Истаравшан бо «Эсхата»-и шаҳри Хуҷанд, «Вахш»-и шаҳри Бохтар бо «Регар-ТадАЗ»-и шаҳри Турсунзода, «Истиқлол»-и шаҳри Душанбе бо «Ҳосилот»-и ноҳияи Фархор ва «Равшан»-и шаҳри Кӯлоб бо «Хуҷанд»-и шаҳри Хуҷанд байни ҳам рақобат менамоянд. Дар ин хусус шореҳи варзиши АМИТ «Ховар» бо истинод ба Федератсияи футболи Тоҷикистон хабар медиҳад.
Бозиҳои даври дуюми мусобиқаи қаҳрамонии футболи Тоҷикистон байни дастаҳои Лигаи олӣ 14-16 марти соли 2025 хеле ҷолиб баргузор шуданд. Дар мусобиқаи имсолаи Лигаи олии Тоҷикистон, ки бори 34-ум доир шуд, 12 даста иштирок дорад. Бо сабаби омода набудани майдонҳо ҳамаи бозиҳои даври дуюми мусобиқаи Лигаи олӣ дар Варзишгоҳи марказии шаҳри Душанбе доир гардиданд.
Ёдовар мешавем, ки Чемпионати Тоҷикистон оид ба футбол байни дастаҳои Лигаи олӣ дар ду давра доир гардида, ҳар даста 22 бозӣ анҷом медиҳад. Дастае, ки имсол дар мусобиқаи Лигаи олӣ ҷойи охиринро ишғол менамояд, ба Лигаи якум мегузарад ва дастае, ки ҷойи ёздаҳумро мегирад, бо барандаи медали нуқраи Лигаи аввали Тоҷикистон дар соли 2025 бозиҳои гузаришӣ доир менамояд.
АКС: Федератсияи футболи Тоҷикистон
Дастаи мунтахаби Тоҷикистон оид ба футбол моҳҳои сентябр ва октябр дар сафар се бозии дӯстона баргузор мекунад
35-СОЛАГИИ ИСТИҚЛОЛИ ДАВЛАТӢ. Дар шаҳри Турсунзода зиёда аз 31 иншооти варзишӣ ба истифода дода шуд
ФУТБОЛ. 31 август марҳилаи интихобии Ҷоми Осиё-2027 байни мунтахабҳои ҷавонони то 20-сола оғоз мешавад
Сармураббии нави дастаи мунтахаби наврасони Тоҷикистон (U-17) оид ба футбол таъйин гардид
Дастаи мунтахаби ҷавонони Тоҷикистон (U-20) оид ба футбол бозии дуюми санҷиширо бо дастаи Лубнон мусовӣ анҷом дод
Дастаи мунтахаби ҷавонони Тоҷикистон (U-20) дар бозии якуми санҷишӣ бар дастаи Лубнон пирӯз шуд
Ҳайати васеи дастаи мунтахаби Тоҷикистон оид ба футбол барои бозиҳои дӯстонаи моҳҳои сентябр ва октябр эълон гардид
Ҳайати дастаи мунтахаби ҷавонони Тоҷикистон (U-20) оид ба футбол барои марҳилаи интихобии Ҷоми Осиё-2027 муайян шуд
Дастаи мунтахаби ҷавонони Тоҷикистон (U-20) оид ба футбол бо дастаи Лубнон бозии санҷишӣ баргузор мекунад
Самбочиёни Клуби марказии варзиши артиши Вазорати мудофиаи Тоҷикистон дар Москва соҳиби ду медали биринҷӣ шуданд
«ФУТБОЛ ВА РУШДИ ОН ДАР ҶУМҲУРИИ ТОҶИКИСТОН». Таҳти чунин унвон китоби иттилоотӣ-омӯзишӣ нашр гардид
Мунтахаби Тоҷикистон дар Чемпионати ҷаҳон оид ба гӯштини миллӣ (гӯштингирӣ) 12 медал ба даст овард
