Дурнамои тақвияти ҳамкории Тоҷикистон бо Ҳиндустон, Эрон ва Покистон дар соҳаи саноат баррасӣ шуд
ДУШАНБЕ, 05.03.2025 /АМИТ «Ховар»/. Густариши ҳамкории Тоҷикистон дар бахши саноат дар мулоқоти Вазири саноат ва технологияҳои нави Ҷумҳурии Тоҷикистон Шералӣ Кабир бо сафирони фавқулода ва мухтори Ҷумҳурии Ҳиндустон Раҷеш Уикер, Ҷумҳурии Исломии Эрон Алиризо Ҳақиқиён ва Ҷумҳурии Исломии Покистон Муҳаммад Саид Сарвар дар Душанбе баррасӣ гардид.
АМИТ «Ховар» бо истинод ба Вазорати саноат ва технологияҳои нави Ҷумҳурии Тоҷикистон иттилоъ медиҳад, ки ҷонибҳо оид ба густариши ҳамкорӣ дар бахшҳои иқтисодӣ, алалхусус дар соҳаи саноат табодули назар намуданд.
Гуфта шуд, ки байни давлатҳо зарфияти зиёд барои рушди ҳамкории тиҷоратию иқтисодӣ мавҷуд аст. Дар робита ба ин аз доираи соҳибкорону сармоягузорони ин давлатҳо барои иштирок дар лоиҳаҳои афзалиятноки Тоҷикистон даъват ба амал оварда шуд.
Дар мулоқот ҳамзамон масъалаҳои рушди ҳамкорӣ дар бахши истихроҷи маъдан, соҳаҳои саноати сабук, хӯрокворӣ, масолеҳи сохтмон, дорусозӣ ва дар ин замина таъсиси корхонаҳои муштараки саноатӣ баррасӣ шуданд. Ҷонибҳо оид ба пайдо намудани роҳҳои нави ҳамкории тиҷоратию иқтисодӣ ибрози назар намуданд.
АКС: Вазорати саноат ва технологияҳои нави Ҷумҳурии Тоҷикистон
Дар ҷаласаи 56-уми Комиссияи омории СММ масъалаи барӯйхатгирии аҳолии Тоҷикистон баррасӣ гардид
Дурнамои нишондиҳандаҳои асосии рушди иҷтимоию иқтисодии шаҳру ноҳияҳои Тоҷикистон дар соли 2026 баррасӣ шуд
Раиси Девони вазирон — Роҳбари Дастгоҳи Президенти Ҷумҳурии Қирғизистон бо ҷараёни корҳои сохтмонӣ дар Неругоҳи барқи обии «Роғун» шинос шуд
Доир ба муаррифии ҷашнҳои миллӣ тавассути ВАО ва саҳифаҳои иҷтимоии блогерон вохӯрӣ баргузор шуд
Рушди ҳамкории кишоварзӣ байни Тоҷикистон ва Русия баррасӣ гардид
Ҷаласаи Кумитаи тадорукот оид ба омодагӣ ва иштироки Тоҷикистон дар Намоишгоҳи байналмилалии ЭКСПО-2025 дар Осака доир шуд
Бонки миллии Тоҷикистон сабикаҳои ченакии тиллоро бо вазнҳои 5, 10, 20, 50 ва 100 грамм ба фурӯш баровард
Дар Тоҷикистон «Стратегияи миллии бехатарии ҳаракат дар роҳ» таҳия мегардад
Ширкати фаронсавии EDF дар дарёи Зарафшон корҳои омӯзишӣ мегузаронад
Ҳамкории Тоҷикистон ва Бонки Осиёии рушд оид ба рушди инноватсия ва технологияҳои рақамӣ таҳким меёбад
Ҳайати Тоҷикистон дар ҷаласаи Комиссияи байниҳукуматии ТРАСЕКА дар Теҳрон иштирок намуд
Соли 2025 дар Тоҷикистон раванди татбиқи 32 ҳуҷҷати стратегӣ мавриди баррасӣ қарор мегирад
