Устуворӣ ба тағйирёбии иқлим ва навоварӣ дар идораи захираҳои обӣ ва мониторинги пиряхҳо баррасӣ шуд
ДУШАНБЕ, 01.03.2025 /АМИТ «Ховар»/. Дар Осиёи Марказӣ таъмини оби нӯшокӣ ба ҳар нафар чор маротиба коҳиш ёфтааст. Ин нукта дар ҳамоише, ки дар Душанбе таҳти унвони «Тақвияти устуворӣ ба тағйирёбии иқлим дар Тоҷикистон: навовариҳо дар идоракунии захираҳои обӣ ва мониторинги пиряхҳо» бахшида ба Соли байналмилалии ҳифзи пиряхҳо бо ташаббуси Вазорати энергетика ва захираҳои оби Ҷумҳурии Тоҷикистон баргузор шуд, иброз гардид. Дар ин хусус АМИТ «Ховар» бо истинод ба Вазорати энергетика ва захираҳои оби мамлакат иттилоъ медиҳад.
Дар ҳамоиш муовини якуми Вазири энергетика ва захираҳои оби ҷумҳурӣ Ҷамшед Шоимзода гуфт, ки обу иқлим бо ҳам робитаи ногусастанӣ доранд. Обшавии пиряхҳо аллакай сабаби кам шудани захираҳои обӣ дар ҷаҳон гардидааст. Дар Осиёи Марказӣ таъмини оби нӯшокӣ ба ҳар нафар чор маротиба коҳиш ёфтааст – аз 8,4 ҳазор м³ дар соли 1960 то 2,1 ҳазор м³ то имрӯз. Ин раванд дар тамоми ҷаҳон мушоҳида мешавад: обшавии пиряхҳои Арктика ва Антарктида сатҳи баҳрҳоро боло бурда, ба ҳаёти миллионҳо нафар дар кишварҳои ҷазиравӣ ва соҳилӣ таҳдид менамоянд.
Тоҷикистон таҳти роҳбарии Президенти мамлакат муҳтарам Эмомалӣ Раҳмон дар арсаи байналмилалӣ ҳамчун давлати ташаббускор, пешоҳанг ва таъсиргузор дар масъалаҳои марбут ба обу иқлим эътироф гардидааст. Қабул гардидани қарори Маҷмаи умумии Созмони Милали Муттаҳид оид ба эълони соли 2025- Соли байналмилалии ҳифзи пиряхҳо ва 21 март Рӯзи ҷаҳонии пиряхҳо ин нуктаро бори дигар тасдиқ намуд.
Аҳамияти пиряхҳо дар таъмини ҳаёти инсоният ва экосистемаҳо ниҳоят бузург аст, зеро онҳо яке аз сарчашмаҳои асосии оби ошомиданӣ ва манбаи устувори муҳити зист ба ҳисоб мераванд. Боиси нигаронӣ аст, ки дар даҳсолаҳои охир бинобар таъсири тағйирёбии иқлим обшавии босуръати пиряхҳо ба мушоҳида мерасад, ки ин метавонад боиси камбуди об, тағйироти ҷиддии экологӣ ва таназзули иқтисодию иҷтимоии минтақаҳои гуногуни ҷаҳон гардад.
Дар конфронс натиҷаҳои экспедитсияи пиряхшиносӣ ва моделсозии глятсио-гидрологӣ дар ҳавзаи дарёи Зарафшон пешниҳод шуданд.
АКС: Вазорати энергетика ва захираҳои оби Ҷумҳурии Тоҷикистон
Дар Душанбе тавсеаи ҳамкории Тоҷикистон бо Иттиҳоди Аврупо дар соҳаи энергетика баррасӣ шуд
Барномаи рақамикунонии соҳаи кишоварзии Ҷумҳурии Тоҷикистон барои солҳои 2025-2030 қабул гардид
Тоҷикистон аъзои Иттиҳоди байналмилалии ҳифзи табиат (IUCN) гардид
Вазорати энергетикаи Тоҷикистон бо ташкилоти байналмилалӣ санадҳои нави ҳамкорӣ ба имзо расонид
КОНФРОНСИ БАЙНАЛМИЛАЛИИ САТҲИ БАЛАНД ОИД БА ҲИФЗИ ПИРЯХҲО. Он самтҳои калидии ҳамкории байналмилалӣ, таҳқиқоти илмӣ ва қарорҳои сиёсиро фаро мегирад
Вобаста ба устувории молиявӣ барои ҳифзи пиряхҳо ва устувории иқтисодӣ дар Тоҷикистон ҳамоиш доир шуд
«АЗ ПИРЯХҲО ТО ХОҶАГИДОРОН». Барои нуҳ давлат барномаи нав таҳия карда мешавад
Масъалаҳои татбиқи лоиҳаҳои муҳими миллӣ вобаста ба тағйирёбии иқлим ва муҳофизати пиряхҳо баррасӣ шуданд
Дар Душанбе доир ба маблағгузорӣ барои мутобиқшавӣ, коҳиш ва ҷуброни талафоти вобаста ба пиряхҳо ҳамоиш доир шуд
Лоиқ Раҳмонзода: «Яке аз хатарноктарин пайомадҳо афзоиши шумораи рахнашавии кӯлҳои пиряхӣ мебошад»
Дар «Dushanbe EXPO Centre» намоишгоҳи саноатии молҳои Тоҷикистон оғоз гардид
Дар доираи Конфронси байналмилалии сатҳи баланд оид ба ҳифзи пиряхҳо дар «Кохи Сомон» зиёда аз 20 гӯша ташкил гардидааст
