Оид ба татбиқи барномаҳои давлатии Тоҷикистон дар пешгирии экстремизм ва терроризм конфронси ҷумҳуриявӣ доир шуд
ДУШАНБЕ, 24.04.2025 /АМИТ «Ховар»/. Бо мақсади иҷрои дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон, ки аз Паёми Президенти Тоҷикистон ба Маҷлиси Олии Ҷумҳурии Тоҷикистон бармеоянд, имрӯз дар шаҳри Душанбе бо ташаббуси Прокуратураи генералии Ҷумҳурии Тоҷикистон дар ҳамкорӣ бо Барномаи рушди Созмони Милали Муттаҳид Конфронси ҷумҳуриявӣ оид ба «Барномаҳои давлатии Ҷумҳурии Тоҷикистон дар пешгирии экстремизм ва терроризм ва татбиқи қатъномаҳои Созмони Милали Муттаҳид» баргузор гардид. Дар ин хусус ба АМИТ «Ховар» аз Прокуратураи генералии Ҷумҳурии Тоҷикистон иттилоъ доданд.
Дар конфронс роҳбарият ва кормандони вазорату идораҳо, мақомоти иҷроияи ҳокимияти давлатии шаҳру ноҳияҳо, муассисаҳои таълимӣ, созмонҳои байналмилалӣ, ташкилоти ҷамъиятӣ, олимону коршиносон, ходимони дин ва шарикони рушд ба тариқи ҳузурӣ ва маҷозӣ сухан намуданд.
Таъкид гардид, ки ҳадафи конфронс баланд бардоштани сатҳи огоҳӣ дар бораи хатару таҳдидҳои нав вобаста ба экстремизму терроризм мебошад. Иштирокдорони конфронс хулосаҳо ва тавсияҳояшонро барои тақвияти чораҳои пешгирии экстремизм ва терроризм дар ҷумҳурӣ пешниҳод намуданд, ки дар таҳияи минбаъдаи барномаҳои давлатӣ дар самти баррасишаванда истифода мешаванд.
Таъкид гардид, ки дар доираи татбиқи «Стратегияи муқовимат ба экстремизм ва терроризм дар Ҷумҳурии Тоҷикистон барои солҳои 2021-2025» ва қатъномаҳои Созмони Милали Муттаҳид дар самти пешгирии экстремизм ва терроризм Прокуратураи генералии Ҷумҳурии Тоҷикистон баргузор намудани конфронсу ҳамоишҳо ва чорабиниҳои дигари иттилоотию фаҳмондадиҳиро бо ҷалби олимону коршиносон, зиёиёни эҷодкор, мақомоти давлатии масъул, ташкилоти байналмилалӣ ва ҷомеаи шаҳрвандӣ мегузаронад. Самти асосии он ба пешгирии экстремизм, терроризм ва дигар зуҳуроти номатлуби ҷаҳони муосир нигаронида шудааст.
Тоҷикистон мубориза бо хатарҳои ҷаҳони муосирро яке аз самтҳои афзалиятноки сиёсати худ эътироф намудааст.
АКС: Прокуратураи генералии Ҷумҳурии Тоҷикистон
ТОҶИКИСТОНИ СОҲИБИСТИҚЛОЛ — ПАЙВАНДГАРИ ТАМАДДУНИ ОРИЁӢ. Андешаҳо оид ба Анҷумани тоҷикон ва форсизабонони ҷаҳон – «Пайванд»
Низомиёни Тоҷикистон дар Форуми байналмилалии 13-уми Сяншани Пекин иштирок намуданд
Дар Тоҷикистон бо мақсади пешгирии ҳодисаҳои роҳу нақлиёт амалиёти «Автобус» оғоз гардид
Ҳабибулло Воҳидзода бо прокурорҳои генералии Қазоқистон ва Туркманистон мулоқот намуд
Намояндагони Тоҷикистон дар вохӯрии роҳбарони бюроҳои миллии марказии «Интерпол»-и давлатҳои ИДМ иштирок намуданд
Тоҷикистон ва Ҳиндустон ҳамкориро дар самти пешгирӣ ва рафъи ҳолатҳои фавқулода тақвият медиҳанд
Прокурорҳои генералии Тоҷикистон ва Эрон тақвияти ҳамкории ҳуқуқиро баррасӣ намуданд
Ҳабибулло Воҳидзода дар ҷаласаи ҳафтуми прокурорҳои генералии кишварҳои аъзои Созмони ҳамкории иқтисодӣ иштирок намуд
Дар Душанбе бо ҳамватанони бурунмарзӣ вохӯрӣ доир шуд
Дар шаҳри Исфара бахшида ба 35-солагии Истиқлоли давлатӣ гузашти ҳарбӣ доир шуд
Дар Суғд ба муносибати 35-солагии Истиқлоли давлатӣ бо иштироки беш аз 8 ҳазор нафар гузашти низомӣ доир гардид
Дар Паради ҳарбӣ ба муносибати 35-солагии Истиқлоли давлатӣ беш аз 27 ҳазор нафар иштирок намуданд
