Рушди инноватсионии Тоҷикистон дар чаҳорчӯби Форуми байналмилалии инноватсия дар Москва муаррифӣ карда шуд
ДУШАНБЕ, 25.04.2025. /АМИТ «Ховар»/. 24 апрел бахшида ба Рȳзи байналмилалии моликияти зеҳнӣ (26 апрел) дар шаҳри Москваи Федератсияи Русия Конфронси VII байналмилалии Роспатент ЭРА IP таҳти унвони «Моликияти зеҳнӣ-заминаи иқтисоди инноватсионӣ» баргузор гардид.
Дар конфронс намояндагони воломақоми давлатҳои Русия, Беларус, Имороти Муттаҳидаи Араб ва Тоҷикистон иштирок намуданд.
Аз Ҷумҳурии Тоҷикистон дар ҳамоиш директори Муассисаи давлатии «Маркази миллии патенту иттилоот»-и Вазорати рушди иқтисод ва савдои Ҷумҳурии Тоҷикистон Мирзо Исмоилзода ба тариқи маҷозӣ иштирок намуда, дар мавзуи «Ҳамгироии моликияти зеҳнӣ ба инноватсия дар Тоҷикистон» суханронӣ намуд.
Инчунин дар ин рӯз дар шаҳри Москваи Федератсияи Русия Форуми байналмилалии «Рушди инноватсионӣ тавассути бозори моликияти зеҳнӣ» баргузор гардид. Бахши 8-уми он таҳти унвони «Нақши моликияти зеҳнӣ дар рушди иқтисоди инноватсионӣ ва технологияҳои рақамӣ» дар Ҷумҳурии Тоҷикистон доир карда шуд.
Ин бахши форум дар Агентии инноватсия ва технологияҳои рақамии назди Президенти Ҷумҳурии Тоҷикистон бо иштироки директори Муассисаи давлатии «Маркази миллии патенту иттилоот»-и Вазорати рушди иқтисод ва савдои Ҷумҳурии Тоҷикистон Мирзо Исмоилзода, муовини директори Агентии инноватсия ва технологияҳои рақамии назди Президенти Ҷумҳурии Тоҷикистон, кормандони муассисаю агентӣ, намояндагони Академияи миллии илмҳои Тоҷикистон ва муассисаҳои таҳсилоти олӣ баргузор гардид.
Директори Муассисаи давлатии «Маркази миллии патенту иттилоот» дар қисмати пленарии форум суханронӣ намуд.
Иштирокчиёни ин бахши Форуми байналмилалии «Рушди инноватсионӣ тавассути бозори моликияти зеҳнӣ» дар мавзуъҳои гуногуни соҳаи моликияти зеҳнӣ дар шакли рӯнамо баромад намуданд.
АКС: Муассисаи давлатии «Маркази миллии патенту иттилоот»
Татбиқи лоиҳаи таҷдиди роҳи мошингарди Душанбе-Кулма баррасӣ гардид
«ITB Berlin 2026». Дар доираи намоишгоҳ ширкатҳои сайёҳии Тоҷикистон беш аз 20 шартномаи ҳамкорӣ ба имзо расониданд
Дар минтақаи ҷангалпарварии ноҳияи Рӯдакӣ зиёда аз 30 ҳазор бех ниҳол шинонида шуд
Дар водиҳои Тоҷикистон кишти картошка идома дорад
Дар шоҳроҳи Роғун — Нуробод зиёда аз 900 бех ниҳоли олуча ва дарахтони сояафкан шинонида шуд
«Стратегияи рушди саноат дар Ҷумҳурии Тоҷикистон барои давраи то соли 2030» мавриди амал қарор дорад
НИСОИ БУЛУНКӮЛ. Муаррифии фаъолияти зане, ки роҳбарии Истгоҳи ҳавосанҷиро дар ноҳияи Мурғоб бар уҳда дорад
КИШТИ БАҲОРӢ. Моҳи март дар Тоҷикистон кишти сабзавот оғоз мегардад
Сарвазири Тоҷикистон Қоҳир Расулзода дар ноҳияи Ашт бо раванди бунёди неругоҳи барқи офтобӣ шинос шуд
Дар Душанбе оид ба дастгирии экосистемаи стартапҳо дар Тоҷикистон ҳамоиш баргузор гардид
Сарвазири мамлакат Қоҳир Расулзода бо раванди сохтмони корхонаи ғанигардонии маъдани оҳани ҶСП «Комбинати металлургии тоҷик» шинос шуд
«Moody’s Ratings»: Рейтинги соҳибихтиёрии қарзии Тоҷикистон ба дараҷаи «B2» бо дурнамои «устувор» баланд бардошта шуд
