Вазири корҳои дохилӣ Рамазон Раҳимзода бо сокинони ноҳияи Ховалинг мулоқот намуд

Апрель 13, 2020 16:00

ДУШАНБЕ, 13.04.2020 /АМИТ «Ховар»/. Нақшаи сохтмони иншооти  пешбинишуда ба шарафи ҷашни 30-солагии Истиқлолият 64 фоиз иҷро гардидааст, ки он зиёда аз 200 иншооту корхона ва пулу роҳҳоро дар бар мегирад. Дар  масъалаи даъвати наваскарон ба хизмати ҳарбӣ ҳам ҷавонони ноҳия пешсаф буда, мақомоти дахлдор корро дар ин самт дуруст ба роҳ мондааст,-зикр намуд Вазири корҳои дохилии Ҷумҳурии Тоҷикистон  Рамазон Раҳимзода имрӯз зимни вохӯрӣ бо сокинон  ва фаъолони ноҳияи Ховалинг.

Мулоқоти мазкур дар доираи корҳои омодагӣ ба истиқболи сазовори 30-солагии Истиқлолияти давлатии Ҷумҳурии Тоҷикистон бо сокинони ноҳияи Ховалинг баргузор гардид.

Дар ин бора аз Вазорати корҳои дохилии Ҷумҳурии Тоҷикистон ба АМИТ «Ховар» хабар доданд.

Дар мавриди корҳои омодагӣ оид ба пешгирии бемории коронавирус гуфта шуд, ки дар ноҳия 65 кати алоҳида ҷудо гардида, тамоми корхонаҳо ва муассисаҳои таълимӣ бо маводи гигиенӣ таъмин гардидаанд. Ҳамзамон риояи гигиена дар хонаю корхонаҳо ва тозагии кӯчаву маҳаллаҳо таъкид карда шуд.

Зикр гардид, ки дар ин муддат зиёда аз 5 км роҳҳо таъмир гардида, ба маҳаллаҳое, ки аз об танқисӣ мекашиданд, об бароварда шуд.

Дар ҷараёни вохӯрӣ Вазири корҳои дохилӣ дастуру супоришҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро ҷиҳати омодагӣ ба ҷашни 30-солагии Истиқлолият, корҳои ободонию созандагӣ, сарсабзу зебогардонӣ, зиёд намудани дарахтшинонӣ ва гулшинонӣ расонид.

Гуфта шуд, ки аз тарафи Ҳукумати Ҷумҳурии Тоҷикистон бо  мақсади дар ноҳияи Ховалинг сохтани чойхонаи замонавӣ барои сайёҳон замин ҷудо гардидааст. Ҳамчунин ҷиҳати пешкаш намудани гиёҳҳои табиӣ ба сайёҳон, равнақ додани соҳаи асалпарварӣ ва коркарди асал, бунёди сехҳо ва корхонаи коркарди асал тавсияҳо дода шуд. Соли 2019 дар ноҳия  61 тонна асал истеҳсол шудааст.

Вазири корҳои дохилӣ оид ба амалигардонии нақшаҳои 30-солагии Истиқлолият ба масъулин дастуру супоришҳои Пешвои миллатро расонида, инчунин барои ободӣ ва сохтмони бинову иншоот изҳори қаноатмандӣ кард.

Апрель 13, 2020 16:00

Хабарҳои дигари ин бахш

Дар Душанбе конференсияи минтақавӣ оид ба ояндаи «сабз» дар бахши таъмини гармӣ доир гардид
«AQCA 2024». Дар Алмато Конфронси 3-юми Осиёи Марказӣ оид ба сифати ҳаво доир шуд
Дар Душанбе нахустин Форуми миллӣ оид ба рушди устувор тавассути инноватсия ва рақамишавӣ баргузор гардид
Ҳамкории Тоҷикистон ва Ҷопон дар самти беҳсозии иншооти роҳ тақвият меёбад
Намояндаи Тоҷикистон дар чорабинии канории иҷлосияи 68-уми Конфронси умумии Агентии байналмилалии неруи атомӣ маъруза намуд
Дар ҷаласаи Шурои ҳамоҳангсозии шарикони рушд масоили ҳифзи муҳити зист ва тағйирёбии иқлим баррасӣ шуд
Дар Душанбе тақвияти ҳамкорӣ дар самти маблағгузории савдо баррасӣ гардид
Дар Ашқобод Истиқлоли давлатии Тоҷикистонро таҷлил намуданд
«Лоиҳа оид ба рушди иқтидор барои татбиқи PBN -Навигатсия дар асоси хусусият дар Ҷумҳурии Тоҷикистон» натиҷагирӣ гардид
35-СОЛАГИИ ИСТИҚЛОЛИ ДАВЛАТӢ. Дар ноҳияи Данғара иншооти таъйиноти гуногун ба истифода дода шуданд
Дар Алмато ҷаласаи вазирони Осиёи Марказӣ оид ба пешрафт дар татбиқи чаҳорчӯби ҳамаҷонибаи бехатарии мактабҳо доир гардид
Байни Агентии назорати давлатии молиявӣ ва мубориза бо коррупсияи Ҷумҳурии Тоҷикистон ва Прокуратураи генералии Федератсияи Русия Созишномаи ҳамкорӣ ба имзо расид