Таваҷҷуҳи сайёҳон барои дидани Қасри Шоҳони Хатлон зиёд мегардад
Душанбе. 12.07.2016 /АМИТ «Ховар»/. Таваҷҷуҳи сайёҳон, меҳмонони дохилию хориҷӣ барои тамошои Қасри Шоҳони Хатлон дар ноҳияи Восеъ сол ба сол зиёд мегардад. Ба наздикӣ намояндагони корпуси дипломатии сафоратхонаҳои кишварҳои гуногун, ки дар Душанбе қарор доранд, дастҷамъона ба Қасри Шоҳон ташриф оварданд.
Мӯсо Ғафурзода раиси ноҳияи Восеъ дар якҷоягӣ бо кормандони маҷмааи Қасри Шоҳон меҳмононро самимона, бо нону намак истиқбол гирифтанд.
Абдулло Хоҷаев директори маҷмааи Қасри Шоҳон сафиронро ба таърихи Қаср, ки ба асрҳои IХ-ХI-и миллатамон мансуб аст, ошно намуда, зикр кард, ки ин ёдгории таърихӣ бо ташаббуси Асосгузори сулҳу Ваҳдати миллӣ-Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон таъмиру тармим гашта, умри дубора пайдо намуд.
Хотиррасон менамоем, ки зимнан, барои анҷоми барқарорсозии деворҳои шимолу шарқӣ ва шимолии мамнуъгоҳ маблағи 6 млн. 107 ҳазор сомонӣ пешбинӣ гардида, ҳуҷҷатҳои лоиҳавӣ ба «Маркази ҳамоҳангсозии лоиҳаҳо оид ба таҳлил ва рушди иншоотҳои инфрасохтори иҷтимоӣ» пешниҳод гардиданд.
Кормандони Муассисаи давлатии Мамнуъгоҳи таърихӣ- фарҳангии «Ҳулбук» дар шимоли Қасри Шоҳон ҷойи таҳкурсии девори муҳофизатии қаср, инчунин зарфҳо ва шабакаи қубурҳои обтаъминкуниро дарёфт намуда, ҳамзамон дар ҳамкорӣ бо Муассисаи давлатии ҳифз ва тармими ёдгориҳои таърихии Вазорати фарҳанги Ҷумҳурии Тоҷикистон ҷойи таҳкурсии девори шимолии қаср муайян гардид.
Дар нимсолаи аввали соли 2016 Мамнуъгоҳи таърихӣ- фарҳангии «Ҳулбук» -ро 4144 нафар дидан намуда, 1 160 нафар хонандагони муассисаҳои таълимӣ онро ройгон тамошо карда, аз таърихи он огаҳӣ пайдо намуданд.
Ду озмоишгоҳи Институти химияи Академияи миллии илмҳои Тоҷикистон бо технологияи муосир муҷаҳҳаз карда шуд
Рӯзҳои фарҳанги Ҷумҳурии Тоҷикистон дар Федератсияи Русия идома доранд
Ёдгориҳои ёфтшуда аз шаҳристони Ҳулбук арзиши баланди илмӣ дошта, дар байни таҳқиқоти солҳои охир беназир маҳсуб мешаванд
«Шоҳнома»-и Фирдавсӣ бояд машъалафрӯзи ҳар хонадони тоҷик бошад ва анъанаи неки шоҳномасароӣ барқарор шавад
Вобаста ба таъсири зеҳни сунъӣ ба ҳастии инсоният конференсияи ҷумҳуриявӣ баргузор шуд
«ШОҲНОМА — ОРМОНИ МИЛЛӢ». Он мактаби худшиносӣ ва парчами ифтихори миллии мо аст
Ҳамкории Академияи миллии илмҳои Тоҷикистон бо Маркази пажӯҳишӣ ва машваратии TRENDS густариш меёбад
Иштирокдорони Конфронси байналмилалии сатҳи баланд оид ба ҳифзи пиряхҳо аз Чин бо яке аз маконҳои таърихии Тоҷикистон шинос шуданд
Қобилҷон Хушвахтзода: «Ташаббусҳои Пешвои миллат оид ба масоили об дар ҳалли масъалаҳои истифодаи оқилонаи захираҳои обии сайёра нақши муҳим доранд»
Намоиши ёдгориҳои таърихии Ҷумҳурии Тоҷикистон дар Ҷумҳурии Мардумии Чин баргузор мегардад
Муовини Сарвазири Тоҷикистон Дилрабо Мансурӣ бо ёрдамчии Дабири кулли ЮНЕСКО Лидия Артур Брито мулоқот намуд
КОНФРОНСИ БАЙНАЛМИЛАЛИИ САТҲИ БАЛАНД ОИД БА ҲИФЗИ ПИРЯХҲО. Обшавии босуръати пиряхҳо дар Арктика ва Антарктида боиси ноустувории қабатҳои ях мегардад
