Сафири Тоҷикистон бо Дабири кулли Шӯрои Аврупо мулоқот намуд
Душанбе, 25.11.2016 /АМИТ «Ховар»/. Дар шаҳри Страсбурги Фаронса мулоқоти Сафир, Намояндаи доимии Ҷумҳурии Тоҷикистон дар назди Иттиҳоди Аврупо Эркинхон Раҳматуллозода бо Дабири кулли Шӯрои Аврупо Торбёрн Ягланд баргузор гардид.
«Ҷаноби Ягланд зимни суҳбат аз мулоқоти худ бо Асосгузори сулҳу ваҳдати миллӣ Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар соли 2011 дар қароргоҳи Шӯрои Аврупо ёдовар шуда, равобити ниҳоди худро бо Ҷумҳурии Тоҷикистон, ки гарчанд узви Шӯрои Аврупо нест, пурсамар ва ояндадор хонд»,- гуфта мешавад дар хабари Вазорати корҳои хориҷии Ҷумҳурии Тоҷикистон.
Ҷонибҳо масоили мавриди таваҷҷуҳи тарафайнро баррасӣ намуда, дар бораи вазъи кунунӣ ва дурнамои рушди онҳо ибрози назар намуданд.
Ҷонибҳо ба фаъолияти Комиссияи аврупоии «Демократия аз тариқи Қонун» (Комиссияи Венетсианӣ) таваҷҷуҳ намуда, онро падидаи мусбат арзёбӣ карданд ва тавсеаю рушди чунин муносиботро байни Суди конститутсионии Тоҷикистон ва Комиссияи Венетсиании Шӯрои Аврупо салоҳ донистанд.
Дабири кулли Шӯрои Аврупо таъкид кард, ки тақвияту тавсеаи ҳамкорӣ байни Тоҷикистону Шӯрои Аврупо ва инчунин Иттиҳоди Аврупо дар мавзуоти мубориза бар зидди ифротгароиву ҳаросафканӣ, пешгирии интишори маводи мухаддир тақозои рӯз аст ва дар ин самт инкишофи ҳамкорӣ байни муассисаҳои марбутаи кишвар ва ниҳодҳои Шӯрои Аврупо (Комиссияи Помпиду) чун рушди муносиботи ду ҷониб муфид хоҳад буд.
Дар фарҷоми мулоқот ҷонибҳо хушбинии хешро нисбат ба дурнамои тақвияти иртиботӣ иброз намуданд.
Ҳамкории минтақавии кишварҳои Осиёи Марказӣ ва Эъломияи Хуҷанд дар Маркази Авруосиёи Шурои Атлантик баррасӣ шуд
Машваратҳои сиёсӣ байни вазоратҳои корҳои хориҷии Тоҷикистон ва Индонезия баргузор гардиданд
Дар Душанбе ҷаласаи навбатии комиссияи байниҳукуматии Тоҷикистону Эрон доир шуд
РАВАНДИ ОБИ ДУШАНБЕ. Сарвазири Тоҷикистон Конфронси чоруми байналмилалиро натиҷагирӣ намуд
РАВАНДИ ОБИ ДУШАНБЕ. Тоҷикистон мавқеи пешсафи худро дар пешбурди рӯзномаи ҷаҳонии об тасдиқ намуд
Умут Аҷар: «Дар Тоҷикистон чорабиниҳои байналмилалӣ дар сатҳи баланди ташкилӣ гузаронида мешаванд»
Сироҷиддин Муҳриддин: «Ҳамкории муассир ягона роҳи устувори ҳалли мушкилоти муштараки об мебошад»
РАВАНДИ ОБИ ДУШАНБЕ. Дар Душанбе ташаккули рӯзномаи ҷаҳонии об баъд аз соли 2030 баррасӣ шуд
Ҷонибек Ҳикмат: «Баргузории Конфронси сатҳи баланди оби Душанбе таҷассумгари саҳми шоистаи Тоҷикистон дар пешбурди рӯзномаи ҷаҳонии об мебошад»
РАВАНДИ ОБИ ДУШАНБЕ: Тоҷикистон ва СММ омодагиро барои баррасии ҷамъбастии Даҳсолаи байналмилалии амал оид ба об дар соли 2028 оғоз намуданд
Намояндаи Африқои Шимолӣ Мпҳепҳу Нндвелени: «Тоҷикистон пешоҳанги ҳалли масъалаҳои обу иқлим дар ҷаҳон аст»
РАВАНДИ ОБИ ДУШАНБЕ. Дар Душанбе ҷаласаҳои пленарӣ ва нишастҳои ҷамъбастии Конфронси чоруми байналмилалии сатҳи баланд баргузор мегарданд
