Вақти баргузории нишасти матбуотии Кумитаи оид ба корҳои дин, танзими анъана ва ҷашну маросимҳои миллӣ тағйир дода шуд

Июль 10, 2017 12:08

ДУШАНБЕ, 10.07.2017 /АМИТ «Ховар»/. Пагоҳ, 11 июли соли 2017  Кумитаи рушди маҳали назди Президенти Ҷумҳурии Тоҷикистон, Саридораи геологияи назди Ҳукумати Ҷумҳурии Тоҷикистон ва Донишгоҳи миллии Тоҷикистон оид ба ҷамъбасти нимсолаи якуми соли 2017 бо иштироки намояндагони воситаҳои ахбори омма ва мутахассисони соҳа нишасти матбуотӣ баргузор мекунанд. Вақти баргузории нишасти матбуотии Кумитаи оид ба корҳои дин, танзими анъана ва ҷашну маросимҳои миллии назди Ҳукумати Ҷумҳурии Тоҷикистон аз 11 июл ба 12 июл гузаронида шудааст.

Нишасти матбуотии Саридораи геология 11 июл, соати 9:00, нишасти матбуотии Кумитаи рушди маҳал ҳамон рӯз соати 11:00 дар толори Маркази матбуоти ҷумҳурияии «Ховар» (ошёнаи 2 бинои Маркази тадқиқоти стратегӣ, хиёбони Рӯдакӣ – 40) гузаронида мешаванд. Ҷойи баргузории нишасти матбуотии Донишгоҳи миллии Тоҷикистон 11 июл, соати 9:00 дар толори маҷлисгоҳи Шӯрои методии бинои марказии Донишгоҳ таъйин шудааст.

Хотиррасон менамоем, ки нишастҳои матбуотии вазорату  идораҳо  ва ташкилоту муассисаҳои Ҷумҳурии Тоҷикистон мутобиқи Амри Президенти Ҷумҳурии Тоҷикистон аз моҳи сентябри соли 2011 ҳар сол ду маротиба гузаронида мешаванд.

Мавриди зикр аст, ки вақти баргузории нишастҳои матбуотӣ аз ҷониби масъулони вазорату идораҳо ва ташкилоту муассисаҳое, ки дар ҳудуди шаҳри Душанбе фаъолият мекунанд, ҷиҳати доир кардани онҳо дар толори Маркази матбуоти ҷумҳурияии «Ховар» бо масъулони АМИТ «Ховар» бояд қаблан мувофиқа карда шаванд.

Июль 10, 2017 12:08

Хабарҳои дигари ин бахш

Имрӯз дар Тоҷикистон ҳавои тағйирёбанда пешгӯӣ мешавад
Намояндагони Тоҷикистон дар Гурҷистон ва Арманистон мубодилаи донишу таҷриба менамоянд
СОЛИ МАЪРИФАТИ ҲУҚУҚӢ. Бахшида ба он дар ноҳияи Нуробод бо сокинон вохӯрӣ доир шуд
Имрӯз дар баъзе минтақаҳои Тоҷикистон чангу ғубор дар назар аст
Ҳайати Тоҷикистон дар ҷаласаи 65-уми Ассамблеяи Созмони ҷаҳонии моликияти зеҳнӣ иштирок намуд
Дар минтақаи Искандаркӯл давраи омӯзишии «Мубодилаи таълимӣ ва амалии намояндагони «Нозирони сабз» -2024» гузаронида шуд
Барои ҷавонони Тоҷикистон мактаби тобистонаи зиддикоррупсионӣ ташкил карда мешавад
ИСТИҚЛОЛИ ДАВЛАТӢ ВА ҲИФЗИ ДАСТОВАРДҲОИ ОН. Бо сокинону фаъолони ноҳияи Ҳамадонӣ вохӯрӣ доир шуд
12 ИЮЛ — РӮЗИ БАЙНАЛМИЛАЛИИ МУБОРИЗА БО ТӮФОНИ РЕГУ ЧАНГ. Дар Тоҷикистон тибқи Барномаи «Мамлакати сабз» то соли 2040 беш аз 2 миллиард дарахт шинонида мешавад
«ЗИМЧУРУД». Дар ин ҷо 1000 нафар хонанда ба истироҳат фаро гирифта мешавад
Имрӯз дар Тоҷикистон ҳаво то 37 дараҷа гарм мешавад
Кумитаи ҳифзи муҳити зист ба вилояти Хатлон 13 электромотороллер тақдим намуд