Варзишгарони тоҷик дар Қазоқистон сазовори ду медал гардиданд

Январь 28, 2019 09:30

ДУШАНБЕ, 28.01.2019 /АМИТ «Ховар»/. Варзишгарони шинохтаи  тоҷик Одилшоҳ Исматов  ва Кристина Пронженко аз намуди  варзиши сабук    дар 5-умин Мусобиқаи байналмилалӣ барои дарёфти ҷоизаи қаҳрамони олимпӣ Олга Рипакова, ки дар Уст-Каменогорски  Ҷумҳурии Қазоқистон доир гардид, иштирок намуда, сазовори ду медал гардиданд.

Дар ин бора ба мухбири   АМИТ «Ховар»  Меҳрони Қурбон аз    Федератсияи  варзиши сабуки  Тоҷикистон  хабар доданд.

Зикр шуд, ки дар қувваозмоии дав ба масофаи 800 метр миёни мардон Одилшоҳ Исматов бо натиҷаи 1:53.39 сазовори медали нуқра шуд. Ӯ аз ҳарифи ӯзбекистониаш Хуршед Аҳмадалиев 19 сония қафо монд. Дар дав ба масофаи 400 метр миёни бонувон Кристина Пронженко бо натиҷаи 55.72 соҳиби медали биринҷӣ гардид. Ҳар ду варзишгар рекорди нави Ҷумҳурии Тоҷикистонро гузоштанд (дар дохили толор).

Варзишгарони дигари мо Илдар Аҳмадиев дар қувваозмоии дав ба масофаи 60 метр миёни мардон ҷои ҳафтум (бо натиҷаи 01.03.00), дар ҷаҳиш ба дарозӣ ҷои панҷум (6.89), Меҳрубон Шамсиддинов дар масофаи 3000 метр ҷои ҳафтум (16.11.95)-ро ишғол намуданд.

Дар мусобиқа, ки аз рӯи 10 қувваозмоӣ – ҷаҳиши секарата, ҷаҳиш ба баландӣ, ҷаҳиш ба дарозӣ, дав ба масофаҳои 60м, 400м, 800м, 3000м ва 60м бо монеа, ҷаҳиш бо найзачӯб ва эстафета 4х200м баргузор шуд, беш аз 300 нафар варзишгар аз ҷумҳуриҳои Арманистон, Беларус, Гурҷистон, Қазоқистон, Қирғизистон, Тоҷикистон, Туркия, Ӯзбекистон ва Украина ширкат намуданд.

Январь 28, 2019 09:30

Хабарҳои дигари ин бахш

ДЗЮДО. Ҳашт нафар паҳлавонони тоҷик дар Ҷоми кушоди Осиё дар Қазоқистон ширкат меварзанд
ИДИ БУЗУРГИ ТИРАМОҲ. Оғози Чемпионати ҷаҳон оид ба футбол дар Қатарро ба моҳи ноябр гузарониданд
ЧЕМПИОНАТИ CAFA-2022. Имрӯз ғолиб ва ҷоизадорони мусобиқа муайян мегарданд
БОЗИҲОИ ҲАМБАСТАГИИ ИСЛОМӢ. Варзишгарони кадом кишварҳо пешсафанд?
БОЗИҲОИ ҲАМБАСТАГИИ ИСЛОМӢ. Киҳо медалҳоро соҳиб мешаванд?
Олимпиадаи 46-уми ҷаҳонии шоҳмот дар Узбекистон доир мешавад
АҲСАН! Нуралӣ Эмомалӣ Чемпиони ҷаҳон оид ба ҷудо миёни ҷавонон гардид
ЧЕМПИОНАТИ CAFA-2022. Имрӯз дастаи ҷавонони Тоҷикистон бо дастаи Узбекистон бозӣ мекунад
Олимпиадаи ҷаҳонии шоҳмот дар Ченнайи Ҳиндустон анҷом ёфт
Ҳайати олимпии Тоҷикистон дар маросими ифтитоҳи Бозиҳои 5-уми ҳамбастагии исломӣ иштирок намуд
10 АВГУСТ-РӮЗИ ВАРЗИШГАРОНИ ТОҶИКИСТОН. Бахшида ба ин сана дар мамлакат Даҳаи мусобиқоти ҷумҳуриявӣ баргузор мегардад
ОЛИМПИАДАИ ШОҲМОТ. Дастаи мунтахаби Тоҷикистон пеш аз даври охирин дар раддабандии беҳтарин дастаҳои ҷаҳон дар ҷойи 65-ум қарор дорад

Маводҳои таҳлилӣ