Тоҷикистон аз рӯи афзоиши ММД дар байни кишварҳои ИДМ пешсаф аст

Февраль 16, 2019 12:13

ДУШАНБЕ, 16.02.2019./АМИТ «Ховар»/. Афзоиши аз ҳама зиёди маҷмӯи маҳсулоти дохилӣ (ММД) дар байни кишварҳои Иттиҳоди Давлатҳои Мустақил дар Тоҷикистон ба қайд гирифта шуд – ин нишондиҳанда дар ҷумҳурӣ  7,3% -ро ташкил медиҳад.  Дар ин бора АМИТ «Ховар» бо истинод ба маълумоти Кумитаи омори ИДМ хабар медиҳад. 

Аз рӯи афзоиши ММД Туркманистон бо 6,2% дар ҷойи дуюм ва Арманистон бо 6% дар ҷойи сеюм қарор доранд. Тибқи маълумоти ин кумита, афзоиши тахминии ММД дар қаламрави ИДМ 2,2%-ро ташкил медиҳад.

Миёни кишварҳои дорои афзоиши камтари ММД Украина-2,8%, Россия-2,3% ва Озарбойҷон-1,4%   номбар шудаанд.

Илова бар ин, Тоҷикистон аз рӯи афзоиши истеҳсоли маҳсулоти саноатӣ ба сегонаи пешсафи Иттиҳоди Давлатҳои Мустақил шомил гардид. Тибқи ин нишондиҳанда Ӯзбекистон бо 14,4% дар  ҷои аввал, Тоҷикистон бо 11,8% дар  ҷои  дуюм ва Беларус бо 5,7% дар мавқеи сеюми радабандӣ қарор доранд. Афзоиши камтар дар Россия — 2.9%, Озарбойҷон — 1,5% ва Украина — 1,1% фоиз ба қайд гирифта шудааст. Ба ҳисоби миёна, афзоиши истеҳсолоти саноатӣ дар кишварҳои ИДМ 2,8%-ро ташкил медиҳад.

Ёдовар мешавем, ки соли 2018 ҳаҷми ММД Тоҷикистон 68,8 миллиард сомонӣ ё бештар аз 7,3 миллиард доллари ИМАро ташкил дод. Афзоиши иқтисодиёт аз нақшаи интизории ҳукумат 0,3% барзиёд таъмин гардид.

Февраль 16, 2019 12:13

Хабарҳои дигари ин бахш

Ҳайати 60-нафараи доираҳои сармоягузории Корея ба Тоҷикистон омад
БАТР барои ташкилотҳои қарзии молиявии Тоҷикистон барномаи омӯзишии «Gender Intellingence» ба роҳ мемонад
НБО «Помир-1»-и ноҳияи Шуғнон ба давраи зимистон пурра омода мебошад
Озмуни «Маҳсулот ва хизматрасонии беҳтарин дар Ҷумҳурии Тоҷикистон» ҷамъбаст гардид
Дар Тоҷикистон беш аз 393 ҳазор тонна пахта ҷамъоварӣ гардидааст
Вазирони энергетикаи Тоҷикистон ва Русия масъалаи содироти маҳсулоти нафту газро баррасӣ намуданд
Маҳсулоти Тоҷикистон дар Саммити байналмилалии тиҷоратӣ ва намоишгоҳи Селангор муаррифӣ мегардад
Тоҷикистон ва Қатар ба робитаҳои соҳибкорон ҷиҳати сармоягузорӣ ба зерсохтори саёҳатӣ тавсеа мебахшанд
Дар Душанбе бахшида ба Рӯзи байналмилалии занони соҳибкор Форум баргузор шуд
Иштирокдорони СПЕКА таҷрибаи Тоҷикистонро оид ба содагардонии расмиёти савдо қобили таваҷҷуҳ ҳисобиданд
Раиси вилояти Суғд бо фаъолияти як қатор гармхонаву сардхонаҳо шинос гардид
Дар Тоҷикистон нахустин Анҷумани тиҷоратии кишварҳои Осиёи Марказӣ ва Корея баргузор мегардад

Хабарҳои муҳимтарин