20 нафар наворбардорони шабакаҳои телевизиони давлатии Тоҷикистон ба давраи омӯзишӣ фаро гирифта шуданд

Июнь 18, 2019 15:43

ДУШАНБЕ, 18.06.2019. /АМИТ «Ховар»/. 20 нафар наворбардорони шабакаҳои телевизиони давлатии Тоҷикистон,  аз ҷумла  «ТВ Тоҷикистон», «ТВ Ҷаҳоннамо», «ТВ Сафина», «ТВ Варзиш», «ТВ Синамо», «ТВ Баҳористон», «ТВ Бадахшон», «ТВ Хатлон» ва «ТВ   Кӯлоб» ба давраи бозомӯзӣ, ки аз ҷониби  Муассисаи давлатии «Академияи ВАО-и Тоҷикистон» созмон дода шудааст, фаро гирифта шуданд. Дар ин бора ба АМИТ  «Ховар» аз Академияи ВАО-и Тоҷикистон иттилоъ доданд.

Директори Муассисаи давлатии «Академияи ВАО-и Тоҷикистон» Зинатулло Исмоилзода дар маросими ифтитоҳи давраи бозомӯзӣ изҳор дошт, ки ҳадафи машғулияти мазкур боло бурдани савияи тахассусии наворбардорони шабакаҳои телевизионии мамлакат мебошад, зеро онҳо ба такмили ихтисос ниёз доранд.

Бояд тазаккур дод, ки давраи бозомӯзӣ дар ҳамкорӣ бо Кумитаи телевизион ва радиои назди Ҳукумати Ҷумҳурии Тоҷикистон доир гардида, наворбардор-таҳиягари шабакаи телевизионии «Звезда»-и Россия Захар Винников ба наворбаророни тоҷик доир ба нозукиҳо ва санъати наворбардорӣ дарс мегӯяд.

З.Винников бо намунаи корҳои эҷодии наворбардорони тоҷик ошно гардид. Наворбардорон  давоми машғулият  корҳои амалии худро пешниҳод карданд ва ҳар як кори амалӣ аз тарафи омӯзгор мавриди баррасӣ қарор дода шуд.

Дар давраи машғулият шунавандагон доир ба паҳлуҳои гуногуни санъати наворбардорӣ, тарзи дурусти истифодаи дастгоҳи наворбардорӣ, муайян намудани миқёси тасвир ва ғайраҳо маълумот мегиранд.

Наворбаророни шабакаҳои телевизиони давлатии Тоҷикистон давоми панҷ рӯз барои сайқали маҳорати касбии худ аз омӯзгори варзида дастурҳо мегиранд. Машғулияти мазкур аз бахшҳои назариявӣ ва амалӣ иборат буда, то 21 июн идома меёбад.

Июнь 18, 2019 15:43

Хабарҳои дигари ин бахш

Филми кӯтоҳи «Этюд» дар Фестивали 45-уми байналмилалии Гризлони Олмон иштирок мекунад
«БАҲОРИ ТОШКАНД». Фестивали VI байналмилалии опера ва балет чунин унвон гирифтааст
Даври аввали Озмуни ҷумҳуриявии «Тоҷикистон-Ватани азизи ман» ҷараён дорад
Тоҷикистон узви Маркази байналмилалии тадқиқотӣ оид ба ҳифз ва барқарорсозии мероси фарҳангӣ гардид
ТАВЗЕҲИ ПАЁМИ ПЕШВОИ МИЛЛАТ. Ба аъзои ташкилоти ибтидоии ҳизбии «Эҷод»-и АМИТ «Ховар» нуктаҳои ин ҳуҷҷати стратегӣ шарҳ дода шуданд
Чор рассоми навраси тоҷик дар Форуми байналмилалии аниматсия дар Тошканд иштирок мекунанд
Мазҳакаи «Табиби паррон»-и Театри мусиқӣ-мазҳакавии шаҳри Хуҷанд соҳиби ду ҷоизаи байналмилалӣ гардид
ИМРӮЗ — РӮЗИ БАЙНАЛМИЛАЛИИ ҲИФЗ ВА НИГОҲДОРИИ ЁДГОРИҲО ВА ҶОЙҲОИ ТАЪРИХӢ. Ҳадафи он ҷалби ҷомеаи ҷаҳон ба ҳифзи мероси умумибашарист
УСТОД САДРИДДИН АЙНӢ- ЧЕҲРАИ ТОБНОКИ ТАМАДДУНИ ШАРҚ. Имрӯз ба зодрӯзи намои адабиёти миллати тоҷик 144 сол пур шуд
«ТОҶИКИСТОНИ ОЗОДИ МАН…». Имрӯз ба зодрӯзи муаллифи оҳанги Суруди миллии Тоҷикистон Сулаймон Юдаков расо 106 сол пур мешавад
Дар Тоҷикистон омодагӣ ба Рӯзи Мавлоно Ҷалолуддини Балхӣ оғоз гардид
Тоҷикистон ва Литва ҳамкории судмандро дар соҳаи сайёҳӣ таҳким мебахшанд