САЛОМ, ТОБИСТОН! Дар вилояти Суғд 1000 нафар хонандагон ройгон ба лагерҳои истироҳатӣ фиристонда мешаванд

Июнь 11, 2019 10:43

ХУҶАНД, 11.06.2019. /АМИТ «Ховар»/. Дар вилояти Суғд бо мақсади фаро гирифтани хонандагон  ба  истироҳати бофароғат дар давраи таътили тобистона беш аз 900 лагерҳои истироҳатӣ фаъол гардонида мешаванд, навиштааст хабарнигори минтақавии АМИТ «Ховар» Абдуаҳад ШАРИФЗОДА.  

Аз ҷумла,  дар 21 лагери беруназшаҳрӣ, 664 лагери наздимактабӣ, 106 лагери истироҳатию меҳнатӣ, 8 лагери солимгардонӣ ва машғулиятҳои меҳнатӣ барои хонандагони синфҳои 9-10 ва 129 лагери варзишӣ-беҳдоштӣ  74 ҳазору 655 нафар кӯдакону наврасон ба истироҳат фаро гирифта мешаванд.

Бояд тазаккур дод, ки тибқи нақша дар давраи таътил, дар басти дуюм дар Истироҳатгоҳи кӯдакону наврасон ва ҷавонони «20-солагии Истиқлолият»-и ноҳияи Ҷаббор Расулов ташрифи наздики  200 нафар кӯдакону наврасон аз Вилояти Мухтори Кӯҳистони Бадахшон дар назар аст.

Тавре ба мухбири АМИТ «Ховар» Абдуаҳад ШАРИФЗОДА муовини раиси Шӯрои иттифоқҳои касабаи вилояти Суғд Тоҳир Оқилов иттилоъ дод, беш аз 1000 нафар истироҳаткунандагони ин лагерҳо  кӯдакони ятиму бепарастор ва аз оилаҳои камбизоат мебошанд. Онҳо ройгон ба истироҳатгоҳҳо фаро гирифта мешаванд.

Тибқи иттилои манбаъ, бо мақсади дар сатҳи баланд ташкил намудани истироҳати хонандагон  бо  Қарори раиси вилояти Суғд   дар вилоят ситоди махсуси «Тобистон — 2019»  таъсис ёфтааст.

Тибқи ин қарор дар лагерҳои варзишию солимгардонии беруназшаҳрии миқёси вилоят корҳои сохтмонӣ ва таъмир дар  майдончаҳои варзишӣ, ҳавзҳои оббозӣ,  инчунин муҷаҳҳазгардонии бино  ба итмом расида, онҳо ба қабули хонандагон омодагӣ  мебинанд.

Бояд гуфт, ки шурӯъ  аз 20 июн то 1 июл дар ҳамаи шаҳру ноҳияҳои вилоят вобаста ба иқлими гарму салқинии ҷойгиршавии лагерҳо фаъолияти онҳо оғоз гардида, тибқи нақша ҳамаи истироҳатгоҳҳо дар се баст фаъолият  мебаранд. Танҳо истироҳатгоҳи «Шоҳин»-и шаҳри Гулистон дар як баст имкони қабули то 300 нафар ва «20-солагии Истиқлолият»-и ноҳияи Ҷ.Расулов то 250 нафар истироҳаткунандагонро доранд.

Имсол баҳри истироҳату фароғати кӯдакону наврасон дар истироҳатгоҳҳо на кам аз 16 маҳфилҳои гуногун амал хоҳанд кард.

Имрӯзҳо аз  ҷониби масъулини шуъбаҳои маорифи шаҳру ноҳияҳои вилоят барои фаъолияти мураббиягӣ дар истироҳатгоҳҳо тариқи озмун аз макотиби таҳсилоти миёна омӯзгорони ботаҷриба ба кор қабул карда  мешаванд.

Хотиррасон бояд кард, ки дар давраи таътили зимистонаи соли хониши 2018-2019 бо дастгирии мақомоти иҷроияи ҳокимияти давлатии вилоят беш аз 360 нафар кӯдакони ятиму бепарастор ва ғолибони озмуну олимпиадаҳо ба истироҳату фароғат ҷалб гардида буданд.

Июнь 11, 2019 10:43

Хабарҳои дигари ин бахш

Дар Тоҷикистон тайи 15 соли татбиқи қонуни танзим беш аз 25 миллиард сомонӣ ба нафъи шаҳрвандон пасандоз гардидааст
Дар Суғд барои қадршиносии иштирокчиёну маъюбони ҶДҶ 477 ҳазор сомонӣ ҷудо гардид
НА ҲАМА ЧИРО ЯКБОРА ИСТЕЪМОЛ КАРДАН МУМКИН АСТ. Ғизошиноси тоҷик роҳи дурусти баромадан аз рӯзадории моҳи Рамазонро гуфт
Доир ба нақши худидоракунии маҳаллӣ дар таъмини рушди устувори Тоҷикистон конференсияи ҷумҳуриявӣ доир шуд
Раиси Шӯрои уламо Саидмукаррам Абдуқодирзода аз мардуми Тоҷикистон даъват кард, ки дар иди Фитр ба исрофкорӣ роҳ надиҳанд
Дар Конибодом корҳои сохтмонии бинои маъмурии ҲХДТ ва навсозии Боғи фарҳангию фароғатии шаҳр идома доранд
Бори нахуст дар Тоҷикистон ҷарроҳии эзофагоколопластика бо колофарингоанастамоз анҷом дода шуд
Бахшида ба Рӯзи умумиҷаҳонии ҳифзи меҳнат дар Душанбе ҳамоиш доир гардид
ДАР ПАРТАВИ ҲИДОЯТҲОИ ПЕШВОИ МИЛЛАТ. Дар Тоҷикистон ба 300 оила кумаки башардӯстона расонида шуд
Сокинони деҳаи Гожаки ноҳияи Шуғнон соҳиби нуқтаи оби тозаи нӯшокӣ шуданд
БРИТАНИЯИ КАБИР БА ҶАЛБИ ҚУВВАИ КОРӢ АЗ ТОҶИКИСТОН ОМОДА АСТ. Имсол 500 нафар шаҳрвандони Тоҷикистон ба Британияи Кабир сафарбар мегарданд
Дар Агентии хизмати давлатӣ масъалаи пардохти музди меҳнати хизматчиён ҳангоми таҳсил баррасӣ гардид