Намояндаи Тоҷикистон дар конференсияи байналмилалии «Таҷзияи ҳокимият ва Суди конститутсионӣ» дар Муғулистон иштирок ва маърӯза намуд

Июнь 11, 2019 17:31

ДУШАНБЕ, 11.06.2019 /АМИТ «Ховар»/. «Таҷзияи ҳокимият ва Суди конститутсионӣ»-таҳти чунин унвон дар шаҳри Улан-Батори Муғулистон конференсияи байнал­ми­лалӣ доир гардид, ки дар он аз Ҷумҳурии Тоҷикистон Судяи Суди консти­тутсионии Ҷумҳурии Тоҷикистон Даврон Ҳошим­зода иштирок ва маърӯза намуд.

Тавре ба хабарнигори АМИТ «Ховар» Даврон Ҳошим­зода иттилоъ дод, дар кори конференсияи сатҳи байналмилалӣ, ки бо ташаб­буси Суди конститутсионии Муғулистон ва Комиссияи Венетсиании Шӯрои Аврупо доир гардид, намоян­дагони мақомоти назо­рати консти­­тут­­сионии киш­вар­ҳои мухталифи ҷаҳон ва созмон­ҳои бону­фузи бай­нал­ми­лалӣ, аз қабили Булғористон, Иттиҳодияи Мянма, Қирғи­зистон, Латвия, ӯзбекистон, Шоҳигарии Таиланд, Хорватия, Федератсияи Россия, Комис­сияи Венет­сиа­нии Шӯрои Аврупо, намояндагони ҳокимияти судии Муғулистон ва олимони соҳаи ҳуқуқ иштирок намуданд.

Дар кори конференсия мавзӯъҳои мухта­лифи марбут ба конститут­сиона­лизм, нақши Суди конститут­сионӣ дар таъмини волоияти Конститутсия, ҳимояи ҳуқуқҳои конститут­сионии инсон ва шаҳрванд, нақши адолати судии консти­тут­сионӣ дар амали­шавии арзишҳои конститутсионӣ, прин­сипи таҷ­зияи ҳокимияти давлатӣ, таҳкими демок­ра­тия, таҷрибаи назо­рати судии консти­тут­сио­нӣ дар давлатҳои мухталиф ва дигар мавзӯъҳои муб­рами соҳаи ҳуқуқ муҳо­кима гардид.

Судяи Суди конститутсионии Ҷумҳурии Тоҷикистон Даврон Ҳошимзода дар мавзӯи «Назорати судии  конститут­сио­­нӣ ва принсипи таҷзияи ҳокимият дар Тоҷикистон» маърӯза намуд. Номбурда зимни маърӯза оид ба саҳми созандаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар рушду таҳкими ҳокимияти судӣ дар мамлакат ва татбиқи Барномаи ислоҳоти судӣ-ҳуқуқӣ дар Ҷумҳурии Тоҷикистон барои солҳои 2019-2021, ки дар радифи дигар масъалаҳо такмили Қонуни конститут­сионии Ҷумҳурии Тоҷикистон «Дар бораи Суди консти­тут­сионии Ҷумҳу­рии Тоҷи­кистон»-ро низ пешбинӣ намудааст, ибрози андеша кард.

Ҳамчунин ба ҳозирин дар бораи нақши Суди консти­тут­сионӣ дар таъмини волоияти Конститутсияи Ҷумҳурии Тоҷи­кис­тон, амали­созии принсипи таҷ­зияи ҳокимият, ҳимояи ҳуқуқу озодиҳои инсон ва шаҳрванд, таҳкими падида­ҳои демок­ратӣ, аҳамияти иҷрои қарорҳои мақо­моти назорати конститутсионӣ дар рушди конститут­сио­нализм ва татбиқи муқаррароти Конститутсияи кишвар маълумот пеш­ниҳод карда шуд.

Июнь 11, 2019 17:31

Хабарҳои дигари ин бахш

Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд
Ба кишоварзони ноҳияи Деваштич барои парвариши картошка ва тухмиҳои хушсифат тавсияҳо дода шуд
Дар ноҳияи Спитамени вилояти Суғд кишти чигит оғоз ёфт