«СОМОН ЭЙР» — ДАР ДАҲГОНАИ ШИРКАТҲОИ ҲАВОПАЙМОИИ ҶАҲОН БО ЛАЗИЗТАРИН ҒИЗО! Раддабандии мазкурро хизматгузории сайёҳии «Туту.ру» бо таҳлили баҳогузории садҳо нафар мусофирон таҳия намуд

Июнь 3, 2019 18:04

ДУШАНБЕ, 03.06.2019. /АМИТ «Ховар»/. Ширкати ҳавопаймоии тоҷик «Сомон Эйр» ба даҳгонаи ширкатҳои ҳавопаймоии ҷаҳон бо лазизтарин ғизо ворид шуд. Хизматгузории сайёҳии «Туту.ру» баҳогузории мусофиронро таҳлил карда, раддабандии ширкатҳои ҳавопаймоии дорои лазизтарин ғизоро таҳия намуд. Дар ин бора АМИТ «Ховар» бо истинод ба «Ведомости» хабар медиҳад.

«Туту.ру» 27,5 ҳазор баҳогузориро, ки аз ҷониби мусофирон дар давраи моҳи апрели соли 2018 то моҳи апрели соли 2019 гузошта шудаанд, таҳлил намудааст.

Тибқи натиҷаҳои дастрасшуда, «Сомон Эйр» зинаи ҳафтуми раддабандии ширкатҳои ҳавопаймоии дорои лазизтарин ғизоро ишғол намуд.

Дар ҷойи якуми даҳгона мисли ду сол қабл ширкати ҳавопаймоии Ӯзбекистон «Uzbekistan Havo Yullary», дар ҷойи дуюм ширкати ҳавоии озарӣ «Azerbaijan Hava Yollary» ва дар ҷойи сеюм ширкати туркии «Turkish Airlines» қарор гирифтанд.

Илова бар ин, ширкатҳои «Lufthansa»-и Германия, «Air Astana»-и Қазоқистон, «Georgian Airways»-и Грузия, «Air Moldova»-и Молдова ва ду ширкати юнонӣ «Aegean Airlines» ва «Ellinair» низ ба  даҳгона  шомил гардиданд.

Июнь 3, 2019 18:04

Хабарҳои дигари ин бахш

Иттиҳоди Аврупо ба сармоягузории рушди долонҳои иқтисодию нақлиётии Тоҷикистон омодагии худро баён намуд
Дурнамои рушди Бонки амонатгузории Ҷумҳурии Тоҷикистон «Амонатбонк» барои 3-5 соли оянда баррасӣ гардид
Президенти Тоҷикистон: «Бояд дар мамлакат сафи соҳибкорзанон зиёд шавад»
Комиссияи Иттиҳоди Аврупо омодаи тавсеаи ҳамкорӣ дар соҳаҳои тиҷорату иқтисод бо Тоҷикистон аст
Дар Душанбе протоколи ҷаласаи дувоздаҳуми Комиссияи муштараки Тоҷикистон ва Туркманистон ба имзо расид
Дар доираи Барномаи индикативии Иттиҳоди Аврупо барои солҳои 2021- 2024 ба самтҳои афзалиятноки Тоҷикистон 91 миллион евро равона мегардад
Дар вилояти Суғд Фестивал-намоиши чорвои зотӣ доир гардид
СТРАТЕГИЯИ РУШДИ ИҚТИСОДИ «САБЗ» БАРОИ СОЛҲОИ 2023-2037. Дар ҷаласаи Шурои ҷамъиятии Ҷумҳурии Тоҷикистон амалишавии онро баррасӣ намуданд
Дар Бонки миллӣ раванди «Баҳодиҳии навбатии хавфи миллии қонунигардонии даромадҳои бо роҳи ҷиноят бадастоварда ва маблағгузории терроризм» баррасӣ шуд
Дар Душанбе ҷаласаи муштараки гурӯҳи корӣ оид ба идоракунии ҳамаҷонибаи захираҳои об доир гардид
Дар Рашт намояндагии Муассисаи давлатии «Ташаккул ва рушди соҳибкории Тоҷикистон» ба истифода дода шуд
Дар Душанбе Лоиҳаи «Баланд бардоштани сатҳи некӯаҳволии аҳолии минтақаҳои наздимарзии Тоҷикистон» баррасӣ гардид