НЕСТ БОД САВДОИ ОДАМОН! Дар Душанбе коршиносон доир ба роҳҳои ҷилавгирӣ аз ин мушкилӣ табодули назар намуданд

Июль 30, 2019 13:20

ДУШАНБЕ, 30.07.2019/АМИТ «Ховар»/. Муқовимат ба савдои одамон дар Тоҷикистон ва роҳандозии низоми мусоидат ба қурбониёни савдои одамон дар маркази таваҷҷуҳи ҳамоиши илмие қарор гирифт, ки имрӯз дар шаҳри Душанбе баргузор шуд. Ҳамоиш ба Рӯзи ҷаҳонии муқовимат ба савдои одамон, ки ҳамасола 30 июл таҷлил  мегардад, бахшида шуд.

Созмони Байналмилалии Муҳоҷират – Оҷонси СММ доир ба муҳоҷират (СБМ), Маркази миллии таълимии муқовимат ба савдои одамони  назди Донишгоҳи миллии Тоҷикистон ва Комиссияи байниидоравии муқовимат ба савдои одамони Ҷумҳурии Тоҷикистон аз созмондиҳандагони ҳамоиш мебошанд. Намояндагони марказҳои таҳлилӣ, донишгоҳҳо, ҷомеаи шаҳрвандӣ ва идораҳои давлатӣ дар ҳамоиш аз таҷрибаву дониши худ доир ба таваҷҷуҳ ба қурбониёни савдои одамон ва ҳифзи ҳуқуқҳои онҳо сухан гуфта, истифодаи фанновариҳои муосирро дар муқовимат  бо ин зуҳуроти номатлуб  дар Тоҷикистон баррасӣ карданд. Иштирокдорони ҳамоиш доир ба  иштироки намояндаи қурбонӣ дар ҷараёни тафтиш ва мурофиаи судӣ, таъмини маҷмӯъи кумакҳо ба қурбониёни савдои одамон, истифодаи интернет дар ҷилавгирӣ аз савдои одамон ва муҳоҷирати номуназзам, таҷрибаҳои пешрафтаи минтақавӣ-ҷаҳонӣ ва уҳдадориҳои байналмилалии Тоҷикистон ибрози назар намуданд.

Муқовимат ба савдои одамон яке аз вазифаҳои асосии  СБМ буда, тақрибан ду даҳсола боз СБМ ба Ҳуқумати Тоҷикистон дар таҳияи заминаҳои қонунӣ ва таҳкиму тақвияти тавоноӣ дар муқовимат ба савдои одамон, ҳимояи қурбониён ва ҷазо додани ҷинояткорон мусоидат мекунад. Аз ҷумла, соли 2019 СБМ ба 17 қурбонии савдои одамон дар ҷумҳурӣ  ёрии мустақим расонида, аз 8 ҳодисаи дигари савдои одамон ҷилавгирӣ намудааст, ки бештарашон мардон будаанд.

 

Июль 30, 2019 13:20

Хабарҳои дигари ин бахш

Мактаби миёнаи №1 ноҳияи Шамсиддин Шоҳин ба номи Ҷамшедшоҳ Мирзо гузошта шуд
ТАНҲО ҲУКУМАТИ ФАРОГИР! Москва дархосташро расман ба толибон* пешниҳод кард
Шаҳри Бӯстон маъракаи даъвати баҳориро ба сафи Қувваҳои Мусаллаҳ ба анҷом расонид
Дар Душанбе татбиқи минбаъдаи Барномаи ислоҳоти милитсия барои солҳои 2021-2025 баррасӣ шуд
Прокуратураи генералӣ дар ноҳияи Файзобод ҳолатҳои ғайриқонунӣ додан ва хариду фурӯши заминро ошкор намуд
Сел дар Панҷакент ба 48 гектар замин ва 22 манзили сокинон зарар расонд
СММ омори риққатангези марги кӯдаконро дар Афғонистон расонаӣ кард
Тоҷикистон ҳамкориро бо Кумитаи зиддитеррористии Шӯрои амнияти СММ муҳим арзёбӣ намуд
Дар қароргоҳи СММ «Стратегияи Ҷумҳурии Тоҷикистон оид ба муқовимат ба терроризм ва экстремизм барои солҳои 2021-2025» баррасӣ гардид
Прокурори генералии Тоҷикистон бо Роҳбари Намояндагии Иттиҳоди Аврупо дар СММ мулоқот кард
Тоҷикистон ва Дафтари зиддитеррористии СММ иқдомҳои муштарак оид ба мубориза бар зидди терроризмро баррасӣ намуданд
«ВАТАНПАРВАР». Маҳз чунин мусобиқот имкон медиҳанд, ки ҷавонон маҳорату малакаи ҳарбӣ-варзишии худро такмил диҳанд