Дар Душанбе бахшида ба 25-солагии рӯзи қабули Конститутсия конференсияи ҷумҳуриявӣ доир мегардад

Октябрь 18, 2019 11:06

ДУШАНБЕ, 18.10.2019./АМИТ «Ховар»/. 31 октябр бо ташаббуси Академияи Вазорати корҳои дохилии Ҷумҳурии Тоҷикистон бахшида ба 25-солагии рӯзи қабули Конститутсия ва 30-солагии Истиқлолияти давлатии Ҷумҳурии Тоҷикистон дар шаҳри Душанбе дар мавзӯи «Нақши Конститутсияи Ҷумҳурии Тоҷикистон дар эъмори давлати демократӣ ва ҳуқуқбунёд» конференсияи илмӣ-назариявии ҷумҳуриявӣ баргузор мегардад. Дар ин бора аз Вазорати корҳои дохилӣ ба АМИТ «Ховар» хабар доданд.

Тавре манбаъ иттилоъ медиҳад, дар кори конференсияи мазкур олимони соҳаи ҳуқуқшиносӣ, намояндагони ҳокимияти қонунгузор, иҷроия, суд, адвокатура, роҳбарият, кормандони мақомоти ҳифзи ҳуқуқ ва дигар хоҳишмандон   метавонанд иштирок намоянд.

Дар  конференсия  масъалаҳо вобаста ба рушди Конститутсияи Ҷумҳурии Тоҷикистон, зарурати ворид намудани тағйиру иловаҳо, нақши он  дар бунёди давлати демокративу ҳуқуқбунёд, таъмини ҳуқуқу озодиҳои инсон ва шаҳрванд  мавриди баррасии иштирокдорон қарор мегирад.

Аз ҷумла,   аз рӯи масъалаҳои зерин — «25 соли амали Конститутсияи Ҷумҳурии Тоҷикистон: дастовард ва дурнамои он», «Аҳамияти Конститутсияи соли 1994 ҷиҳати эъмори давлати демократӣ ва ҳуқуқбунёд», «Давраҳои инкишофи конститутсияҳои Ҷумҳурии Тоҷикистон: таҳлили муқоисавӣ-таърихӣ», «Конститутсияи Ҷумҳурии Тоҷикистон — таҷассумгари арзишҳои ҳуқуқи инсон», «Конститутсия ҳамчун падидаи ҳуқуқӣ ва сиёсӣ», «Нақши Конститутсияи Ҷумҳурии Тоҷикистон дар таҳкими ҳокимияти давлатӣ», «Конститутсияи Ҷумҳурии Тоҷикистон ва масоили идоракунии давлатӣ» маърӯзаҳо пешниҳод мегарданд.

«Иштироки бевосита ва ё ғоибона дар кори конференсия имконпазир аст. Хароҷоти роҳ, истиқомат ва хӯрду хӯрок аз ҳисоби худи иштироккунанда ё ҷониби равонкунанда мебошад. Даъвати иштирокчиён баъд аз қабули дархост ва баррасии фишурда (тезис) ё мақола ба роҳ монда мешавад. Забони кори конференсия – тоҷикӣ ва русӣ буда, хоҳишмандон баромад ва мақолаҳоро метавонанд бо ин ду забон  ирсол намоянд», -афзуд манбаъ.

Октябрь 18, 2019 11:06

Хабарҳои дигари ин бахш

СИРДАРЁ МУТТАҲИД МЕНАМОЯД. Дар Гулистон Форуми сеюми ҷавонони ҳавзаи дарёи Сир – 2025 баргузор мегардад
ГРАНТИ ПРЕЗИДЕНТӢ. Ба 200 нафар занон — ғолибони лоиҳаҳои гранти президентӣ дар соли 2025 Диплом супорида шуд
Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон бо Вазорати маорифи Русия Ёддошти тафоҳум ба имзо расонд
Ёддошти тафоҳуми ҳамкорӣ байни Ваколатдор оид ба ҳуқуқи инсон дар Ҷумҳурии Тоҷикистон ва Кумитаи миллӣ оид ба ҳуқуқи инсони Давлати Қатар ба имзо расид
Дар Хуҷанд доир ба баланд бардоштани маърифати ҳуқуқии ҷавонон ҳамоиш баргузор гардид
Татяна Москалкова бо мақомоти Ваколатдор оид ба ҳуқуқи инсон дар Ҷумҳурии Тоҷикистон шинос шуд
Байни вазоратҳои тандурустии Тоҷикистон ва Русия Харитаи роҳ барои солҳои 2026-2027 ба имзо расид
Масъалаи табодули таҷрибаи табибони Тоҷикистону Русия баррасӣ гардид
Дар Душанбе Форуми минтақавии роҳбарони сохторҳои ҳолатҳои фавқулода баргузор мегардад
IRS: Ҳаракат дар роҳи Душанбе-Чанок муваққатан маҳдуд карда шуд
Татбиқи лоиҳаи рушди таҳсилоти касбӣ дар ҳамкорӣ бо Бонки исломии рушд баррасӣ гардид
ҲУНАР МЕОМӮЗЕМ! Таҷрибаи занони вилояти Суғд дар самти соҳибкорӣ ва ҳунармандӣ намунаи ибрат аст