Филмҳои мустанади Фестивали байналмилалии «Дидор» — муаррифи ҳаёти воқеӣ

Октябрь 19, 2019 12:34

ДУШАНБЕ, 19.10.2019 /АМИТ «Ховар»/. Имрӯз, 19 октябр, дар  Фестивали байналмилалии «Дидор» филми муаллиф ва коргардон Ирина Савон  бо номи  «Мусаввараҳои минётурии Ӯзбекистон», филми  коргардон ва  наворбардор Иван Харитонов бо номи «Суфакат», филми «Метрои Тошканд»-и муаллиф Шаҳло Раҳимова ва «Филми кӯтоҳ дар бораи кино» бо коргардонӣ ва тадвини Ирина Савон, Иван Харитонов ва Амир Баташев, «Орфейҳои шохдор»-и коргардон ва наворбардор Амир Баташев аз Ӯзбекистон намоиш дода мешаванд.

Дар фестивали мазкур ҳамзамон филми озмунии муаллиф ва коргардон Дмитрий Степанов бо номи «Охири замин», филми коргардон, филмноманавис ва наворбардор Денис Шабаев бо номи «Кори каси дигар» аз Россия, филми мустанади муаллифии  «Парвона»-и муаллиф ва коргардони эронӣ Маҳдӣ Замонпур Киёсарӣ ва «Мероси ниёгон»-и коргардонҳо Берик Ҷаҳонов ва Фирӯза Ҷаҳонова аз Қазоқистон ба маъраз гузошта мешаванд.

Тавре муаллиф ва коргардони филми «Мусаввараҳои минётурии Ӯзбекистон» Ирина Савон иброз дошт, филми таҳиянамудаи ӯ кӯтоҳи мустанади пажӯҳишӣ буда, доир ба  таърихи инкишофи минётура дар Ӯзбекистон маълумот медиҳад.

Инчунин филми ба намоишгузоштаи коргардон ва  наворбардор Иван Харитонов бо номи «Суфакат» филми мустанад буда, дар бораи сохтани суфакат –ҷиҳози миллии ӯзбекӣ, ки барои ҳар як зодаи Ӯзбекистон арзишманд аст, наворбардорӣ шудааст.

Хотирнишон мекунем, ки Фестивали байналмилалии «Дидор» 16 октябр дар Хонаи кино-кинотеатри «Зебунисо»-и шаҳри Душанбе ба кори худ оғоз намуда, 20 октябр ҷамъбаст мегардад.

Октябрь 19, 2019 12:34

Хабарҳои дигари ин бахш

Дар вилояти Хатлон мониторинги барномаҳои соҳавӣ гузаронида шуд
Дар Коллеҷи тиббии Ваҳдат даври шаҳрии озмуни «Фурӯғи субҳи доноӣ китоб аст» ҷараён дорад
Ансамбли давлатии рақсии «Зебо» барои иштирок дар Фестивали байналмилалии «Рақси лазгӣ» ба Тошканд сафар намуд
Дар Донишгоҳи давлатии Хоруғ бахшида ба 30-солагии таъсиси он озмун оғоз гардид
«Душанбе. Шаҳре, ки шукӯҳи давлат ва симои миллатро таҷассум мекунад», — шарҳи матбуоти даврии Тоҷикистон
Филми кӯтоҳи «Этюд» дар Фестивали 45-уми байналмилалии Гризлони Олмон иштирок мекунад
«БАҲОРИ ТОШКАНД». Фестивали VI байналмилалии опера ва балет чунин унвон гирифтааст
Даври аввали Озмуни ҷумҳуриявии «Тоҷикистон-Ватани азизи ман» ҷараён дорад
Тоҷикистон узви Маркази байналмилалии тадқиқотӣ оид ба ҳифз ва барқарорсозии мероси фарҳангӣ гардид
ТАВЗЕҲИ ПАЁМИ ПЕШВОИ МИЛЛАТ. Ба аъзои ташкилоти ибтидоии ҳизбии «Эҷод»-и АМИТ «Ховар» нуктаҳои ин ҳуҷҷати стратегӣ шарҳ дода шуданд
Чор рассоми навраси тоҷик дар Форуми байналмилалии аниматсия дар Тошканд иштирок мекунанд
Мазҳакаи «Табиби паррон»-и Театри мусиқӣ-мазҳакавии шаҳри Хуҷанд соҳиби ду ҷоизаи байналмилалӣ гардид