Сарраёсати Хадамоти давлатии оташнишонӣ бо мақсади пешгирӣ аз сӯхтор бо сокинони Душанбе суҳбатҳо доир намуд

Октябрь 29, 2019 09:34

ДУШАНБЕ, 29.10.2019 /АМИТ «Ховар»/. Мутахассисони Сарраёсати Хадамоти давлатии оташнишонии Вазорати корҳои дохилии Ҷумҳурии Тоҷикистон дар ҳамкорӣ бо кормандони Раёсати Хадамоти давлатии оташнишонии шаҳри Душанбе  бо мақсади пешгирӣ аз сӯхтор ва  риояи қоидаҳои бехатарӣ  аз он  дар муассисаву корхонаҳо, биноҳои баландошёна ва таҳхонаву долонҳои он, инчунин дар манзилҳои зисту маҳаллаҳои аҳолинишини  пойтахт санҷиш гузаронида, бо сокинони шаҳри Душанбе мулоқоту суҳбатҳо доир намуданд. Дар ин бора аз маркази матбуоти Вазорати корҳои дохилӣ ба АМИТ «Ховар» хабар доданд.

Ба иттилои манбаъ, аз тарафи мутахассисони Хадамоти давлатии оташнишонӣ чунин як амалиёти  муштараки зиддисӯхторӣ  дар кӯчаи Ф.Муҳаммадиеви ноҳияи Синои шаҳри Душанбе гузаронида шуд. Дар натиҷаи ин санҷиш  муайян гардид, ки дар  маҳаллаи зикршуда  атрофи биноҳои истиқоматӣ аз тарафи сокинон  ғасб карда шуда, бо симтӯру панҷараҳои оҳанин ва бетон  маҳкам карда шудаанд. Сокинони  ин маҳалла бо ин амалашон роҳҳои ҳаракати нақлиётро  банд карда,  монеа эҷод намудаанд. Монеаҳои ҷойдошта барои гузаронидани  амалиёти фаврӣ-оташнишонӣ дар мавриди рух додани ҳодисаи сӯхтор дар ин маҳал ба кормандони Хадамоти давлатии оташнишонӣ ва дигар ниҳодҳои таъҷилӣ мушкилот  ба миён оварда, сабаби фурсатро  аз даст додан ва зиёд гардидани масоҳати сӯхтору зарар  мегардад. Камбудиҳои ошкоршуда аз тарафи кормандони ХДО ВКД бартараф карда шуданд.

Ҳамчунин дар байни аҳолӣ вобаста ба пайомадҳои нохуш доштани чунин амалҳои худсарона анҷомдодашуда  суҳбатҳои муфид гузаронида шуданд. Дар баробари ин, шаҳрвандон  огоҳонида шуданд, ки дар мавриди такроран ба чунин  амал даст заданашон ба ҷавобгарии маъмурӣ кашида хоҳанд шуд. Нисбат ба  шаҳрвандоне, ки мунтазам дидаву дониста ва дағалона талаботи меъёру қоидаҳои бехатарӣ аз сӯхторро вайрон менамуданд, аз тарафи кормандони ХДО ВКД  санадҳои   ҳуқуқвайронкунии маъмурӣ тартиб дода шуда, ҷарима татбиқ гардид.

Ёдовар мешавем, ки кор дар ин самт аз тарафи кормандони Сарраёсати  Хадамоти давлатии оташнишонии Вазорати корҳои дохилии Ҷумҳурии Тоҷикистон ва ҷузъу томҳои он дар тамоми шаҳру ноҳияҳои ҷумҳурӣ идома дорад.

Хотиррасон мешавем, ки бо омадани фасли сармо эҳтимоли сар задани ҳодисҳои  сӯхтор зиёд мегардад. Сӯхтор ҳодисаи даҳшатборе мебошад, ки дар баробари ба миён овардани зарари  калони моддӣ, ба ҳаёту саломатии одамон хавфу хатари зиёд эҷод намуда, дар баъзе мавридҳо сабаби  ба ҳалокат расидани шаҳрвандон мегардад.

Сарраёсати  Хадамоти давлатии оташнишонии Вазорати корҳои дохилии Ҷумҳурии Тоҷикистон  аз ҳамаи шаҳрвандон хоҳиш менамояд, ки қоидаҳои бехатарӣ аз сӯхторро риоя намуда, ҷони худ ва атрофиёнро дар хатар нагузоранд!

Октябрь 29, 2019 09:34

Хабарҳои дигари ин бахш

Маъракаи даъвати ҳарбӣ дар Тоҷикистон тақрибан 70 фоиз ба анҷом расид
ИДЕОЛОГИЯИ* МИЛЛӢ – НЕРУИ БУЗУРГИ ДАВЛАТДОРӢ. Андешаҳои ноиби Президенти АМИТ, профессор Абдураҳмон Муҳаммад
ХИЗМАТ БА ВАТАН ШАРАФ АСТ! Донишҷӯёни Донишкадаи давлатии забонҳои Тоҷикистон ба хизмати Ватан камар бастанд
111 нафар донишҷӯёни Донишгоҳи миллии Тоҷикистон ба таври ихтиёрӣ ба хизмати ҳарбӣ сафарбар гардиданд
200 нафар афсарони ҷавон Донишкадаи ҳарбии Вазорати мудофиаи Тоҷикистонро хатм намуданд
Мактаби миёнаи №1 ноҳияи Шамсиддин Шоҳин ба номи Ҷамшедшоҳ Мирзо гузошта шуд
ТАНҲО ҲУКУМАТИ ФАРОГИР! Москва дархосташро расман ба толибон* пешниҳод кард
Шаҳри Бӯстон маъракаи даъвати баҳориро ба сафи Қувваҳои Мусаллаҳ ба анҷом расонид
Дар Душанбе татбиқи минбаъдаи Барномаи ислоҳоти милитсия барои солҳои 2021-2025 баррасӣ шуд
Прокуратураи генералӣ дар ноҳияи Файзобод ҳолатҳои ғайриқонунӣ додан ва хариду фурӯши заминро ошкор намуд
Сел дар Панҷакент ба 48 гектар замин ва 22 манзили сокинон зарар расонд
СММ омори риққатангези марги кӯдаконро дар Афғонистон расонаӣ кард