Шукрулло Хайрзода: «Ҳамасола 60-65 фоизи хатмкардагони Донишгоҳи давлатии молия ва иқтисоди Тоҷикистон бо ҷои кор таъмин карда мешаванд»

Февраль 4, 2020 15:10

ДУШАНБЕ, 04.02.2020 /АМИТ «Ховар»/. Ҳамасола тақрибан 60-65 фоизи  хатмкардагони  Донишгоҳи давлатии молия ва иқтисоди Тоҷикистон бо ҷои кор таъмин карда мешаванд. Соли сипаригардида 377 нафар бо ҷои кор таъмин гардиданд. Ин нуктаро ректори ин  Донишгоҳ Шукрулло Хайрзода имрӯз зимни нишасти матбуотӣ ба намояндагони ВАО хабар дода, гуфт, ки ҷиҳати бо кор таъмин намудани хатмкардагони ин донишгоҳ тадбирҳои муайян андешида мешаванд.

Донишгоҳи давлатии молия ва иқтисоди Тоҷикистон бо зиёда аз 115 донишгоҳ ва ташкилоти хориҷиву дохилӣ шартномаи ҳамкорӣ  бастааст. Инчунин дар донишгоҳи мазкур 731 нафар донишҷӯи хориҷӣ дар гурӯҳҳои рӯзона ва ғоибона таҳсил намуда истодаанд. Шукрулло Хайрзода изҳор намуд, ки мақсади асосии бастани  шартнома бо муассисаҳои олии хориҷи мамлакат- ин омӯзиши таҷрибаи якдигар ва тақвияти ҳамкории донишгоҳҳо мебошад.

Ӯ зикр кард, ки соли сипаригардида теъдоди иштироки устодон ва кормандони ДДМИТ дар курсҳои бозомӯзӣ, семинарҳо, конфронсҳои илмӣ ва симпозиумҳо дар дохил ва хориҷи мамлакат ба 24 нафар расид.

Инчунин гуфта шуд, ки соли сипаригардида дар донишгоҳ корҳои сохтмонию таъмирӣ низ ба анҷом расонида шуданд. Аз ҷумла, як бинои замонавӣ бо тамоми таҷҳизот ба истифода дода шуд, ки дар он кафедраҳои умумидонишгоҳӣ, маркази тестӣ, шуъбаи табъу нашр ва бунгоҳи тиббӣ ҷойгир мебошанд.

Февраль 4, 2020 15:10

Хабарҳои дигари ин бахш

ИҚДОМИ НАКӮИ ПРЕЗИДЕНТИ ТОҶИКИСТОН. «Шоҳнома»-и Абулқосим Фирдавсӣ ба тамоми мардуми Тоҷикистон дастрас мегардад
Пагоҳ дар Душанбе ба ифтихори 115-солагии академик Бобоҷон Ғафуров Симпозиуми байналмилалии илмӣ доир мешавад
Дар Кумитаи ҳифзи муҳити зист намоиш-фурӯши китобҳои тозанашр ташкил гардид
«ТОҶИКОН» – ОИНАИ ТАЪРИХИ МИЛЛАТ». Шаҳри Душанбе бо гирифтани 2 Шоҳҷоиза, 11 ҷой ва 3 ҷойи ифтихорӣ дар ҷумҳурӣ беҳтарин дониста шуд
Сарбоз Ҳасани Назар: «Шароити муҳайëгардида дар қисмҳои низомӣ имкон дод, ки дониши худро сайқал дода, сазовори 70000 сомонӣ шавам»
Аз саҳифаҳои матбуоти даврӣ
Ғолибони Озмуни ҷумҳуриявии ««Тоҷикон» – оинаи таърихи миллат» муайян гардиданд
««ТОҶИКОН» – ОИНАИ ТАЪРИХИ МИЛЛАТ». Дар он чор нафар сазовори «Шоҳҷоиза» гардид
Беҳрӯз Сайфиддинов дар озмуни байналмилалӣ соҳиби ҷои аввал шуд
Президенти Академияи миллии илмҳои Тоҷикистон дар ҷаласаи Комиссияи давлатҳои ИДМ оид ба истифодаи неруи атомӣ бо мақсадҳои осоишта иштирок намуд
Барои дарёфти Ҷоизаи давлатии Ҷумҳурии Тоҷикистон ба номи Абӯабдулло Рӯдакӣ дар соли 2024 озмун эълон гардидааст
Дар Душанбе Озмуни ҷумҳуриявии «Китоби сол-2023» ҷамъбаст гардид