Дар Душанбе низоми муосири назорат ва ҳисоби нерўи барқ ҷорӣ мегардад

Июль 18, 2020 12:22

ДУШАНБЕ, 18.07.2020 /АМИТ «Ховар»/. Дар шаҳри Душанбе низоми муосири назорат ва ҳисоби нерўи барқ ҷорӣ мегардад. Ин ва дигар масъалаҳои ба он марбут, аз ҷумла ба низоми замонавии билингӣ гузаштани хизмат, таъмини боэътимоди барқ ба сокинон, таҷдиду барқарорсозии зеристгоҳҳои барқӣ дар иҷлосияи дуюми Маҷлиси вакилони халқи шаҳри Душанбе, даъвати шашум, ки 15 июл доир шуд, мавриди баррасӣ қарор гирифтанд.  

Тавре мухбири АМИТ «Ховар» хабар медиҳад, дар иҷлосияи мазкур Раиси шаҳри Душанбе муҳтарам Рустами Эмомалӣ изҳори нигаронӣ намуданд, ки қатъ гардидани нерӯи барқ дар баъзе шаҳраку маҳаллаҳои  шаҳр сабаби муроҷиати зиёди сокинони пойтахт ба мақомот гардидааст.

Рустами Эмомалӣ изҳор доштанд, ки танҳо дар шаш моҳи соли 2020 198 муроҷиат дар ин хусус ба қисми навбатдории мақомот ворид шудаааст, ки аз бэътиноии масъулини соҳа дарак медиҳад.

Раиси шаҳр масъулин ва сохторҳои дахлдорро вазифадор намуданд, ки фаъолияти мунтазам ва омодагии дастгоҳу таҷҳизотҳои барқӣ, трансформаторҳои зеристгоҳҳои барқӣ, нуқтаҳои трасформаторӣ, сарфакорона истифода бурдани энергияи барқ, пешгирии талафот,  ҳолатҳои ғайриқонунии истифодаи он аз ҷониби муштариён, ҷамъоварии пардохти саривақтӣ, коҳиш додани қарзҳои истифодаи неруи барқ, иваз намудани таҷҳизотҳои куҳнаю фарсудаи барқӣ ба таҷҳизоти нави муосирро таъмин намуда, корҳои татбиқи низоми биллингии назорат ва баҳисобгирии неруи барқро вусъат бахшанд. Ҳамзамон, бобати пешгирии қатъшавии энергияи барқ ва таъмини мунтазами он дар фасли зимистон корҳои профилактикӣ ва таъмири ҷории таҷҳизотҳоро ба роҳ монда, ҷиҳати давра ба давра насб намудани ҳисобкунакҳои нави электронии муосир тадбирҳои зарурӣ андешанд.

Июль 18, 2020 12:22

Хабарҳои дигари ин бахш

Озмуни аксҳо таҳти унвони «Душанбе – шаҳри гулҳо ва зебоӣ» эълон гардид
То соли 2030 фаъолияти электросамокатҳо ва электроскутерҳо дар роҳҳои автомобилгарди Душанбе манъ мегардад
«KUDAK.TJ». Бо Қарори Раиси шаҳри Душанбе 20 муассисаи таҳсилоти томактабӣ ба ин барномаи иттилоотӣ пайваст гардид
Омодагӣ ба Форуми байналмилалии сармоягузории «Душанбе инвест-2025» баррасӣ шуд
Сокинону меҳмонони пойтахт тавассути хатсайри «City Tour» зебоиҳои Душанберо тамошо намуданд
Иҷлосияи сеюми Маҷлиси вакилони халқи шаҳри Душанбе, даъвати ҳафтум баргузор шуд
«САЙРИ ДУШАНБЕ». Ба муносибати Рӯзи ҷаҳонии сайёҳӣ дар пойтахт хатсайри ройгон ташкил карда мешавад
Имрӯз иҷлосияи сеюми Маҷлиси вакилони халқи шаҳри Душанбе, даъвати ҳафтум баргузор мегардад
Дар Душанбе Рӯзи забони давлатӣ дар сатҳи баланд таҷлил карда мешавад
DITE-2025: Душанбе ба маркази нави сайёҳии байналмилалӣ табдил меёбад
DITE-2025. Зиёда аз 10 ҳазору 500 нафар аз Намоишгоҳи байналмилалии сайёҳии Душанбе дидан намуданд
Масъалаи густариши ҳамкорӣ байни шаҳри Душанбе ва Ҷазираи Киш дар соҳаи сайёҳӣ баррасӣ шуд