Дар шаҳри Исфара корхонаи пойафзолдӯзии «Саманд» ба фаъолият оғоз намуд

Июль 3, 2020 16:20

ДУШАНБЕ, 03.07.2020. /АМИТ «Ховар»/. Дар робита ба саноатикунонии босуръат ҳамчун ҳадафи чоруми стратегии мамлакат   дар ҷумҳурӣ бо ҷалби сармояи хориҷӣ ва соҳибкорон як зумра корхонаҳои саноатӣ бунёд мегарданд. Дар шаҳри Исфара корхонаи пойафзолдӯзии «Саманд» бо ҷалби сармояи хориҷӣ ба фаъолият шурӯъ намуд. Дар ин бора хабарнигори АМИТ «Ховар» бо истинод ба хадамоти матбуоти раиси вилояти Суғд иттилоъ медиҳад. 

Бино ба иттилои манбаъ, корхонаи мазкур бо маблағгузории фабрикаи пойафзолдӯзии шаҳри Магнитогорски Федератсияи Россия таъсис ёфтааст.

Роҳбари ҶДММ «Саманд Исфара» Фахриддин Сироҷов иброз намуд, ки аз ҷониби муассис ба миқдори 233,5 ҳазор сомонӣ сармоягузорӣ сурат гирифта, дар ояндаи наздик ҳаҷми он ба 500 ҳазор сомонӣ расонида мешавад.

Дар корхона 30 нафар ба ҷойи кори доимӣ таъмин гардиданд. Истеҳсоли корхонаи мазкур имкон медиҳад, ки беш аз 10 ҳазор ҷуфт намудҳои гуногуни пойафзол барои кӯдакон ва калонсолон истеҳсол гардад.

Бояд тазаккур дод, ки давоми нимсолаи аввали соли равон дар шаҳри Исфара боз ду коргоҳи хурди истеҳсолӣ: коргоҳи коркарди сангҳои ороишӣ «Аниси Исфара» ва  коргоҳи дӯзандагӣ ба фаъолият оғоз намуданд.

Июль 3, 2020 16:20

Хабарҳои дигари ин бахш

Дар Эстония Хонаи савдои Тоҷикистон таъсис дода мешавад
Намояндагони Тоҷикистон дар «Аirspace world 2024» дар Женева иштирок намуданд
Роҳбари хоҷагии деҳқонии «Бобои Носир»: «Истифодаи оқилонаи 7,5 гектар замин ва даромад аз он дар баланд гардидани сатҳи зиндагии 5 оила мусоидат намуд»
Деҳқонони ноҳияи Мастчоҳ имсол дар майдони зиёда аз 23 ҳазор гектар кишту парвариши зироати кишоварзиро ба нақша гирифтаанд
Дар шаҳри Хуҷанд Намоишгоҳи X байналмилалии савдо «Суғд-2024» доир мегардад
«РОҲ БА СӮИ ТИЁНШОН». Душанбе охири моҳи май мизбони конфронси байналмилалӣ мегардад
Соли 2023 ба буҷети шаҳри Гулистон аз ҳисоби хизматрасонии сайёҳӣ ва табобатӣ зиёда аз 40 миллион сомонӣ ворид шуд
Ҳоҷагидорони Кооперативи истеҳсолии «Сомон-Бохтар»-и ноҳияи Кӯшониён майдони парвариши лимӯро васеъ менамоянд
Сардхонаи муосири деҳоти «Файзи Истиқлол»-и ноҳияи Кӯшониён ба аҳолӣ хизмат мерасонад
«ТОҶИКИСТОН-2024». Дар Душанбе Намоишгоҳи байналмилалии универсалӣ доир мешавад
120 гектар замини канори деҳаи Ғӯсари шаҳри Панҷакент бо оби полезӣ таъмин мегардад
Масъалаи тезонидани корҳо оид ба тармим ва навсозии нақби «Истиқлол» дар Душанбе баррасӣ гардид