Кишоварзони Конибодом дар заминҳои миёни қатори боғот картошка парвариш мекунанд

Июль 30, 2020 09:50

ДУШАНБЕ, 30.07.2020 /АМИТ «Ховар»/. Кишоварзони шаҳри Конибодом дар шашмоҳаи  якуми соли равон ба маблағи зиёда аз 272 млн сомонӣ маҳсулот истеҳсол намуда, дар 6000 гектар пахта, дар 148,9 гектар картошка ва 96,7 гектар сабзавот кишт намудаанд.  Дар ин бора аз мақомоти иҷроияи ҳокимияти давлатии вилояти Суғд ба АМИТ «Ховар» хабар доданд.

Дар доираи сафари корӣ ба шаҳри Конибодом Раиси вилояти Суғд Раҷаббой Аҳмадзода бо фаъолияти як зумра хоҷагиҳои деҳқонӣ ва нашъунамои зироати кишоварзӣ шинос гардид. Раиси вилоят дар хоҷагии деҳқонии «Озода-Д» нашъунамои шолӣ ва дар хоҷагии деҳқонии «Мутриба-ЗД» нашъунамои пахтаро мушоҳида намуда, бо кишоварзон суҳбат анҷом дод.

Раҷаббой Аҳмадзода изҳор дошт, ки бояд ҳар порча замин самаранок истифода шуда, кишоварзон бо интихоби тухмиҳои серҳосилу хушсифат сол ба сол ҳаҷми истеҳсолотро зиёд намоянд.

Раиси вилоят ҳамзамон аз Ҷамъияти саҳомии ба номи Энаҷон Бойматова боздид кард. Дар Ҷамъияти саҳомии мазкур деҳқонон пас аз ҷамъоварии ғалла бо мақсади иҷрои дастуру супоришҳои Пешвои миллат муҳтарам Эмомалӣ Раҳмон кишти такрорӣ гузаронида истодаанд. Дар кишти такрорӣ ва дар заминҳои миёни қатори боғот картошка парвариш карда мешавад.

Июль 30, 2020 09:50

Хабарҳои дигари ин бахш

Пахтакорони ноҳияи Ҳамадонӣ ҳар рӯз ба хирман 215-220 тонна «тиллои сафед» месупоранд
Тоҷикистон ба давлати воҳид ва транзитӣ табдил мегардад. Имрӯз-Рӯзи роҳсозони мамлакат
Сарвазири мамлакат Қоҳир Расулзода бинои нави маҷмааи озмоишгоҳҳои ташхиси маҳсулоти хӯроквориро ифтитоҳ намуд
Намояндагони Бонки Авруосиёии рушд, Фонди Авруосиёии стабилизатсионӣ ва рушд аз МОИ «Кӯлоб» боздид намуданд
Имрӯз аз санаи ба муомилот баровардани пули коғазии «3», «200» ва «500» сомонӣ 10 сол сипарӣ шуд
Дар Кӯлоб маъракаи ҷамъоварии пахта оғоз гардид
Дар Душанбе тавсеаи ҳамкорӣ дар соҳаи нақлиёт байни Тоҷикистон ва Япония матраҳ гардид
29 СОЛИ БОБАРАКАТ. Дар ин муддат беш аз 2000 км роҳҳои мошингард, 31 км нақб, беш аз 240 адад пул, 3,4 км галереяҳои зиддитармавӣ ва 214 км роҳҳои оҳан бунёд шуданд
Ҷамшед Нурмаҳмадзода: «Низоми бонкии мамлакат ҳамқадами Истиқлолияти давлатии Тоҷикистон пеш меравад»
COVID-19. Раиси «Амонатбонк» ва ҳайати Хазинаи байналмилалии асъор таъсири коронавирус ба фаъолияти низоми бонкӣ дар Тоҷикистонро баррасӣ намуданд
Дар минтақаи озоди иқтисодии «Кӯлоб» нахустин субъекти соҳибкорӣ ба қайд гирифта шуд
Дар ноҳияи Бобоҷон Ғафуров маъракаи ҷамъоварии пахта оғоз шуд