Ёдгор Файзов: «Аз ҷониби Пешвои миллат баҳри таъмини ҳифзи саломатии аҳолии вилоят ба маблағи зиёда аз 5,0 млн сомонӣ кумаки моддӣ расонда шуд»

Июль 17, 2020 12:49

ДУШАНБЕ, 17.07.2020. /АМИТ «Ховар»/. Баҳри пешгирии хатари паҳншавии сироятии коронавируси нави COVID-2019 аз ҷониби Президенти Ҷумҳурии Тоҷикистон муҳтарам Эмомалӣ Раҳмон барои таъмини муассисаҳои тандурустии вилоят бо маводи доруворӣ, таҷҳизотҳои зарурӣ,  хӯрока ва дастгирии кормандони соҳаи тандурустии вилоят тавассути  45 адад мошинҳои боркашонии калонҳаҷми пурбор ба маблағи зиёда аз 5,0 млн сомонӣ кумаки моддӣ расонда шуд. Ин гуфта аз ҷониби  раиси Вилояти Мухтори Кӯҳистони Бадахшон Ёдгор Файзов дар ҷаласа оид ба ҷамъбасти натиҷаи фаъолият дар шаш моҳи аввали соли 2020 садо дод. Дар ин бора аз мақомоти иҷроияи ҳокимияти давлатии Вилояти Мухтори Кӯҳистони Бадахшон ба АМИТ «Ховар» хабар доданд.

Раиси вилоят ҳамчунин иттилоъ дод, ки  дар ин давра  сохтмони беморхона дар ноҳияи Ишкошим ба охир расида,  бо кумаки Ҳукумати Ҷумҳурии Тоҷикистон ва шарикони рушд дар вилоят  бунёди  3 бунгоҳи тиббӣ ва 4 маркази саломатӣ   ба нақша гирифта шудааст.

Дар ҷаласа иттилоъ дода шуд, ки дар асоси дастуру супоришҳои роҳбари давлат дар вилоят муваққатан 785 адад катҳои бистарикунонӣ барои ташхису табобати гирифторони бемории сироятии COVID-19 бо фароҳам овардани хамаи шароити зарурӣ, алалхусус бо кумаки бевоситаи шарикон оид ба рушд ва ташкилотхои ғайридавлатӣ таъмини таҷҳизоти тиббии замонавӣ ва доруворӣ ташкил карда шуданд.

Ёдовар мешавем, ки аз аввали  бақайдгирии бемории сироятии коронавирус дар ҷумҳурӣ,  дар маҷмӯъ бо ташхиси илтиҳоби шуш дар муассисаҳои тиббии вилоят 1994 нафар беморон бистарӣ гардида, ба ҳолати 1 июли соли равон 1896 нафари онҳо баъди гирифтани табобат ба хона ҷавоб дода шуданд.

 

Июль 17, 2020 12:49

Хабарҳои дигари ин бахш

ГРАНТИ ПРЕЗИДЕНТӢ. Соли 2024 ин грант ба 120 нафар занон барои рушди ҳунармандӣ ҷудо гардид
Дар Тоҷикистон 280 ҳазор нафар дар даврҳои кӯтоҳмуддати касбомӯзӣ ба таълими касбӣ фаро гирифта шуданд
Сиёсати иҷтимоӣ самти муҳимтарини Барномаи пешазинтихоботии Ҳизби Халқии Демократии Тоҷикистон барои солҳои 2025-2030 мебошад
Дар Душанбе ҳамоиши шаҳрии гирандагони Стипендияи Президенти Тоҷикистон баргузор гардид
Дар Коллеҷи тиббии шаҳри Ҳисор озмоишгоҳҳо барои илмҳои дақиқ ифтитоҳ гардиданд
Чиллазода Қарахон раиси Федератсияи иттифоқҳои касабаи мустақили Тоҷикистон интихоб гардид
НИШАСТИ МАТБУОТӢ. Ба беш аз 11 ҳазор шаҳрванд машварати ҳуқуқӣ пешниҳод гардид
НИШАСТИ МАТБУОТӢ. Соли 2024 аз ҷониби мақомоти судӣ 1435 парвандаи ҳуқуқвайронкунии маъмурӣ баррасӣ гардид
НИШАСТИ МАТБУОТӢ. Вазорати адлия соли 2025 Платформаи нави Сабти асноди ҳолати шаҳрвандиро ба истифода медиҳад
Дар ноҳияи Қубодиён бинои шуъбаи бемориҳои сироятӣ ба истифода дода шуд
Шумораи аҳолии Тоҷикистон ҳар сол 2,2 фоиз зиёд мешавад
Ҳунармандони Тоҷикистон дар ҳаҷми 101,9 миллион сомонӣ маснуоти саноатӣ истеҳсол намудаанд

Маводҳои таҳлилӣ