Кумитаи ҳолатҳои фавқулода ба 26 оилаи Тоҷикобод маводи сохтмонӣ кумак намуд
ДУШАНБЕ, 27.08.2020/АМИТ «Ховар»/. Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон ба 26 оилае, ки манзили зисташон бар асари заминларзаи 4 август дар ноҳияи Тоҷикобод рухдода қисман зарар дида буд, тавассути техникаҳои Кумита маводи сохтмонӣ кумак намуд. Дар ин бора хабарнигори АМИТ «Ховар» бо истинод ба маркази матбуоти Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон иттилоъ медиҳад.
Кумаки мазкур, ки аз 78 тонна семент, 10,4 тонна арматура, 1690 адад бомпӯши металлӣ ва 78 метри мукааб чӯбу тахта иборат буд, бо иштироки аъзои комиссияи ноҳиявӣ таҳти сарварии муовини раиси ноҳияи Тоҷикобод Бахтиёр Ҳақназаров ба ҳамаи оилаҳои осебдида тақсим гардид.
Кумитаи ҳолатҳои фавқулода ва мудофиаи гражданӣ барои ба осебдидагони ноҳияи Тоҷикобод расонидани ёрӣ гурӯҳи корӣ ташкил намудааст, ки ба он сардори Сарраёсати ҳифзи аҳолӣ ва ҳудуди Кумита, полковник Ҷамшед Камолов сарварӣ менамояд.
Ҳамчунин бо мақсади иҷрои дастури Комиссияи давлатии Ҳукумати Ҷумҳурии Тоҷикистон оид ба ҳолатҳои фавқулода «Дар бораи чораҳои аввалиндараҷаи бартарафсозии оқибатҳои офати табиӣ дар ноҳияи Тоҷикобод» аз 5 августи соли 2020 ба ҳамаи ин оилаҳо ба маблағи умумии 25 ҳазору 850 сомонӣ кумаки яквақтаи молӣ аз фонди хароҷоти эҳтиётии Ҳукумати Ҷумҳурии Тоҷикистон ҷудо карда шуд.
Судяҳои минтақаи Аврупои Шарқӣ ва Осиёи Марказӣ масъалаҳои марбут ба ВНМО, ҳуқуқи инсон ва қонунгузориро баррасӣ намуданд
15 ОКТЯБР – РӮЗИ УМУМИҶАҲОНИИ ДАСТОНИ ТОЗА. Ҳар рӯз аз «бемории дастони чиркин» панҷ ҳазор кӯдак ба панҷсолагӣ нарасида, мефавтанд
Таҳти раёсати муовини Сарвазир Ширин Исматуллозода ҷаласаи Шӯрои миллии ҳамоҳангсозӣ оид ба масъалаҳои тандурустӣ ва ҳифзи иҷтимоии аҳолӣ доир гардид
Лоиҳаи «Тақвияти таҳсилоти касбӣ-техникӣ ва омӯзиш»: Малоҳат Искандарова ҳамчун устои барқ шӯҳрат ёфтааст
Ситоди доимамалкунандаи Вазорати тандурустӣ ва ҳифзи иҷтимоии аҳолӣ дар як шабонарӯз се маротиба онлайн доир мегардад
Милитсияи Душанбе: тадбирандешӣ нисбат ба вайронкунандагони тартиботи ҷамъиятӣ «облава» нест!
Дар шаҳри Бохтар ҷаласаи Шӯрои вилоятии мутобиқсозию метод оид ба таълим ва тарбияи ҳуқуқии шаҳрвандон доир гардид
Муҳлати боздории санадҳои будубоши муваққатии шаҳрвандони хориҷӣ дар Федератсияи Россия то 15 декабри соли 2020 тамдид карда шуд
Дар вилояти Тюмени Федератсияи Россия бо фаъолони ҷамъиятии тоҷикон мулоқот доир шуд
«Оила — рукни муҳими пойдории ҷомеа» — таҳти ин унвон дар Душанбе ҳамоиш доир гардид
Шаҳри Исфара маъракаи даъвати тирамоҳии ҷавононро ба сафи Қувваҳои Мусаллаҳ сарбаландона ҷамъбаст намуд
Лоиҳаи Қонуни Ҷумҳурии Тоҷикистон «Дар бораи муқовимат ба терроризм» дар ҷаласаи Шӯрои ҷамъиятӣ баррасӣ гардид
