Се дастаи футболи Тоҷикистон ба даҳгонаи беҳтарин бошгоҳҳои Осиёи Марказӣ шомил шуданд

Ноябрь 30, 2020 13:26

ДУШАНБЕ, 30.11.2020 /АМИТ «Ховар»/. Дастаҳои «Истиқлол», «Равшан» ва «Истаравшан» бино ба тафсири Конфедератсияи футболи Осиё (AFC) ба рейтинги даҳгонаи беҳтарин бошгоҳҳои футболи Осиёи Марказӣ шомил шуданд. Дар ин бора АМИТ «Ховар» бо истинод ба сомонаи AFC (theafc.com) хабар медиҳад.

Конфедератсияи Осиё даҳгонаи беҳтарин дастаҳои футболи Осиёи Марказиро нашр кард, ки «Истиқлол»-и Душанбе, «Равшан»-и Кӯлоб ва «Истаравшан»-и Истаравшан шомили он мебошанд.

Рӯйхати пурраи беҳтарин дастаҳои Осиёи Марказӣ, ки дар сомонаи AFC нашр шудааст

«Бунёдкор» (Ӯзбекистон)

«Дордой» (Кирғизистон)

«Истаравшан» (Тоҷикистон)

«Истиқлол» (Тоҷикистон)

«Насаф» (Ӯзбекистон)

«Навбаҳор» (Ӯзбекистон)

«Олой» (Кирғизистон)

«Олтин Асир» (Туркманистан)

«Равшан» (Тоҷикистон)

«Пахтакор» (Ӯзбекистон)

Дастаи футболи «Истиқлол» моҳи ноябри соли 2007 дар шаҳри Душанбе таъсис ёфтааст. «Истиқлол» дар Варзишгоҳи марказии ҷумҳуриявӣ, ки метавонад 24 ҳазор нафарро қабул кунад, ҳунарнамоӣ менамояд. Дастаи «Истиқлол» яке аз унвондортарин ва машҳуртарин дастаҳои футболи Тоҷикистон ва Осиёи Марказии муосир мебошад.

Қаҳрамони феълии Лигаи олии Тоҷикистон ва барандаи феълии Суперҷоми Тоҷикистон мебошад. «Истиқлол» қаҳрамони 9-каратаи Тоҷикистон, 8 карат ғолиби Ҷоми Тоҷикистон, 9 карат ғолиби Суперҷоми Тоҷикистон, дорандаи медали нуқра ва биринҷии Чемпионати Тоҷикистон, 3 карат финалисти Ҷоми Тоҷикистон ва финалисти Суперҷоми Тоҷикистон мебошад. Дар арсаи байналмилалӣ соҳиби Ҷоми Президенти КФО-2012 — саввумин мусобиқаи муҳимтарини дастаҳои футболи Осиё ва ду маротиба финалисти Ҷоми КФО (солҳои 2015 ва 2017) — дуввумин мусобиқаи дастаҳои Осиё (шабеҳи Лигаи Аврупо УЕФА ё Ҷоми барҳамхӯрдаи УЕФА) мебошад.

Дастаи футболи «Равшан» соли 1965 таъсис ёфтааст. Аз лаҳзаи таъсиси чемпионати мустақили Тоҷикистон дар соли 1992 дар Лигаи Олӣ (бо танаффус) баромад мекунад. Соли 1993 соҳиби Ҷоми Тоҷикистон ва соли 1994 финалисти Ҷом гардид. Худи ҳамон сол дар мусобиқаҳо барои Ҷоми барандагони ҷомҳои Осиё ширкат варзид. Дар мавсимҳои 2012 ва 2013 «Равшан» қаҳрамони Тоҷикистон шуд, солҳои 2013 ва 2020 даста Суперҷоми Тоҷикистонро ба даст овард. Соли 2020 ба Лигаи олӣ баргашт.

Дастаи футболи «Истаравшан» яке аз қадимтарин дастаҳои Тоҷикистон мебошад, ки соли 1938 бо номи «Спартак» (Ӯротеппа) таъсис ёфтааст. Солҳои 1981-1984 бо номи «Трикотажник» бозӣ карда, 4 сол пай дар пай қаҳрамони чемпионати ҶШС Тоҷикистон шуд ва соли 1981 соҳиби Ҷоми ҷумҳурӣ гардид. Солҳои зиёд бо танаффус дар Лигаи олӣ бозӣ мекард. Соли 2018 истаравшаниён ғолиби Лигаи якуми Тоҷикистон шуда, ба Лигаи олӣ баргаштанд. Аз соли 2019 даста дубора дар Лигаи олӣ бозӣ мекунад.

АКС аз сомонаи AFC

Ноябрь 30, 2020 13:26

Хабарҳои дигари ин бахш

ФУТБОЛ. Шоми имрӯз бозии дӯстонаи дастаҳои мунтахаби Тоҷикистон ва Қазоқистон баргузор мешавад
Акмалиддин Каримов, Хушқадам Хусравов ва Табрезшоҳ Парпишоевро дар Душанбе бо шукӯҳи хоса пешвоз гирифтанд
27-28 ноябр бозиҳои ҷавобии даври нимфинали Ҷоми Тоҷикистон-2021 оид ба футбол баргузор мегарданд
Бозии дӯстонаи дастаҳои мунтахаби Тоҷикистон ва Қазоқистон дар шаҳри Нур-Султон баргузор мешавад
ФУТБОЛ. Дастаи Тоҷикистон омодагиашро барои бозӣ бо дастаи мунтахаби Қазоқистон оғоз кард
МУБОРАК БОД! Акмалиддин Каримов ба унвони чемпион ва Хушқадам Хусравов ба гирифтани медали нуқра мушарраф гардид
7 паҳлавони шинохтаи тоҷик дар Чемпионати ҷаҳон оид ба самбо дар Узбекистон иштирок мекунанд
ФУТЗАЛ. Дастаи «Соро компания» барандаи Ҷоми Тоҷикистон-2021 оид ба футзал гардид
Ғолибони Мусобиқаи ҷумҳуриявӣ оид ба гӯштини дзюдо муайян шуданд
ФУТБОЛ. Мубин Эргашев муваққатан сармураббии дастаи мунтахаби футболи Тоҷикистон интихоб шуд
«Истиқлол» ва «Хуҷанд» дар бозиҳои аввали нимфинали Ҷоми Тоҷикистон-2021 бар ҳарифонашон ғолиб омаданд
Роҳбарони нави Федератсияи тенниси рӯи мизи Душанбе интихоб шуданд