Нашриёти «Адиб» дар Истаравшан намоиш-фурӯши китоб доир намуд

Январь 20, 2021 08:49

ДУШАНБЕ, 20.01.2021 /АМИТ «Ховар»/.  Дар шаҳри Истаравшан намоиш-фурӯши китоб доир гардид. Иқдоми мазкур бо ташаббуси нашриёти «Адиб» ва мақомоти иҷроияи ҳокимияти давлатии шаҳри Истаравшан    амалӣ шуда, зиёда аз 182 номгӯй китобҳои тозанашр пешниҳоди мизоҷон ва ихлосмандони каломи бадеъ гардид.

Тавре аз хадамоти матбуоти Раиси вилояти Суғд ба АМИТ «Ховар» иттилоъ доданд, иҷрокунандаи вазифаи раиси шаҳри Истаравшан Адҳам Маъмурзода зимни боздид аз ҷараёни намоиш-фурӯши китобҳо зикр намуд, ки «сафи дӯстдорони китоб имрӯзҳо ба маротиб афзудааст ва ташкили чунин намоиш — фурӯши китобҳо басо муфид буда, дӯстдорони ин ганҷинаи ҳикмат метавонанд мувофиқи завқи худ адабиёти зарурӣ пайдо ва мутолиа намоянд».

Дар намоиш- фурӯши китобҳо шумораи зиёди сокинони шаҳр, аз ҷумла толибилмон ва омӯзгорони муассисаҳои таълимӣ ширкат варзида, бо баъзе аз муаллифони китобҳо аз наздик шинос шуданд.

Чунин намоиш-фурӯши боҳашамати китобҳо бори нахуст дар шаҳри Истаравшан баргузор гардида, шумораи китобҳои ба намоиш гузошташуда дар маҷмӯъ беш аз 5 ҳазор нусхаро ташкил намуд. Ва он иқдоми хубест ҷиҳати эҳёи фарҳанги китобхониву китобдӯстӣ дар мамлакат.

Январь 20, 2021 08:49

Хабарҳои дигари ин бахш

ЭЪЛОН: «ВАССОФИ ВАТАН». Барои рӯзноманигорон ва корбарони саҳифаҳои иҷтимоии шабакаҳои интернетӣ фестивал-озмун баргузор мешавад
Тандиси биринҷии чеҳраи Президенти Тоҷикистон ба Осорхонаи миллӣ супорида шуд
АЗ НАВРӮЗ ТО НАВРӮЗ. Дар Донишкадаи давлатии санъати тасвирӣ ва дизайни Тоҷикистон фестивали муд баргузор мегардад
ИМРӮЗ-РӮЗИ ҶАҲОНИИ ТЕАТР. Дар давраи соҳибистиқлолӣ дар Тоҷикистон барои пешрафти санъати касбии театрӣ шароити мусоид фароҳам оварда шуд
«САЙРИ ГУЛИ ЛОЛА». Дар Суғд Фестивали вилоятии гулҳо доир мешавад
КОНИ ЛАЗЗАТ ВА ХОНИ НЕЪМАТ. Хабарнигори АМИТ «Ховар» оид ба таомҳои наврӯзӣ дар Бадахшон маълумот ҷамъоварӣ намуд
НАВРӮЗ-МАҲБУБТАРИН ҶАШНИ МИЛЛИИ ТОҶИКОН. Суратгузориш аз таҷлили бошукуҳи ҷашни Наврӯз дар Академияи миллии илмҳои Тоҷикистон
Байни Китобхонаи миллии Тоҷикистон ва Китобхонаи оммавӣ, илмӣ-техникии шуъбаи Академияи илмҳои Русия дар минтақаи Сибир Созишномаи ҳамкорӣ ба имзо расид
Оши бурида дар Наврӯз ҳамчун рамзи умри дароз ва ҳаёти хушбахтона омода мешавад
НАВРӮЗ — ҶАШНИ ЭҲЁ. Ин ҷашни ҷаҳонӣ бунёди маънавии миллати тоҷик мебошад
МАЗМУНҲОИ НАВРӮЗӢ ДАР АШЪОРИ АҲДИ КЛАССИКИИ ФОРСУ ТОҶИК. Андешаҳои адабиётшинос дар хусус
НАВРӮЗ ДАР ЗАРАФШОН. Он бо «тухмҷангак»-и кӯдакон оғоз мегардад