Китобҳои тозанашри адибони тоҷик дар Намоишгоҳ-ярмаркаи XXVIII байналмилалии Минск муаррифӣ гардиданд
ДУШАНБЕ, 25.02.2021 /АМИТ «Ховар»/. Аз 18 то 21 феврал дар Минск Намоишгоҳ-ярмаркаи XXVIII байналмилалии Минск таҳти шиори «Китоб мардум ва кишварҳоро муттаҳид мекунад» баргузор гардид, ки дар қатори намояндагони 20 кишвари ҷаҳон Тоҷикистонро дар он Сафорати Ҷумҳурии Тоҷикистон дар Ҷумҳурии Беларус бо интихоби васеи адабиёти тоҷик, аз ҷумла навтарин нашрияҳои муаллифони ватанӣ, инчунин асарҳои адибони хориҷӣ, ки ба забони тоҷикӣ тарҷума шудаанд, муаррифӣ намуд.
Дар ин бора АМИТ «Ховар» бо истинод ба Сафорати Ҷумҳурии Тоҷикистон дар Ҷумҳурии Беларус иттилоъ медиҳад.
Дар маросими ифтитоҳи Намоишгоҳгоҳи XXVIII байналмилалии Минск ва гӯшаи Ҷумҳурии Тоҷикистон Сафири Фавқулода ва Мухтори Ҷумҳурии Тоҷикистон дар Ҷумҳурии Беларус Маҳмадшариф Ҳақдод ширкат варзид.
Инчунин аз ҷониби намояндагони Тоҷикистон ба меҳмонони стенди Ҷумҳурии Тоҷикистон ашёи санъати қадимии амалии миллии мамлакат, унсурҳои либоси миллӣ ва ҷавоҳирот тақдим гардиданд.
Дар намоишгоҳ 281 намоишгар аз 20 кишвар — Австрия, Озарбойҷон, Арманистон, Беларус, Венесуэла, Германия, Эрон, Қазоқистон, Чин, Қирғизистон, Молдова, Покистон, Фаластин, Россия, Сурия, Тоҷикистон, Туркманистон, Туркия, Ӯзбекистон, Украина ширкат намуданд. Ин намоишгоҳ ба сокинон ва меҳмонони Минск имконият медиҳад, ки бо нашрияҳо ва адабиёти 20 кишвар шинос шаванд.
Ин намоишгоҳ ба ифтихори 30-солагии таъсиси ИДМ ташкил шуда, сабаби эълони Иттиҳоди Давлатҳои Мустақил ҳамчун намоишгари марказии XXVIII ICEF Минск гардид.
Ёдовар мешавем, ки ин намоиш-ярмарка тӯли 17 сол аст, ки баргузор мешавад.
«ҚАЛАМДОРӢ-МАСЪУЛИЯТИ ВАТАНДОРИСТ». Таҳти ин унвон маҳфили адабии нависанда Садриддин Ҳасанзода доир шуд
Дар Душанбе бахшида ба Рӯзи маъюбон ҳамоиши фарҳангӣ доир шуд
Дар Душанбе намоиши дастнависҳо, нусхаҳои чопи сангӣ ва хушнависиҳои ашъори Ҳофизи Шерозӣ баргузор шуд
Мехоҳед таътили тобистонаи фарзандатон босамар гузарад? Пас ба Китобхонаи миллии Тоҷикистон биёяд
Дар шаҳри Норак 2 ёдгории бостонӣ кашф ва таҳқиқ карда шуд
Дар Душанбе дуюмин Синамоҷашнвораи байналмилалӣ «Тоҷи сомон» баргузор мегардад
Дар театри Муҳаммадҷон Қосимов намоишномаи «Ман Таҳминаам…» аз рӯи достони «Шоҳнома» пешниҳод мегардад
Бо ташаббуси Агентии ҳифзи мероси таърихию фарҳангӣ дар ноҳияи Ховалинг Рӯзи Ваҳдати миллӣ ҷашн гирифта шуд
Шоири халқии Тоҷикистон Камол Насрулло: «Ҳақиқат ин аст, ки Пешвои миллат ваҳдатро бунёд гузошту таҳким доду қавӣ сохт»
Дар Осорхонаи миллӣ гӯшаи доимоамалкунандаи «Ваҳдати миллӣ» ташкил гардидааст
Тамоми комёбиҳои миллат ва саодати рӯзгори мардум аз иттиҳоди миллӣ ибтидо мегирад
«ЭМОМАЛӢ РАҲМОН – МЕЪМОРИ СУЛҲУ ВАҲДАТ». Дар Вазорати фарҳанг ҳамоиши илмӣ доир гардид
