Ҳайати ширкати «Serba Dinamik Holding Berhad»-и Малайзия аз Бонки миллии Тоҷикистон боздид намуд
ДУШАНБЕ, 13.04.2021 /АМИТ «Ховар»/. Масъалаҳои густариши ҳамкории дуҷониба дар бахши технологияҳои нав ва дурнамои рушди он 12 апрел дар мулоқоти муовини Раиси Бонки миллии Тоҷикистон Моҳбону Накҳатзода бо ҳайати намояндагони ширкати «Serba Dinamik Holding Berhad»-и Малайзия таҳти роҳбарии муассис ва мудири иҷроияи ин ширкат Моҳд Абдул Карим бин Абдулло дар Душанбе баррасӣ гардиданд, хабар медиҳад АМИТ «Ховар» бо истинод ба Бонки миллии Тоҷикистон.
Моҳбону Накҳатзода меҳмононро бо вазъи макроиқтисодӣ ва низоми бонкии мамлакат, механизми самараноки татбиқи сиёсати пулию қарзӣ ва асъорӣ, бунёди инфрасохтори муосири амалиёти молиявӣ шинос намуда, ҳавасмандии роҳбарияти Бонки миллии Тоҷикистонро дар самти роҳандозии ҳамкории судманд бо сармоягузорон ва ҷалби бештари сармоягузории хориҷӣ ва дохилӣ ба низоми бонкии кишвар иброз намуд.
Моҳбону Накҳатзода таъкид кард, ки имрӯз дар Тоҷикистон барои ҷалби сармояи мустақими хориҷӣ ба бахши бонкдории кишвар, фаъолияти озоду бемамониати сармоягузорони хориҷӣ шароити мусоид ва заминаи меъёрию ҳуқуқии мукаммал фароҳам оварда шудааст.
Моҳд Абдул Карим бин Абдулло ҳавасмандии худро ҷиҳати роҳандозии бонки рақамӣ (digital banking) ва таъсиси платформаи содирот ва воридоти байни кишварҳои ACEAN ва Осиёи Марказӣ иброз намуд.
Ҳамзамон номбурда таъкид намуд, ки ширкати «Serba Dinamik Holding Berhad» дар баробари таҳкими рушди тиҷорат, инчунин омода аст ҳамкории густурдаро бо бонкҳои Тоҷикистон дар самти густариши ҳисоббаробаркуниҳои ғайринақдӣ ба роҳ монда, ба ин васила барои фароҳам овардани фазои хуби сармоягузорӣ ва дастгирии низоми бонкии кишвар, инчунин рушди иқтисодиёти рақамӣ мусоидат намояд. Мусоҳибон иброз доштанд, ки барои густариши ҳамкорӣ дар низоми бонкӣ сайъ хоҳанд кард.
Ширкати «Serba Dinamik Holding Berhad» яке аз ширкатҳои рушдёфта ва бонуфузи Малайзия буда, дорои беш аз 30 ширкатест, ки дар 20 кишвари дунё, аз ҷумла Қатар, Аморати Муттаҳидаи Араб, Амрико дар самтҳои муҳандисӣ, технологияҳои компютерӣ, сохтмони неругоҳҳои барқӣ ва иқтисодиёти рақамӣ фаъолият мекунад.
Дар Душанбе Созишномаи қарзӣ байни Ҳукумати Тоҷикистон ва Фонди Саудии Рушд оид ба лоиҳаи НБО-и «Роғун» ба имзо расонида шуд
Султон Абдулраҳмон ал-Маршад: «Фонди Саудии Рушд Созишномаро оид ба ҷудо намудани 100 миллион доллари амрикоӣ барои сохтмони НБО-и «Роғун» ба имзо мерасонад»
Далер Ҷумъа: «Тоҷикистон метавонад дар бунёди бозори минтақавии неруи барқ саҳми арзанда гузорад»
Дар Минтақаи озоди иқтисодии «Данғара» дар 10 моҳ 8 корхонаи саноатӣ фаъолият намудааст
АСАЛИ ТОҶИКИСТОН. Зиёда аз сад намунаи он ба бозори давлатҳои Иттиҳоди Аврупо роҳ ёфтаанд
ПАРКҲОИ ТЕХНОЛОГӢ. Чаро онҳо мутобиқ ба талаботи замон фаъолият надоранд?
«ИСЛОҲОТ ДАР САМТИ ДАСТГИРИИ СОҲИБКОРӢ». Дар Душанбе таҳти ин унвон ҳамоиш доир гардид
Намояндаи Тоҷикистон дар ҷаласаи 14-уми Шурои роҳбарикунандаи Барномаи ҳамкории иқтисодии минтақавии Осиёи Марказӣ иштирок намуд
Роҳбарони корхонаҳои саноати нассоҷию мудофиа ва мошинсозии Туркия ба Тоҷикистон даъват шуданд
Таҳти роҳбарии муовини Сарвазири Тоҷикистон масъалаи омодагии Вилояти Мухтори Кӯҳистони Бадахшон ба зимистон баррасӣ шуд
Дар Тоҷикистон лоиҳаи нави давлатии сармоягузорӣ таҳти унвони «Дастгирии кишоварзӣ дар заминаи ҷомеа плюс» (CASP+) оғоз гардид
Ҳайати Тоҷикистон дар иҷлосияи 20-уми Конфронси кулли UNIDO дар Вена иштирок дорад
