Генерал-полковник Рамазон Раҳимзода: Бо муомилоти ғайриқонунии сангҳои қиматбаҳо ва шикори ҳайвоноти нодир мубориза баред!

Апрель 20, 2021 14:11

ДУШАНБЕ, 20.04.2021 /АМИТ «Ховар»/. Тавре қаблан иттилоъ додем, дар Раёсати Вазорати корҳои дохилӣ дар Вилояти Мухтори Кӯҳистони Бадахшон ҷаласаи ҷамъбасти фаъолияти семоҳаи фаврӣ-хизматӣ доир гардид.

Вазири корҳои дохилии Ҷумҳурии Тоҷикистон, генерал-полковники милитсия Рамазон Раҳимзода  зимни ҷаласа ба кормандони милитсияи  вилоят  дар мавриди пешгирии шикори ғайриқонунии ҳайвоноти нодир ва ҳифзи ҳамаҷонибаи онҳо супоришҳои мушаххас дод.

Хотиррасон мешавем, ки мутобиқи қонунҳои Ҷумҳурии Тоҷикистон «Дар бораи милитсия», «Дар бораи ҳифзи муҳити зист», «Дар бораи ҳифзи табиат», «Дар бораи олами ҳайвонот», шикори ғайриқонунии ҳайвоноти нодир дар Тоҷикистон манъ аст. Дар Бадахшон аз ҷумлаи ин ҳайвонот гӯсфанди «Марко-Поло», озодапаланг, оҳу, қутос ва парандаҳои нодир мавҷуданд, ки ба Китоби Сурхи Ҷумҳурии Тоҷикистон ворид гардидаанд ва шикори ғайриқонунии онҳо манъ шудааст.

Аз ин рӯ Вазири корҳои дохилӣ ба кормандони Раёсати  ВКД дар ВМКБ дастур дод, ки ҷиҳати риояи ин қонунҳо  тадбирҳои тахсирбаш андешанд.

Ҳамзамон Рамазон Раҳимзода супориш дод, ки  кормандони милитсия фаъолияташонро баҳри пешгирии муомилоти ғайриқонунии сангҳои қиматбаҳо, аз ҷумла лаъл, лоҷувард, фирӯза, ёқути кабуд, яшм ва ғайра, ки мутобиқи моддаи 284 қисми 1-и Кодекси ҷиноятии Ҷумҳурии Тоҷикистон барои муомилоти ғайриқонунии он ҷазо пешбинӣ шудааст, пурзӯр намоянд.

София Шоик,
АМИТ «Ховар»

                                      АКС аз бойгонии  АМИТ «Ховар»

Апрель 20, 2021 14:11

Хабарҳои дигари ин бахш

Мулоқоти ҳамраисони ҳайатҳои ҳукуматии Тоҷикистон ва Қирғизистон оид ба делимитатсия ва демаркатсияи сарҳади давлатӣ доир шуд
Ҷавонон бояд қарзи шаҳрвандӣ — таҳсили илму дониш ва саҳмгузорӣ дар пешрафти Ватанро софдилона иҷро намоянд
Тоҷикистон дар мубориза бо қочоқ ва муомилоти ғайриқонунии маводи нашъаовар нақши калидӣ дорад
Ҳайати Тоҷикистон дар чорабиниҳои канорӣ дар доираи иҷлосияи 67-уми Комиссияи Созмони Милали Муттаҳид оид ба воситаҳои нашъадор иштирок намуд
Дар Вена ҳамкории Тоҷикистон бо Чин ва Эрон дар мубориза бо муомилоти ғайриқонунии маводи нашъадор баррасӣ шуд
Ҷаласаи гурӯҳҳои кории ҳайатҳои ҳукуматии Ҷумҳурии Тоҷикистон ва Ҷумҳурии Қирғизистон баргузор гардид
Ҳайати Тоҷикистон дар чорабинии канории Қазоқистон дар Вена иштирок намуд
Дар Вена оид ба сиёсати зиддимухаддиротии Ҷумҳурии Тоҷикистон маълумот дода шуд
Мулоқоти ҳамраисони ҳайатҳои ҳукуматии Тоҷикистон ва Қирғизистон оид ба делимитатсия ва демаркатсияи сарҳади давлатӣ доир гардид
Тарбияи ватандӯстӣ — омили муттаҳидии миллат дар мубориза бар зидди ифротгароӣ ва хурофотпарастӣ
Ҳайати Тоҷикистон дар иҷлосияи 67-уми Комиссияи Созмони Милали Муттаҳид оид ба воситаҳои нашъадор дар Вена иштирок дорад
14 МАРТ-ИДИ КАСБИИ КОРМАНДОНИ ПРОКУРАТУРА. Давоми 32 сол фаъолияти ин ниҳоди давлатӣ ба таври назаррас тақвият ёфт