Вирусолог пайдоиши супер-штамми коронавирусро пешгӯӣ кард

Июнь 10, 2021 09:29

ДУШАНБЕ, 10.06.2021/АМИТ «Ховар»/. Пас аз чанд сол метавонад гунаи тағйирёфтаи коронавирус пайдо шавад, ки ба он ваксинаҳои муосир асар нахоҳанд кард. Тавре АМИТ «Ховар» иттилоъ медиҳад, дар ин бора директори Пажӯҳишгоҳи эпидемиология ва микробиологияи ба номи Г.П.Сомови Роспотребнадзор, мудири кафедраи эпидемиология, микробиология ва паразитологияи мактаби биомедицинаи Донишгоҳи федералии Шарқи Дур, мудири лабораторияи вирусологияи МФМ Гуногунии биологии шуъбаи АИР дар Шарқи Дури Михаил Шелканов зимни мусоҳиба бо рӯзномаи русии «Известия» изҳор доштааст.

Ба гуфтаи ӯ, ҳар гуна вирус, алахусус вируси дорои РНК (ки ангезандаи (патогени) COVID-19 ба он мутааллиқ аст), метавонад танҳо дар шакли «абри намудҳо» вуҷуд дошта бошад.

Ҳатто дар як ҳуҷайраи сироятёфта на як, балки якчанд намуди вирус мавҷуд мебошад.

«Шароити мушаххаси вазъ метавонад ба такомули мусбати ин ва ё он намуди муайяни вирусӣ, ки дар ҳудуди муайян ҳоким шудааст, мусоидат кунад», — нақл кард олим. — Бинобар ин, вирус ё комилан маҳв мешавад, ё ин ки ҳамеша аз эминияти дастаҷамъии мо ним қадам пеш хоҳад буд. Аз ин рӯ, пайдоиши гунаи тағйирёфта (эскейп-мутант), ки ваксинаҳои муосир ба он беасар хоҳанд буд, ба мурури вақт вобаста аст. Тақрибан якчанд сол».

Тавре ки коршинос таъкид кард, дар ояндаи наздик пайдо шудани чунин намуди вирусро интизор набояд шуд. Ҳама ваксинаҳои Россия дар муқобили намудҳое, ки ҳоло маълуманд, муассиранд. Аммо, дер ё зуд, гунаи нави вирус пайдо мешавад ва ваксинаҳои мавҷуда дар муқобили он беасар хоҳанд буд.

«Ин меъёри зиндагӣ аст. Коршиносон инро мефаҳманд ва аз ин рӯ заминаҳои технологии мо имкон медиҳанд, ки гунаи ваксинӣ зуд тағйир дода шавад. Ва ин комилан ноаён сурат хоҳад гирифт, чунон ки ҳангоми зуком сурат мегирад», — нақл кард мутахассис.

                                                         АКС: РИА «Новости»

Июнь 10, 2021 09:29

Хабарҳои дигари ин бахш

ИМРӮЗ – РӮЗИ УМУМИҶАҲОНИИ ДОНОРИ ХУН. Ба беш аз 100 нафар унвони «Донори фахрии Ҷумҳурии Тоҷикистон» дода шудааст
Арабистони Саудӣ соли 2021 зоирони хориҷиро барои адои маросими ҳаҷ қабул карда наметавонад
«МО БО ШУМОЕМ!». Дар Душанбе даври дуюми озмуни мазкур ҷамъбаст гардид
БЕТАРАФ НАБОШЕД! Дар қаламрави Тоҷикистон амалиёти навбатии «Бачаҳо» гузаронида мешавад
ГАРМИШАВИИ ИҚЛИМ ДАР РӮИ ЗАМИН ХАТМ НАЁФТААСТ. Гармои фавқулода дар Тоҷикистон гувоҳи ҳол буда метавонад
САТҲИ КАМТАРИНИ ГИРИФТОРӢ БА КОРОНАВИРУС ДАР ТОҶИКИСТОН ВА ӮЗБЕКИСТОН АСТ. Дар ин бора дар хабари нашрнамудаи сомонаи Кумитаи омори ИДМ гуфта шудааст
«Литсейи касбии техникии махсуси шаҳри Душанбе» таъмиру таҷдид мегардад
ТАВАҶҶУҲ! Ба реҷаи маҳдудсозии ҳаракати воситаҳои нақлиёт аз тариқи нақби «Истиқлол» тағйирот ворид гардид
ОГОҲИИИ АГЕНТИИ ОБУҲАВОШИНОСӢ: Аз 5 то 9 июн дар Тоҷикистон баландшавии ҳарорати ҳаво дар назар дошта шудааст
Шоҳигарии Белгия ба Беморхонаи марказии ноҳияи Рӯдакӣ таҷҳизоти тиббӣ кумак намуд
Хадамоти муҳоҷират: Шаҳрвандон бояд то 30 июни соли равон буду боши худро дар Федератсияи Россия ба расмият дароранд
Ҳифзи сулҳу суботи Тоҷикистонро вазифаи муқаддаси шаҳрвандии худ меҳисобем,-бардошт аз вохӯрии гурӯҳи корӣ бо сокинони мамлакат