Дар Хатлон ҷоизадорони Озмуни «Ободгари Ватан» муайян гардиданд

Июль 9, 2021 15:44

ДУШАНБЕ, 09.07.2021 /АМИТ «Ховар»/. Имрӯз дар мақомоти иҷроияи ҳокимияти давлатии вилояти Хатлон   як  зумра соҳибкорони шаҳру ноҳияҳои вилоят, ки дар бунёди бино ва иншооти ҷашнӣ  бахшида ба 30-солагии Истиқлолияти давлатии Ҷумҳурии Тоҷикистон саҳми арзанда  гузоштаанд, аз тарафи муовини Сарвазири Ҷумҳурии Тоҷикистон Давлатшоҳ Гулмаҳмадзода ва раиси вилояти Хатлон Қурбон Ҳакимзода бо ҷоизаи “Ободгари Ватан” ва «Сипоснома»-и мақомоти иҷроияи ҳокимияти давлатии вилояти Хатлон сарфароз гардиданд.

Тавре аз мақомоти иҷроияи ҳокимияти давлатии вилояти Хатлон иттилоъ доданд, Самизода Фарух — барои бунёди “Коллеҷи тиббӣ-иҷтимоӣ”-и  7-ошёна дар деҳаи Хуррамзамин Ҷамоати деҳоти Корези ноҳияи Данғара, Салимов Ромиш- барои бунёди Боғи фарҳангӣ-фароғатии “Симурғ” дар деҳоти Оқсуи ноҳияи Данғара, Саидзода Раҳимҷон-барои бунёди муассисаи касбию иҷтимоии хусусии тиббӣ ва маркази барқарорсозии “Нури тиб” дар деҳаи Ғиҷоваки Ҷамоати деҳоти Пушинг ноҳияи Данғара, Тилабов Хуҷаназар- барои бунёди Толори варзишии 2 — ошёна ва майдончаи варзишии универсалӣ дар деҳаи Нурбахши Ҷамоати деҳоти Лолазор ноҳияи Данғара, Раҳимов Алишер-барои бунёди маркази савдою изматрасонӣ ва коргоҳи дузандагӣ дар маҳаллаи Шамсиддин Шоҳини  шаҳри Кӯлоб, Ханаев Тоир — барои бунёди тавалудхона барои 10 кат, майдончаи варзишӣ ва 2 синфхонаи иловагӣ дар назди МТМУ №61-и  деҳаи Ваҳдати  шаҳраки Ҳаёти нави  ноҳияи Ёвон, Давлатов Гулмаҳмад-барои бунёди сехи дузандагӣ, майдончаи варзиши сартарошхона, кошонаи ҳусн, дорухона ва дукони гӯштфурушӣ дар Ҷамоати деҳоти Заргар ноҳияи Кӯшониён, Атовуллоев Мустафо-барои бунёди меҳмонхона, қаҳвахона, толори саққобозӣ, маркази дилхушии кӯдакона, маркази хизматрасонии техникӣ ва мағоза дар Ҷамоати Золи Зари  ноҳияи Ҷалолиддин Балхӣ, Нозимов Олимхӯҷа-барои бунёди маркази савдо ва меҳмонхона дар Ҷамоати шаҳраки Шаҳритус ноҳияи Шаҳритус, Назриев Шаҳриёр-барои бунёди хонамӯзеи устод Ҷурабек Назриев дар ноҳияи Ховалинг, Қосимов Фурқат-барои мумфарш намудани роҳи маҳаллаи Ғайрат ва саҳми арзанда дар корҳои ободонию созандагии шаҳри Бохтар бо ҷоизаи “Ободгари Ватан” ва Сипосномаи мақомоти иҷроияи ҳокимияти давлатии вилояти Хатлон сарфароз гардиданд.

Июль 9, 2021 15:44

Хабарҳои дигари ин бахш

Дар Агентии «Тоҷикстандарт» вобаста ба риояи талаботи ҳуҷҷатҳои меъёрии техникӣ машварат баргузор шуд
ОБОДӢ ДАР МАҲАЛ. Роҳи деҳаи Аҷами ноҳияи Шаҳринав асфалтпӯш гардид
Намояндаи Тоҷикистон дар Самарқанд бо нишони сарисинагии «Барои хизматҳо дар ҳамкории байналмилалии геологӣ» сарфароз гардонида шуд
Ширкати ҳавопаймоии «Сомон Эйр» даврҳои омодагии ибтидоӣ барои роҳбаладон ташкил намудааст
Ташаббусҳои ҷаҳонии Тоҷикистон оид ба обу иқлим дар Арабистони Саудӣ баррасӣ шуданд
Вазири рушди иқтисод ва савдои Тоҷикистон дар ҷаласаи 99-уми Шурои иқтисодии ИДМ иштирок намуд
Дар иҷлосияи XXVI Шурои байниҳукуматӣ оид ба иктишоф, истифода ва ҳифзи қаъри замини ИДМ раёсат аз Тоҷикистон ба Узбекистон гузашт
Ҳайати Тоҷикистон дар Форуми глобалии сиёсат дар Манила иштирок намуд
«Бонк Фридом Финанс Қазоқистон» тасмим гирифтааст, ки дар Тоҷикистон бонки фаръӣ ё филиал боз намояд
БАХШИДА БА 35-СОЛАГИИ ИСТИҚЛОЛИЯТИ ДАВЛАТӢ. Дар шаҳри Роғун бинои кӯдакистон ва «Амонатбонк» ба истифода дода мешавад
Тоҷикистон ва Корея имконияти кишоварзиро тақвият мебахшанд
Дар Самарқанд таҳти раёсати Тоҷикистон иҷлосияи XXVI Шурои байниҳукуматӣ оид ба иктишоф, истифода ва ҳифзи қаъри замини ИДМ оғоз шуд