Дар Душанбе таҳти унвони «Ҷалби диаспораҳои тоҷикон ва ҳамватанони бурунмарзӣ баҳри рушди кишвар дар давраи баъд аз COVID – 19» конференсияи миллӣ доир гардид

Октябрь 14, 2021 13:14

ДУШАНБЕ, 14.10.2021. /АМИТ «Ховар»/.13 октябр  дар Вазорати  меҳнат, муҳоҷират ва шуғли аҳолии Ҷумҳурии Тоҷикистон Конференсияи миллӣ дар мавзӯи «Ҷалби диаспораҳои тоҷикон ва ҳамватанони бурунмарзӣ баҳри рушди кишвар дар давраи баъд аз COVID – 19» баргузор гардид, хабар медиҳад АМИТ  «Ховар» бо истинод ба Вазорати меҳнат, муҳоҷират ва шуғли аҳолӣ.

Конференсияи маркур аз қисматҳои ифтитоҳӣ, пленарӣ, музокирот, қисмати саволу ҷавоб ва қабули тавсияҳо иборат буд. Дар он намояндагони вазорату идораҳо, мақомоти иҷроияи ҳокимияти давлатӣ, роҳбарони диаспораҳо, ташкилотҳои ҷамъиятӣ, соҳибкорон, ҳамватанони бурунмарзӣ, инчунин, воситаҳои ахбори оммаи дохил ва хориҷи кишвар тариқи ҳузурӣ ва фосилавӣ иштирок доштанд.

​Конференсияро Вазири меҳнат, муҳоҷират ва шуғли аҳолӣ Ширин Амонзода  оғоз намуда, зикр  кард, ки дар асоси дастуру супоришҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҳамкорӣ бо диаспораҳо, ташкилотҳои ҷамъиятии тоҷикон ва ҳамватанони бурунмарзӣ ба роҳ монда шуда, вазорат онҳоро ҳамчун шарикони рушд эътироф намудааст.

Вазир таъкид намуд, ки солҳои охир робита бо диаспораҳо ва ҳамватанони бурунмарзӣ ва ҷалби бештари онҳо барои ҳалли масъалаҳои муҳоҷират, дастгирии сиёсати сулҳпарваронаи Ҳукумати Ҷумҳурии Тоҷикистон дар хориҷа, тарғиб ва нигоҳдошти арзишҳои миллӣ, фарҳангу таърих ва забони миллати тоҷик дар миёни ҳамватанони бурунмарзӣ ташаккул ёфтааст.

“Айни замон, 112 ташкилоти ҷамъиятӣ, маркази фарҳангӣ ва диаспораҳои тоҷикон ба таври расмӣ дар қаламрави Федератсияи Россия, 2 ташкилоти ҷамъиятӣ дар Ҷумҳурии Украина, 2 ташкилоти ҷамъиятӣ дар Қирғизистон, 1 диаспора ва 10 маркази фарҳангӣ дар Қазоқистон фаъолият доранд ва бовар дорем, ки ҷиҳати таъмини ҳифзи ҳуқуқи ҳамватанонамон ва таъмини онҳо бо ҷойи кор саҳми муносиб мегиранд. Бахусус, дар шароити пандемияи COVID-19 дар Федератсияи Россия ва Ҷумҳурии Қазоқистон диаспораҳо ва ташкилотҳои ҷамъиятии тоҷикон ҷиҳати расонидани кумакҳои моддӣ ба ҳамватанон якдилона мусоидат намудаанд, ки он ҳамчун намунаи муташаккили сохтори диаспоралӣ дар Федератсияи Россия ва Ҷумҳурии Қазоқистон эътироф гардидааст”, -афзуд Ширин Амонзода.

Дар идомаи кори конференсия намояндагони вазорату идораҳои дахлдор ва диаспораву ҳамватанони бурунмарзӣ доир ба имкониятҳои васеъ барои ҷалби сармоя ҷиҳати рушди соҳаҳои иқтисод, саноат, сайёҳӣ, тандурустӣ, маориф, фарҳанг, хизматрасонии иҷтимоӣ, таълимӣ, қонунгузории андози Ҷумҳурии Тоҷикистон ва дигар мавзуъҳо ба ин самт  марбут  маърӯза карданд. Аз ҷумла, роҳбарони ҷамъияти “Ҳамватанон”-и шаҳри Иркутск, Ташкилоти миллӣ- мадании шаҳри Оренбург, роҳбари ташкилоти ҷамъиятии “Дидор”-и Свердловск, роҳбари ташкилоти ҷамъиятии “Тоҷикони Шарқи Дур” ва дигар роҳбарони диаспораҳо аз манотиқи мухталифи Федератсияи Россия ва Ҷумҳурии Қазоқистон изҳори назар  намуда,   иқдоми пешгирифтаи давлату Ҳукуматро ҷонибдорӣ карданд ва таъкид карданд, ки барои рушди кишвар дар давраи баъд аз пандемияи COVID-19 саҳмгузории амиқ менамоянд.

​​ ​​Дар фарҷоми Конфронси миллӣ аз ҷониби иштирокдорон доир ба рушди минбаъдаи соҳаи муҳоҷират ва ҳамкорӣ дар ин самт тавсияҳо қабул карда шуданд.

Октябрь 14, 2021 13:14

Хабарҳои дигари ин бахш

Дар Эстония Хонаи савдои Тоҷикистон таъсис дода мешавад
Намояндагони Тоҷикистон дар «Аirspace world 2024» дар Женева иштирок намуданд
Роҳбари хоҷагии деҳқонии «Бобои Носир»: «Истифодаи оқилонаи 7,5 гектар замин ва даромад аз он дар баланд гардидани сатҳи зиндагии 5 оила мусоидат намуд»
Деҳқонони ноҳияи Мастчоҳ имсол дар майдони зиёда аз 23 ҳазор гектар кишту парвариши зироати кишоварзиро ба нақша гирифтаанд
Дар шаҳри Хуҷанд Намоишгоҳи X байналмилалии савдо «Суғд-2024» доир мегардад
«РОҲ БА СӮИ ТИЁНШОН». Душанбе охири моҳи май мизбони конфронси байналмилалӣ мегардад
Соли 2023 ба буҷети шаҳри Гулистон аз ҳисоби хизматрасонии сайёҳӣ ва табобатӣ зиёда аз 40 миллион сомонӣ ворид шуд
Ҳоҷагидорони Кооперативи истеҳсолии «Сомон-Бохтар»-и ноҳияи Кӯшониён майдони парвариши лимӯро васеъ менамоянд
Сардхонаи муосири деҳоти «Файзи Истиқлол»-и ноҳияи Кӯшониён ба аҳолӣ хизмат мерасонад
«ТОҶИКИСТОН-2024». Дар Душанбе Намоишгоҳи байналмилалии универсалӣ доир мешавад
120 гектар замини канори деҳаи Ғӯсари шаҳри Панҷакент бо оби полезӣ таъмин мегардад
Масъалаи тезонидани корҳо оид ба тармим ва навсозии нақби «Истиқлол» дар Душанбе баррасӣ гардид