«ПУЛИ ЗАБОНИ ЧИНӢ». Мӯниса Насруллоева ба рӯйхати «15 донишҷӯи хориҷии беҳтарин донандаи забони чинӣ дар соли 2021» шомил гардид

Октябрь 27, 2021 11:38

ДУШАНБЕ, 27.10.2021 /АМИТ «Ховар»/. Донишҷӯи соли чоруми факултети забонҳои шарқи Донишгоҳи давлатии Хуҷанд ба номи академик Бобоҷон Ғафуров Мӯниса Насруллоева дар Озмуни байналмилалии «Пули забони чинӣ» миёни донишҷӯёни давлатҳои Осиёи Миёна сазовори ҷойи сеюм гардида, ба рӯйхати «15 донишҷӯи хориҷии беҳтарин донандаи забони чинӣ дар соли 2021» шомил шуд, иттилоъ дод сардори маркази иттилоот ва таҳлилии Донишгоҳи давлатии Хуҷанд Фаридун Ҳодибоев ба АМИТ «Ховар»

Мӯниса Насруллоева дар суҳбат бо мо иброз намуд, ки «озмуни байналмилалии  «Пули забони чинӣ» моҳи майи соли равон бо ташаббуси Сафорати Ҷумҳурии Мардумии Чин дар Ҷумҳурии Тоҷикистон оғоз гардид. Баъд аз гузаронидани  се даври озмун дар Тоҷикистон  донишҷӯи Донишкадаи давлатии забонҳои Тоҷикистон ба номи Сотим Улуғзода Муҳаммадҷон Азизов соҳиби ҷойи аввал, ман соҳиби ҷойи дуввум ва  донишҷӯёни Донишкадаи давлатии забонҳои Тоҷикистон Қиёмиддин Ҷалилов ва Донишгоҳи давлатии ҳуқуқ, бизнес ва сиёсати Тоҷикистон Рабониддин Маҳмудов сазовори ҷойҳои сеюм гардидем. Бинобар дар даври ниҳоӣ иштирок накардани Муҳаммадҷон Азизов ман ба ҷойи ӯ Тоҷикистонро дар озмун намояндагӣ намудам».

Мавсуф зикр намуд, ки озмун тариқи онлайн аз моҳи август оғоз гардида, 20 октябр ҷамъбаст шуд.

«Дар озмун саволҳо доир ба таърих, фарҳанг ва географияи Чин дода мешуданд ва мо ба онҳо ба забони чинӣ ҷавоб медодем», — гуфт Мӯниса.

Даври ниҳоии Озмуни байналмилалии «Пули забони чинӣ» бо иштироки сардафтари институти Конфутсий дар шаҳри Пекин баргузор гардид.

Озмуни мазкур ду моҳ идома ёфта, дар он 70 ҳазор нафар иштирокчиён аз 101 давлати дунё иштирок намуданд. Мавриди зикр аст, ки Озмуни байналмилалии «Пули забони чинӣ» ҳар сол аз тарафи  Институти Конфутсий дар зиёда аз 100 мамлакати дунё гузаронида мешавад.

Тӯли чанд соли охир омӯзиши забони чинӣ дар Ҷумҳурии Тоҷикистон рушду нумӯъ намуда, ҳамчун кишвари минтақаи марзии «Як камарбанд – як роҳ» дар мамлакати мо шумораи ихлосмандони ин забон сол ба сол меафзояд.

Имсол 20-солагии Озмуни байналмилалии «Пули забони чинӣ» ҷашн гирифта мешавад. Тӯли 20 сол озмун тавонист барои тамоми ихлосмандони забон ва фарҳанги Чин дар рӯи олам минбари намоиши дониш ва ҳунару хушсалиқагӣ муҳайё созад. Озмуни мазкур на танҳо як ҷамъомади бошукӯҳи забони чинӣ, балки пули пайвасткунандаи дӯстӣ ва рушди муносибатҳои дӯстона мебошад.

Фирӯза ДАВЛАТЗОДА,
АМИТ «Ховар»

АКСҲО аз муаллиф ва манбаъҳои боз

Октябрь 27, 2021 11:38

Хабарҳои дигари ин бахш

ЭЪЛОН: «ВАССОФИ ВАТАН». Барои рӯзноманигорон ва корбарони саҳифаҳои иҷтимоии шабакаҳои интернетӣ фестивал-озмун баргузор мешавад
Тандиси биринҷии чеҳраи Президенти Тоҷикистон ба Осорхонаи миллӣ супорида шуд
АЗ НАВРӮЗ ТО НАВРӮЗ. Дар Донишкадаи давлатии санъати тасвирӣ ва дизайни Тоҷикистон фестивали муд баргузор мегардад
ИМРӮЗ-РӮЗИ ҶАҲОНИИ ТЕАТР. Дар давраи соҳибистиқлолӣ дар Тоҷикистон барои пешрафти санъати касбии театрӣ шароити мусоид фароҳам оварда шуд
«САЙРИ ГУЛИ ЛОЛА». Дар Суғд Фестивали вилоятии гулҳо доир мешавад
КОНИ ЛАЗЗАТ ВА ХОНИ НЕЪМАТ. Хабарнигори АМИТ «Ховар» оид ба таомҳои наврӯзӣ дар Бадахшон маълумот ҷамъоварӣ намуд
НАВРӮЗ-МАҲБУБТАРИН ҶАШНИ МИЛЛИИ ТОҶИКОН. Суратгузориш аз таҷлили бошукуҳи ҷашни Наврӯз дар Академияи миллии илмҳои Тоҷикистон
Байни Китобхонаи миллии Тоҷикистон ва Китобхонаи оммавӣ, илмӣ-техникии шуъбаи Академияи илмҳои Русия дар минтақаи Сибир Созишномаи ҳамкорӣ ба имзо расид
Оши бурида дар Наврӯз ҳамчун рамзи умри дароз ва ҳаёти хушбахтона омода мешавад
НАВРӮЗ — ҶАШНИ ЭҲЁ. Ин ҷашни ҷаҳонӣ бунёди маънавии миллати тоҷик мебошад
МАЗМУНҲОИ НАВРӮЗӢ ДАР АШЪОРИ АҲДИ КЛАССИКИИ ФОРСУ ТОҶИК. Андешаҳои адабиётшинос дар хусус
НАВРӮЗ ДАР ЗАРАФШОН. Он бо «тухмҷангак»-и кӯдакон оғоз мегардад