Миёни доварони федератсияҳои футболи Тоҷикистон ва Қирғизистон Ёддошти ҳамкорӣ ба имзо расид
ДУШАНБЕ, 23.11.2021 /АМИТ «Ховар»/. Миёни Раёсати доварон ва нозирони Федератсияи футболи Тоҷикистон ва Раёсати доварони Иттиҳоди футболи Қирғизистон 22 ноябр дар Душанбе Ёддошти ҳамкорӣ ба имзо расид. Дар ин бора АМИТ «Ховар» бо истинод ба Федератсияи футболи Тоҷикистон хабар медиҳад.
Ба ҳуҷҷат сардори раёсати доварон ва нозирони ФФТ Рустам Абдуллоев ва аз ҷониби Иттиҳодияи футболи Қирғизистон — раиси кумитаи доварон Баҳодир Қочқоров имзо карданд.
«Ёддошт ба таҳким ва рушди минбаъдаи ҳамкории зичи доварон миёни федератсияҳои футболи ду кишвар мусоидат мекунад. Созишнома, аз ҷумла, хидматрасонии бозиҳои дӯстона, мусобиқаҳо, мусобиқаҳои расмӣ, баргузории семинарҳои муштарак, ҷамъомадҳои таълимӣ ва дигар ҳамоишҳои таълимӣ, табодули таҷриба оид ба татбиқи технологияҳои муштаракро, ки ба баланд бардоштани сифати доварӣ нигаронида шудаанд, пешбинӣ менамояд»,-зикр намуданд дар Федератсияи футболи Тоҷикистон.
Қаблан бо даъвати Федератсияи футболи Тоҷикистон доварон аз Қирғизистон бозиҳои силсилаи ниҳоии Лигаи касбии футзали Тоҷикистон-2021 миёни дастаҳои «Сипар»-и Хуҷанд ва «Соро компания»-и Душанберо ҳакамӣ карда буданд.
АКС: ФФТ
Пагоҳ дар Душанбе Мусобиқаи ҷумҳуриявӣ оид ба ҷиу-ҷитсу байни калонсолон баргузор мешавад
ҶОМИ ОСИЁ-2026. Дастаи мунтахаби Тоҷикистон оид ба футзал бозии дуюми худро анҷом дод
ҶОМИ ОСИЁ-2026. Имрӯз дастаи мунтахаби Тоҷикистон оид ба футзал бо тими Ҷопон бозӣ мекунад
ҶОМИ ФУТЗАЛИ ОСИЁ-2026. Бозии дастаҳои мунтахаби Тоҷикистон ва Узбекистон мусовӣ анҷом ёфт
Дастаи мунтахаби наврасони Тоҷикистон (U-17) бо ҳамтоён аз Ҳиндустон бозиҳои санҷишӣ анҷом медиҳад
ҶОМИ ОСИЁ-2026. Имрӯз дастаи мунтахаби Тоҷикистон оид ба футзал бо дастаи Узбекистон бозӣ мекунад
Довар аз Тоҷикистон бозиҳои қисми ниҳоии Ҷоми футзали Осиё-2026-ро ҳакамӣ мекунад
35-СОЛАГИИ ИСТИҚЛОЛИ ДАВЛАТӢ. Дар Вилояти Мухтори Кӯҳистони Бадахшон беш аз 20 майдонча ва толори варзишӣ сохта шуд
Машғулият оид ба таҳлили бозиҳо барои мураббиёни лигаҳои наврасони Тоҷикистон оид ба футбол идома дорад
Дастаи мунтахаби Тоҷикистон оид ба футбол ба 100-гонаи беҳтаринҳои раддабандии ФИФА ворид гардид
Бозии дастаҳои мунтахаби Тоҷикистон ва Арабистони Саудӣ оид ба футзал мусовӣ анҷом ёфт
«ФУТБОЛ БА НАЗДИ ШУМО МЕОЯД». Дастаи кӯдакони ноҳияи Лахш соҳиби ҷойи аввал гардид
