Стратегияи рушди иҷтимоии аҳолии Ҷумҳурии Тоҷикистон то давраи соли 2030 мавриди баррасӣ қарор гирифт

Ноябрь 19, 2021 09:40

ДУШАНБЕ, 19.11.2021 /АМИТ «Ховар»/. Қабули Стратегияи рушди иҷтимоии аҳолии Ҷумҳурии Тоҷикистон то давраи соли 2030 яке аз ташаббусҳои муҳиму саривақтии Ҳукумати Тоҷикистон мебошад, ки бо дастгирии бевоситаи  Президенти мамлакат муҳтарам Эмомалӣ Раҳмон қабул ва мавриди амал қарор дода шудааст. Ин нуктаро 18 ноябр муовини Вазири тандурустӣ ва ҳифзи иҷтимоии аҳолии Ҷумҳурии Тоҷикистон Шодихон Ҷамшед зимни баргузории ҷаласаи корӣ  доир ба ҷараёни иҷрои Стратегияи рушди иҷтимоии аҳолии Ҷумҳурии Тоҷикистон то давраи соли 2030 дар Китобхонаи миллии Тоҷикистон иброз дошт.

Мавсуф зикр намуд, ки дастгирии табақаҳои ниёзманди аҳолӣ яке аз самтҳои афзалиятноки фаъолияти Ҳукумати мамлакат, хосатан Пешвои муаззами миллат муҳтарам Эмомалӣ Раҳмон ба шумор рафта, баҳри беҳтар намудани шароити кор ва зиндагии ин қишри ҷомеа пайваста тадрибҳои муҳиму саривақтӣ  амалӣ карда мешаванд. Маҳз тавассути сиёсати имрӯзаи Ҳукумати Ҷумҳурии Тоҷикистон барномаву лоиҳаҳои зиёд ҷиҳати дастгирии моддиву маънавии табақаҳои ниёзманди аҳолӣ дар амал татбиқ гардида истодаанд. Бо мақсади тақвият бахшидан ба сифат ва миқдори хизматрасониҳо, таъмини ҳифзи иҷтимоӣ Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ҳамкориро бо созмонҳои байналмилалӣ рӯз то рӯз беҳтар намуда истодааст.

Дар ҷаласаи корӣ намояндагони Вазорати тандурустӣ ва ҳифзи иҷтимоии аҳолии Ҷумҳурии Тоҷикистон,  Хазинаи кӯдакони СММ (ЮНИСЕФ) дар Тоҷикистон, инчунин намояндагони якчанд вазорату идора, кумита, ташкилоти ҷамъиятӣ ва дигар сохторҳои дахлдор иштирок дошта, доир ба рафти татбиқи стратегияи мазкур сухан гуфтанд.

Ҳамчунин зикр шуд, ки татбиқи босамари Стратегияи рушди иҷтимоии аҳолии Ҷумҳурии Тоҷикистон то давраи соли 2030 баҳри баланд бардоштани сатҳи некуаҳволии аҳолии мамлакат, хосатан муҳайё намудани шароити арзандаи кору зиндагии табақаҳои ниёзманди аҳолӣ мусоидат хоҳад кард.

 

АКС: Вазорати тандурустӣ ва ҳифзи иҷтимоии аҳолии ҶТ

Ноябрь 19, 2021 09:40

Хабарҳои дигари ин бахш

Масъалаи таъсиси Академияи омӯзиши забони кореягӣ дар Тоҷикистон баррасӣ гардид
Дар Вилояти Мухтори Кӯҳистони Бадахшон 401 адад муассисаҳои табобатию профилактикӣ фаъолият мекунанд
Дар Форуми байналмилалии волонтёрони Осиёи Марказӣ Тоҷикистонро 15 нафар намояндагӣ доранд
МОРО ДАР ЗИЁДА АЗ 100 ДАВЛАТИ ҶАҲОН МЕХОНАНД. Дар шашмоҳаи аввали соли 2022 аз сомонаи АМИТ «Ховар» беш аз 2 миллион маротиба дидан кардаанд
Дар Маркази саратоншиносии вилояти Суғд сохтмони бинои иловагӣ оғоз ёфт
«ФАРИШТАҲОИ САФЕД». Рӯзи кормандони соҳаи тиб дар Тоҷикистон бо маросими гулчанбаргузорӣ оғоз гардид
ЧӢ БАРОИ РУШДИ ИНТЕРНЕТИ БАЛАНДСУРЪАТ ДАР ТОҶИКИСТОН МОНЕА ЭҶОД МЕКУНАД? Коршинос, Раиси Ассотсиатсияи операторони алоқаи мобилии ҶТ сабаби онро шарҳ дод
Лоиҳаи фаъолияти солонаи маҳфили «Ҷавононе, ки дар хориҷи кишвар таҳсил мекунанд» ба нақша гирифта шуд
Дар маҳали сохтмони НБО «Себзор»-и ноҳияи Роштқалъа 17 манзили истиқоматӣ бунёд гардид
«КОРВОНИ САЛОМАТӢ». Ҷамоатҳои шаҳраку деҳоти Шаҳринав 13 рӯз бо ин тадбири муҳим фаро гирифта мешаванд
Ҳайати вилояти Сурхондарёи Узбекистон аз Маҷмааи тандурустӣ ва корхонаи саноатии вилояти Хатлон дидан намуд
Ба ноҳияи Мастчоҳ 2 адад нақлиёти тамғаи «Портер» ва 40 адад қуттиҳои махсуси ҷамъоварии партовҳо тақдим шуданд

Маводҳои таҳлилӣ