Имсол дар Хатлон дар майдони зиёда аз 7 ҳазор гектар картошкаи барвақтӣ кишт менамоянд

Декабрь 6, 2021 09:43

ДУШАНБЕ, 06.12.2021 /АМИТ «Ховар»/. Дар вилояти Хатлон имсол  тибқи дурнамо дар майдони зиёда аз 7 ҳазор гектар картошкаи барвақтӣ кишт карда мешавад. Дар ин бора 4 декабр зимни баргузории  машварати вилоятӣ оид ба буришу башаклдарории дарахтони мевадиҳанда ва хусусияти хоси парвариши картошкаи барвақтӣ дар ноҳияи Ёвон хабар доданд. Дар кори машварат кишоварзон, олимону хоҷагидорон ва боғпарварони ноҳияҳои Хуросон, Абдураҳмони Ҷомӣ ва Ёвон ширкат намуда, аз олимони соҳаи кишоварзӣ маслиҳату машваратҳои судманд гирифтанд, иттилоъ доданд  ба АМИТ «Ховар» аз шуъбаи иттилоотию таҳлилии дастгоҳи раиси вилояти Хатлон.

Муовини аввали раиси вилоят Амонулло Салимзода зикр намуд, ки «боғдорӣ ва картошкапарварӣ яке аз бахшҳои муҳимтарин ва сердаромадноки соҳаи кишоварзӣ ба ҳисоб рафта, солҳои охир таваҷҷуҳ ба ин самт бештар равона карда мешавад. Дар вилояти Хатлон майдони боғҳои мевадиҳанда ва кишти картошка сол то сол зиёд мегардад. Имрӯзҳо кишоварзон бояд ҳар ваҷаб замини корами обиро пурсамар истифода карда, заҳбуру заҳкашҳои ҳудуди хоҷагиҳои деҳқонӣ ва дигар заминҳои пахтазорро сари вақт тоза карда, ба кишти баҳорӣ омодагӣ гиранд».

Зикр шуд, ки чунин машваратҳои кишоварзӣ бо иштироки олимони соҳа, кишоварзону боғпарварон бояд бештар гузаронида шаванд, то деҳқонон роҳҳои фаровонҳосилиро омӯзанд.

Тибқи тавсияи олимону мутахассисони соҳаи кишоварзӣ, буриш ва башаклдарории дарахтони мевадиҳанда вақту мавсими муайяни  худро дошта, ҳангоми иҷро кардани ин амал бояд онро дуруст анҷом дод ва баъди буриши дарахтон ҳатман ба онҳо доруҳои пешгирикунанда аз ҳар гуна ҳашароти зараррасонро пошидан зарур аст.

АКС: шуъбаи иттилоотию таҳлилии дастгоҳи раиси вилояти Хатлон

Декабрь 6, 2021 09:43

Хабарҳои дигари ин бахш

Ҳайати Тоҷикистон дар мулоқот бо намояндагони Хазинаи Байналмилалии Асъор масъалаҳои марбут ба низоми бонкиро баррасӣ намуд
Саҳми Бонки ҷаҳонӣ дар татбиқи ислоҳоти сохтории иқтисодиёти Тоҷикистон назаррас арзёбӣ гардид
Намоишгоҳи молу маҳсулоти корхонаҳои саноатии Узбекистон дар маркази ЭКСПО-и шаҳри Душанбе то 21 апрел идома меёбад
Дар қаламрави Тоҷикистону Узбекистон қариб 400 корхонаи муштарак фаъолият менамояд
Дар вилояти Хатлон татбиқи 368 лоиҳа ба маблағи 8,5 миллиард сомонӣ пешбинӣ шудааст
Вазири кишоварзии Узбекистон дар шаҳри Ҳисор бо фаъолияти корхонаи «Агротехсервис» шинос гардид
«Гардиши мол байни ду давлат дар ояндаи наздик ба 1 миллиард доллари амрикоӣ расонида мешавад», — бардошт аз Форуми соҳибкорию сармоягузории Тоҷикистон ва Узбекистон
Ҳайати Тоҷикистон бо роҳбарияти IFC роҳҳои тавсеаи ҳамкориро баррасӣ намуд
Дар Душанбе ҷаласаи Кумитаи муштараки роҳбарикунанда оид ба муаррифии ҳисоботи СММ баргузор шуд
Татбиқи лоиҳаҳои муштарак байни Тоҷикистон ва Узбекистон баррасӣ шуд
Ҳайати Тоҷикистон дар Бонн бо намояндагони Вазорати федералии Олмон оид ба ҳамкории иқтисодӣ ва рушд мулоқот намуд
Ҳамкории Тоҷикистон бо ниҳоди Созмони Милали Муттаҳид оид ба савдо ва рушд (UNCTAD) тақвият меёбад