Тавсеаи ҳамкории «Амонатбонк» ва FAO дар мулоқоти Сироҷиддин Икромӣ ва Олег Гучгелдиев баррасӣ гардид

Декабрь 8, 2021 15:12

ДУШАНБЕ, 08.12.2021 /АМИТ «Ховар»/. Бонки давлатии амонатгузории  Ҷумҳурии Тоҷикистон «Амонатбонк» тасмим гирифтааст, ки ҳамкориро бо дафтари Созмони озуқаворӣ ва  кишоварзии Созмони Милали Муттаҳид (ФАО) Food and Agriculture Organization дар Ҷумҳурии Тоҷикистон тақвият бахшад. Дар иртибот ба ин дар Душанбе масъалаҳои марбут ба тавсеаи ҳамкорӣ миёни «Амонатбонк» ва намояндагии дафтари FAO  дар Тоҷикистон  дар мулоқоти Раиси Раёсати Бонки давлатии амонатгузории Ҷумҳурии Тоҷикистон «Амонатбонк» Сироҷиддин Икромӣ ва роҳбари номояндагии дафтари FAO  дар Ҷумҳурии Тоҷикистон Олег Гучгелдиев баррасӣ гардиданд.

Ба АМИТ «Ховар» аз «Амонатбонк»  иттилоъ доданд, ки  Сироҷидин Икромӣ доир ба фаъолияти «Амонатбонк» маълумот дода, гуфт, ки  «Амонатбонк» омодааст барои амалӣ намудани барномаҳои Ҳукумати Ҷумҳурии Тоҷикистон, махсусан дар самти дастгирии аҳолии ниёзманд ва баланд бардоштани сатҳи некуаҳволии мардум ҳамкориро бо дафтари  Созмони озуқаворӣ ва кишоварзии Созмони Милали Муттаҳид дар Ҷумҳурии Тоҷикистон ба роҳ монад.

Мусоҳибон ҳамзамон масъалаҳои марбут ба пешниҳоди қарзҳои имтиёзнок ба соҳаҳои кишоварзӣ, коркарди маҳсулоти саноатӣ, ба роҳ мондани истеҳсолот ва дастгирии соҳибкории хурду миёна дар минтақаҳои дурдасти ҷумҳуриро баррасӣ намуданд.    Роҳбари дафтари FAO  дар Ҷумҳурии Тоҷикистон Олег Гучгелдиев  иброз дошт, ки аз аввали соли 2022 нақшаи чорабиниҳоро таҳия намуда, бо ташкили гурӯҳи кории муштарак бо  «Амонатбонк» ҳамкориро ба роҳ мемонанд.

Созмони озуқаворӣ ва кишоварзии Созмони Милали Муттаҳид муассисаи махсуси СММ буда, бо талошҳои байналмилалӣ барои аз байн бурдани гуруснагӣ мубориза мебарад. Мақсади он, пеш аз ҳама, таъмини амнияти озуқаворӣ ва дастрасии мунтазами аҳолӣ ба ғизои хушсифат мебошад. 194 давлати ҷаҳон аъзои FAО буда, дар 130 кишвари ҷаҳон намояндагиаш фаъолият менамояд.

 АКС: Бонки давлатии амонатгузории ҶТ«Амонатбонк»

Декабрь 8, 2021 15:12

Хабарҳои дигари ин бахш

Миёни Кумитаи рушди сайёҳӣ ва Ассотсиатсияи туризми дар ҷомеа асосёфта Ёддошти тафоҳум ба имзо расид
Дар шаҳри Бохтар филиали КВД БССТ «Саноатсодиротбонк» ифтитоҳ гардид
БМТ: Рушди ҳисоббаробаркунии ғайринақдӣ тақозои замон аст
ҚУРБИ АСЪОР: дар муассисаҳои ташкилии қарзии Тоҷикистон 1 евро аз 12.9700 то 12.9700 сомонӣ муқаррар шудааст
Далер Ҷумъа дар нишасти Шӯрои энергетикии барқи ИДМ ширкат намуд
Соли 2022 ба Тоҷикистон аз Русия чӣ миқдор нафту газ ворид мешавад
Дар Вазорати рушди иқтисод ва савдо масъалаи содагардонии расмиёти савдо баррасӣ шуд
ҚУРБИ АСЪОР: дар муассисаҳои ташкилии қарзии Тоҷикистон 1 рубли русӣ аз 0.1524 то 0.1540 сомонӣ муқаррар шудааст
Дар Кӯлоб Форуми минтақавии соҳибкории Хатлон-2021 баргузор шуд
Дар Бонки миллӣ Стратегияи давлатии муқовимат ба коррупсия барои давраи то соли 2030 баррасӣ гардид
Маҷмааи нассоҷии ҶСП «Ҷунтай Данғара Син Силу Текстил» дар ноҳияи Данғара ба мутахассисон эҳтиёҷ дорад
Дастовардҳои биологҳои тоҷик дар соли 2021 натиҷагирӣ шуд